Connect with us

تازه خبرونه

اشرف غني باید محاکمه شي- خلک

خپور شوی

د

(Last Updated On: زمری ۲۶, ۱۴۰۰)

د کابل یو شمېر اوسیدونکي له انټرپول یا نړیوالو پولیسو غواړي، چې پخوانی ولسمشر اشرف غني ونیسي او افغانستان ته یې وسپاري.

دوی اشرف غني ملي خاین بولي او وايي، چې سیاسي هوکړې ته یې غاړه کینښوده او افغانان یې له ناڅرګند برخلیک سره مخ او له افغانستان څخه یې میلیونونه نغدې پیسې هم له ځان سره تښتولي دي.

طالبان د کابل دروزاو ته را رسیدلي وه، چې پخواني ولسمشر او ورسره ډله یې له کابل ووتل.

د راپورونو له مخې؛ اشرف غني د څو چورلکو په بدرګه عمان ته تللی دی.

د ملي پخلاینې عالي شوری مشر عبدالله عبدالله ويلي، چې اشرف غني هېواد په ناوړه وضعیت کې پریښود او له هېواده ووت.

د پلازمینې کابل ځينې اوسیدونکيو ويلي، چې اشرف غني باید محاکمه شي.

د کابل اوسیدونکی احمد ناصر وایي: پخوانی ولسمشر غل ته ورته وتښتېده. د دې پر ځای، چې له اسلامي امارت سره هوکړې ته ورسیږي؛ له هېواده ووت.

د کابل ښار شاه آغا نومي اوسیدونکي څرګنده کړې: د افغانستان ټول خلک پوهیږی، چې په تېرو ۲۰ کلونو کې ټولو غلا او لوټ کړی او قاچاقبر ول؛ ځکه ټولو تطښته وکړه.

د کابل خلک وايي: اشرف غني، چې په هر هېواد کې وي باید بېرته یې افغانستان ته را واستوي؛ خلک ور سره حساب او کتاب لري.

دوی ويلي، چې پخواني ولسمشر له افغانستان څخه نغدې پیسې له ځانه سره وړي دي.

د کابل اوسیدونکي منصور جان ویلي؛ اشرف غني دې انټرپول یا نړیوال پولیس راستون کړي، چې خلکو ته د خپل ملي خیانت ځواب ووایي.

د کابل ښار اوسیدونکي توریالي ویلي: نظام زمونږ اړتیا ده. طالبان هم باید د هېواد دښمنانو ته د خیانت اجازه ورنکړي.

ځينې نور له طالبانو غواړي، چې دولت جوړونې او د امنیت ټینګښت ته پام راواړوي او له خلکو سره خپل پلانونه شریک کړي.

احمد فواد نومي کابل ښاري وایي: خلک اندېښمن دي. له طالبانو زمونږ غوښتنه داده، چې دولت جوړونې او امنیت خوندي کولو ته هڅې وکړي او خپلې غوښتنې په ډاګه کړي.

که څه هم اشرف غني له هېواده له وتلو یوه ورځ مخکې ویلي وه، چې د پوځ د بېرته را غونډولو لپاره یې مټې رابډوهلي؛ خو د کابل دروازو ته د طالبانو له رارسېدو سره سم یې په څو ګړیو کې دریځ بدل او له حمدالله محب او فضلي سره یې له هېواده بریالۍ تېښته ترسره کړه.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!