تازه خبرونه

اسلامي امارت په ټول افغانستان کې ۴۳ والیان، مرستیالان او د پولیسو مشران ټاکلي

خپور شوی

5 years مخکي

لړم ۱۷, ۱۴۰۰

توسط

د افغانستان اسلامي امارت د یکشنبې پر ورځ د ولایتونو د واليانو، مرستیالانو او امنیه قومندانانو په ګډون ۴۳ کسان پر مهمو دندو وګومارل.

دا ګومارنې د وږي له میاشتې راپدیخوا، چې په کې د اسلامي امارت د کابینې چارسمبالي اعلان شول؛ د ګومارلو دوه یم لوی پړاو دی.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په خپل یوه ټویټ کې په ډاګه کړې؛ د ولایتي چارو د نور ښه تنظیم او پرمختګ لپاره د ا.ا.ا د مشرتابه د سپارښتنې له مخې؛ په یو شمېر ولایتونو کې د لاندې ۴۳ نویو کسانو ټاکنې ترسره شوې دي:

۱ ـ عبدالغني د بدخشان ولایت د والي په توګه

۲ ـــ محمد علي جان د پکتیا ولایت د والي په توګه

۳ ــ قاري بریال د کابل ولایت د والي په توګه

۴ــ مفتي محمد ادریس د کابل ولایت د مرستیال والي په توګه

۵ ـــ ولي جان حمزه د کابل ولایت د امنیه قومندان په توګه

۶ ــ نثار احمد د کندوز ولایت د والي په توګه

۷ ــ حبیب الرحمان د کندوز ولایت د مرستیال والي په توګه

۸ــ عزیز الله د کندوز ولایت د امنیه قومندان په توګه

۹ــ قاري بختیار د بغلان ولایت د والي په توګه

۱۰ــ محمد ادریس د بغلان ولایت د مرستیال والي په توګه

۱۱ــ صفی الله اخند د بغلان ولایت د امنیه قومندان په توګه

۱۲ ــ حاجي مالي خان د لوګر ولایت د والي په توګه

۱۳ ــ انعام الله د لوګر ولایت د مرستیال والي په توګه

۱۴ ــ محمد الدین شاه مخبط د لوګر ولایت د امنیه قومندان په توګه

۱۵ ــ عبدالله مختار د پکتیکا ولایت د والي په توګه

۱۶ ـــ عبدالله سرحدي د بامیان ولایت د والي په توګه

۱۷ ــ سعید احمد د لغمان ولایت د مرستیال والي په توګه

۱۸ ـــ نورا لهدی د بلخ ولایت د مرستیال والي په توګه

۱۹ــ مطیع الله د بلخ ولایت د امنیه قومندان په توګه

۲۰ ـــ حبیب الله شاکر د تخار ولایت د امنیه قومندان په توګه

۲۱ ـــ حاجي دعوت د روزګان ولایت د والي په توګه

۲۲ ــ روحانی صاحب د فراه ولایت د والي په توګه

۲۳ ـــ جهادیار صاحب د فراه ولایت د مرستیال والي په توګه

۲۴ ــ حاجي صاحب معصوم د فراه ولایت د امنیه وقومندان په توګه

۲۵ ــ عبدالرحمان اکا د سرپل ولایت د والي په توګه

۲۶ ـــ محمد نادر د سرپل ولایت د مرستیال والي په توګه

۲۷ ـــ شعیب د جوزجان ولایت د والي په توګه

۲۸ ـــ عبدالمنان محمود د جوزجان ولایت د مرستیال والي په توګه

۲۹ـــ قاري صاحب پهلوان د فاریاب ولایت د والي په توګه

۳۰ـــ حذیفه صاحب د فاریاب ولایت د امنیه قومندان په توګه

۳۱ـــ لبیب صاحب د غور ولایت د امنیه قومندان په توګه

۳۲ ـــ محمد امین جان کوچي د میدان وردګو ولایت د والي په توګه

۳۳ ـــ شېراحمد د میدان وردګو ولایت د مرستیال والي په توګه

۳۴ ـــ بسم الله (عبدالله) د زابل ولایت د والي په توګه

۳۵ ـــ عبدالخالق عابد د زابل ولایت د مرستیال والي په توګه

۳۶ ــ عبدالمنان د سمنګان ولایت د مرستیال والي په توګه

۳۷ ــ نجیب الله رفیع د نیمروز ولایت د والي په توګه

۳۸ ـــ اسحاق اخندزاده صاحب د غزني ولایت د والي په توګه

۳۹ـــ سیدحنیف (عباده اغا) د غزني ولایت د مرستیال والي په توګه

۴۰ــ عبدالله د کنړ ولایت د مرستیال والي په توګه

۴۱ ـــ عبدالحق حقاني د کنړ ولایت د امنیه قومندان په توګه

۴۲ ـــ حاجي صاحب راشد د دایکندي ولایت د مرستیال والي په توګه

۴۳ ـــ سلیمان آغا صاحب د شینډنډ د ۵ ولسوالیو د مسئول په توګه

د رویټرز د څرګندونو له مخې؛ د کابل د امنیت مخکنی قومندان مولوي حمدالله مخلص روانه میاشت د کابل ښار په مرکز کې د افغانستان پر تر ټولو ستر پوځي روغتون د داعش د برید پر مهال وژل شوی دی.

Related Topics:featured featured governors IEA

Up Next

د روغتیا نړیوالې ټولنې د مرستو یوه نوې ټولګه کابل ته راورسېده

Don't Miss

نیوزیلینډ افغانستان مات او نیمه پایلوبې ته یې لار پیدا کړه

تازه خبرونه

د ۲۰۲۶ کال د بشري مرستو کمېدا میلیونونه کسان له بحران سره مخ کړي

د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.

Published

2 hours ago

چنګاښ ۱۰, ۱۴۰۵

Ariana News

د ناروې د کډوالو شورا (NRC) خبرداری ورکړی، چې په ۲۰۲۶ز.کال کې د نړۍ د بشري اړتیاوو له زیاتوالي سره – سره د ژغورونکو مرستو د برابرولو کچه تر هر وخت ډېره ټیټه شوې ده او میلیونونه کسان په «هېر شویو ناورینونو » کې له سخت خطر سره مخ دي.

د NRC سرمنشي یان ایګلنډ ویلي، چې ۲۰۲۶ کال د وینزویلا او سوډان په ګډون د میلیونونو کسانو لپاره «برخه‌لیک ټاکونکی کال» دی او خبرداری یې ورکړی، چې د مرستو پرله‌پسې کمښت کولی شي د «سترو انساني تلفاتو» لامل شي.

هغه زیاته کړې؛ هېوادونه باید بشري مرستې د اړتیا پر بنسټ، نه د سیاسي ملاحظاتو پر اساس ووېشي او له هغو هېوادونو یې، چې مالي سرچینې لري د بشري ناورینونو پر وړاندې له مسوولیت څخه د ډکو کړنو د تر سره کولو ِوښتنه کړې ده.

په راپور کې راغلي، چې افغانستان هم د لومړي ځل لپاره د NRC د «هېر شویو ناورینونو» په نوملړ کې شامل شوی او د بشري پروګرامونو تمویل یې شاوخوا ۱۱ سلنې ته راټیټ شوی دی.

NRC خبرداری ورکړی، چې د مرستو کمېدا په داسې حال کې ده، چې له ۲۱.۹ میلیون زیات افغانان مرستو ته اړتیا لري او میلیونونه نور هم له ګاونډ هېوادونو څخه هېواد ته راستانه شوي دي.

دې ادارې ټینګار کړی، چې د عاجلو بشري مرستو له زیاتوالي پرته به میلیونونه کورنۍ په افغانستان او نورو ناورین ځپلیو هېوادونو کې له لوږې، بې‌کورۍ او زیاتې ناامیدۍ سره مخ شي.

تازه خبرونه

«مونږ له بمبارۍ او فشار نه وېرېږو او نه ماتې خورو!» -د اطلاعاتو او کلتور وزیر

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

Published

3 hours ago

چنګاښ ۱۰, ۱۴۰۵

Ariana News

د اطلاعاتو او کلتور وزیر شېر احمد حقاني په کاپیسا ولایت کې د « خبریالانو د فکري، عقیدوي او مسلکي وړتیاوو لوړولو» سمینار ته د وینا پر مهال ویلي، چې هیڅ راز فشار او برید نه‌شي کولی د افغانانو اراده کمزورې کړي.

نوموړی وایي:« هغو کسانو ته باید وویل شي، چې زمونږ ماشومان یې د شپې پر خوب ویده ظالمانه بمبار او «شهیدان» کړي دي؛ مونږ له بمبارۍ او سختیو نه وېرېږو.»

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

تازه خبرونه

ازبکستان او قطر د افغانستان د تلپاتي پرمختګ پر ملاتړ ټینګار وکړ

د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمت‌الله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.

Published

4 hours ago

چنګاښ ۱۰, ۱۴۰۵

Ariana News

ازبکستان او قطر په ګډه غونډه کې د دوه‌اړخیزو همکاریو د پراختیا او د افغانستان د تلپاتي پرمختګ د ملاتړ پر لارو چارو خبرې کړې دي.

په دې لیدنه کې دواړو لوریو د سیمې پر وروستیو تحولاتو، د افغانستان اړوند موضوعاتو او ډېرې همغږۍ اندونه وړاندې کړي دي.

د ازبکستان بهرنیو چارو وزارت د خبرپاڼې له مخې، قطر د افغانستان د بیارغونې او اقتصادي رغونې د ملاتړ لپاره د تاشکند له پرله‌پسې هڅو ستاینه کړې او د سیمه‌ییز ثبات، سیمه‌ییز اتصال او اقتصادي پراختیا په پیاوړتیا کې یې د ازبکستان رول اړین بللی دی.

دواړو لوریو د غونډې په پای کې د خبرو د دوام، د عملي همکاریو د پراختیا او د هغو نوښتونو پر ملاتړ ټینګار هم وکړ، چې له افغانستان سره په تړاو د سولې، اقتصادي پراختیا او د سیمه‌ییز اتصال له پیاوړتیا سره مرسته کوي.