لوبی
افغانستان د ۲۰۲۲ کال آسیا جام سیالیو بل پړاو ته لار پیدا کړه
افغانستان د ۲۰۲۲ کال اسیا جام سیالیو په لړ کې د محمد نبي په مشرۍ د سې شنبې پر شپه بنګله دېش ته په اووه ویکټو ماتې ورکولو سره دوه یمه بریا خپله کړه او څلورو غوره لوبډلو ته یې لار وموندله.
دا لوبډله هم د شپږ لوبډلو څخه لومړی لوبډله شوه، چې د سیالۍ راتلونکي پړاو ته ننوځي، چې د اکتوبر په میاشت کې د ۲۰ آوریزو نړیوال جام ته وردننه کیږي.
د افغانستان ملي لوبډلې په شارجه کې پر ۷ ویکتو او ټاکلیو منډو بنګله دېش ته ماتې ورکړه.
د افغانانو لپاره ابراهیم او نجیب الله ځدراڼ د ۶۹ ناسوځېدلو منډو له جوړولو سره بریا خپله کړه.
افغان توپ اچوونکیو مجیب الرحمن او راشد خان درې درې ویکتې واخیستې.
د بنګله دېش لپاره مصدق حسین ۴۸ ناسوځېدلې منډې جوړې کړې.
افغانستان له دې مخکې په دې سیالیو کې خپله لومړنۍ لوبه له سریلانکا پر ۸ ویکتو وګټله او خپله دوه یمه هغه یې له بنګله دېش پر ۷ ویکتو وګټله.