تازه خبرونه
افغانستان یو ځل بیا د ملګرو ملتونو په امنیت شورا کې د پاکستان له لاسوهنو د شکایت کولو موکه له لاسه ورکړه
د ولسي جرګې یو شمېر غړي نیویارک ته د اجرايي رییس په مشرۍ په تللي پلاوي سختې نیوکې کوي چې ګواکي د ملګرو ملتونو د امنیت شورا ته يې د پاکستان د لاسوهنو له کبله خپل شکایت ونه کړ. دوی وايي چې له داعش څخه د پاکستان د ملاتړ او په افغانستان کې د داعش په وسیله خپلو موخو ته د پاکستان د رسېدو هڅې هم بابېزه وګڼل شوې.
د ولسي جرګې یو شمېر غړي وايي چې افغانستان یو ځل بیا د ملګرو ملتونو په امنیت شورا کې د پاکستان د لاسوهنو له کبله د شکایت کولو فرصت له لاسه ورکړ. دغه غړي د اجرايي رييس په مشرۍ د ملګرو ملتونو اویایمې غونډې په تللي پلاوي سختې نیوکې کوي چې ملګرو ملتونو ته یې د هغو ستونزو یادونه ونه کړه چې افغانستان د پاکستان د لاسوهنو له کبله ور سره لاس او ګرېوان دی.
په ولسي جرګه کې د باميانو ولایت د خلکو استازی فکوري بهشتي وايي: «د افغانستان د نا امنۍ او هغه بهرني لاملونه چې له امله يې مخالفین تمویل او تجهیز کېږي، ملګري ملتونه هغه ځای دی چې باید دغه ستونزه په کې وړاندې شوې وای. خو افغانستان خپل فرصت له لاس ورکړ اجرایه رییس باید چې د خلکو غږ د نا امنیو په اړه نړيوالو ته رسولی وای خو په له بده مرغه چې دا فرصت یی هم له لاس ورکړ.»
په ولسي جرګه کې د پکتيکا د خلکو استازی نادرخان کټوازی وايي: «د ملګرو ملتونو په غونډه کې مهم مسایل و چې د پاکستان او نورو ګاونډیو هېوادونو په غونډو کې یاد شوي خو هېڅ پايله يې نه ده ورکړې. دا مسایل باید په زغرده یاد شوي وای اسناد موجود وو، ولې يې نه یادوي فکر کوم چې پاکستان تېر ایستی او تر غونډې وروسته به بیا هم هغه خبرې وي.»
همدازار د ولسي جرګې یو شمېر غړي له داعش څخه د پاکستان په ملاتړ او په افغانستان کې د دغې ډلې په فعالیت هم اندېښنه څرګندوي.
په ولسي جرګه کې د هلمند استازی عبدالحی اخند زاده وايي: «په افغانستان کې اصلي نه بلکې جعلي داعش دي، دوی خپل فعالیتونه پیل کړي او پاکستان یی تر شا دی په نورو سیمو کې د طالب په نوم او په ننګرهار او شمالي ولایتونو کې يې د جعلي داعش په نوم سپارلي دي.»
په ولسي جرګه کې د غزني د خلکو استازی علی اکبر قاسمي وايي: «داعش سرتېري جذبوي موږ ته هم د ملګرو ملتونو راپور مستند و چې د افغانستان په ډېرو سیمو کې فعالیت کوي د خلکو له اقتصادي ستونزو څخه په استفاده يې خپلو لیکو ته جذبوي.»
دا په داسې حال کې ده چې ملګرو ملتونو هم د یوه راپور په خپرولو په افغانستان کې د داعش جګړه مارو له زیاتوالي څخه خبر ورکړی. په دغه راپور کې ویل شوي داعش ډلې د افغانستان په پنځه ويشتو ولايتونو کې نفوذ کړى او پلويان يې په زياتېدو دي.
خبريال: عبدالعزیز کریمي
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
بیجینګ دې له کابل سره د ترهګرۍ په اړه خبرې وکړي – اسلامآباد
په فاریاب کې سیلابونو ۱۸ کسان مړه او سلګونه کورونه ویجاړ کړل
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
له سوالګرۍ څخه د مخنیوي قانون په رسمي جریده کې خپور شو
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
په هر حال پر رفح برید شونی دی – نتانیاهو
د بغلان ولایت د غوري سمنټو تولید زیات شوی
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
راشد خان د افغان بیسیم سوداګریز سفیر شو
په عراق کې به همجنسبازان پر۱۵ کاله بند شي –پارلمان
تحول: په بامیان ولایت کې د ۳ سیلانیانو وژل کېدل
څار: د افغانستان د سیاسي مسلې د حل هڅې
تحول: د چین له سفیر سره د ریاست الوزراء د سیاسي مرستیال لیدنه
څار: د افغانستان په اړه سیمهییزه اجماع
تحول: له سیاسي مرستیال سره د جاپان سفارت د چارسمالي لیدنه
-
د هوا حالاتو بدلونونه5 days agoپه تېرو ۲ زره کلونو کې د تېر کال اوړی له ټولو تود و – څېړنه
-
سوداگري4 days agoد صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days agoپر رفح د اسرائیلو بریدونه په نړیواله محکمه کې ارزول کیږي
-
تازه خبرونه4 days agoد تورخم لار لنډمهاله تړل کیږي
-
تازه خبرونه3 days agoجاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days agoاروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day agoراشد خان د افغان بیسیم مخابراتي شرکت رسمي سوداګریز سفیر شو
-
سوداگري5 days agoتېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره