تازه خبرونه
افغان او ایراني چارواکو د کاري جواز او قانوني استوګنې پر امکاناتو خبرې وکړې
په دې لیدنه کې دواړو خواوو د ایران د همکارۍ، کار او ټولنیزې هوساینې وزارت او د افغانستان د کار او ټولنیزو چارو وزارت ترمنځ د هوکړه لیک پر وروستي کولو هم ټینګار وشو.
په کابل کې د ایران سفارت ویلي، چې د سفارت چارسمبالي علي رضا بیکدلي د افغانستان د کار او ټولنیزو چارو وزارت له چارسمبالي عبدالمنان عمري سره ولیدل او د دواړو هېوادونو ترمنځ یې د کار او ټولنیزو چارو پر مسلو هر اړخیز بحث او خبرې وکړې.
په دې لیدنه کې دواړو خواوو د ایران د همکارۍ، کار او ټولنیزې هوساینې وزارت او د افغانستان د کار او ټولنیزو چارو وزارت ترمنځ د هوکړه لیک پر وروستي کولو هم ټینګار وشو.
د دغه هوکړه لیک له مخې؛ د دواړو هېوادونو وګړي به یوازې هغه وخت د کار کولو اجازه ولري، چې دوی له خپلو کارګماروونکو څخه رسمي کاري جواز ترلاسه کړی وي.
ویل کیږي، چې د دې کاري جواز پر بنسټ به کارګرانو ته ویزې او د قانوني استوګنې جوازونه هه ورکړ شي.