تازه خبرونه
افغانان د سوند توکو لوړو بیو اندېښمن کړي
د کابل ښار په ګډون د ټول هېواد خلک د لومړنیو سوند توکو د بیو له لوړیدو سرټکوي.
دوی څرګندوي، چې په کابل ښارکې یو لیټر پترول ۶۵ افغانۍ یو لیټري ډیزل ۵۶ افغانۍ او یو لیټر او بلن ګاز د ۷۰ او اتیا افغانیو ترمنځ پلورل کیدو خلک اندېښمن کړي او د افغانستان له اسلامي امارت څخه د بیو د څارنې غوښتنې کوي.
د افغانانو د څرګندونو له مخې؛ که حکومت د خصوصي سکتور د خپلسرویو مخنیوي و نکړي، نو ښايي هېواد له یوه ستر اقتصادي ناورین سره مخ شي.
د خصوصي سکتور غړي بیا وايي: ترهغې، چې د خصوصي سکتور د پیسو د لېږد په اړه د بانکونو فعالیتونه پوره پیل نشي؛ نو ښايي دا ستونزه همداسې روانه و.
کابل ښار استوګن باباګل وایي: د سوند توکو ټولې بیی لوړې شوي؛ في لیټر تېل او ګاز ۷۰ او ۸۰ ترمنځ دي. خلک بېکاره دې او نشي کولي، چې دا واخلي.
د کابل ښار ټکسي چلوونکي ذبیح الله کوچي ویلي؛ مونږ د افغانستان له اسلامي امارته غواړو، چې د بیو څارنې ته پام راواړوي.
یو بل ښاري ټکسي چلوونکی فضل الرحمان روان وایي: مونږ فقط له اسلامي امارت نه ددې غوښتنه کوو چې د سوداګرو له خپلسریو مخنیوی وکړي.
په کابل ښارکې د تېل پلورونکیو د سرتاسري ټولنې غړي د بانکونو له لوري د سوداګرو د پیسو محدود کیدو او په بنادرو کې د تېل انحصار د قیمتونو د لوړیدو اصلي لامل بولي.
د افغانستان د تېل پلورونکیو ټولنې غړی محمد آصف وایي: که د بانکونو له لوري د نفتي توکو سوداګرو ته بانکي آسا نتیاوې رامنځته شي؛ ستونزې اواریږي.
د سوداګرۍ او پانګونې خونې مسوولین هم د خصوصي سکتور پر وړاندې د بانکې د محدود یتونو له کبله د ټول هېواد په مارکیټونو کې بیې لوړې شوي.
د خصوصي سکتور د خونو فډرسیون مرستیال خان جان الکوزی څرګندوي: د خصوصي سکتور پر وړاندې ګڼې ستونزې پرتې دي. مونږ ته باید حکومت بانکي ستونزې اواري کړي کنه؛ نو ښايي هېواد له اقتصادي ناورین سره مخ شي.
د اقتصادي چاروکارو پوهانو بیا د افغانستان د اسلامي امارت له مسوولینو غوښتنه کوي، چې باید د سکتوري او اقتصادي بنسټونو ستونزو ته پوره پام راواړوي.
د اقتصادي چارو کارپوه سیدالرحمان عمران ویلي: زما له نظره د افغانستان اوسنیو شرایطوته په کتو د افغانستان اسلامي امارت باید اقتصادي سمونونو او د سوداګرۍ او پانګونې د بهیر فعال ساتلو ته ډېره هڅه وکړي.
د اقتصادي چارو کارپوهان وايي، چې اسلامي امارت باید د اقتصادي بهیرونو فعالیت ته لومړیتوب ورکړي، چې په راتلونکي کې د اقتصادي خطرونو مخه ونیول شي.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
له برید درولو وروسته ایران له امریکا سره پر لنډمهالي اوربند هوکړه وکړه
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري3 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه4 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه4 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري4 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
سوداگري1 day agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سیمه ییز خبرونه1 day agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
تازه خبرونه4 days agoپه کابل کې د کتاب نندارتون؛ د لوست کلتور پیاوړتیا او د کورنیو لیکوالانو ملاتړ
-
نړۍ3 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو