Connect with us

تازه خبرونه

افغان مسلمانانو متحد شئ او لنډمهاله حکومت جوړ کړئ- ګیلاني

خپور شوی

د

Last Updated on: تله ۳۰, ۱۳۹۹

د افغانستان د ملي اسلامي محاذ مشر، حامید ګیلاني په هېواد کې له ښکېلو افغان اړخونو غوښتي، چې د مسلمانانو په توګه متحد او لنډمهاله حکومت جوړ کړي.

حامد ګیلاني له حکومت او طالبانو وغوښتل؛ له هغه څه سره سم ګامونه پورته کړئ، چې الله تعالی د سولې په اړه فرمایلي: او سوله ښه ده.

هو! مونږ باید د خلکو د خیر لپاره کار وکړو.

هغه وايي؛ مونږ هم افغانان او مسلمانان یو او دا یوازې مونږ افغانان او مسلمانان یو، چې کړیږو. هغه خلک، چې په ټولو خواوو کې مړه کیږي او یا ټپیان کیږي دواړه افغانان او مسلمانان دي.

نوموړي ویلي: وروڼو!  راځئ چې همغږي او متحد شو او د الله په خاطر له دې روانې فتنې او بغاوته  لاس واخلو او د سولې پر لوري، چې په کې د الله پاک رضا ده؛ حرکت وکړو.

ګیلاني په دوحه کې روانو خبرو ته پهغوته کې ویلي؛ دواړه خواوې مدعي دي. په هرو (دودیز) خبرو اترو، مذهبي / شرعي، ملي دودونو او نړیوال قوانینو کې تل د شخړو اوارولو ته د دریمې ډلې اړتیا لیدل لیدل شوې. د همدې دلیل له مخې لکه څنګه، چې زه یې ګورم  د ستونزې د حل کولو لپاره د لنډمهاله حکومت له رامنځته کولو پرته، چې د ټولو خواوو استازیتوب وکړي؛ هرڅوک په کې راضي وي او پر بنسټ یې د سولې ګامونه واخیستل کیږي، بل هیڅ غوراوی نلرو.

هغه دا هم څرګنده کړې، چې بیا د خلکو له هیلو سره سم ملي حکومت جوړ شي او د ملي اجماع  پر بنسټ د ټولو ګوندونو په ګډون روان شراچوونکی جنګ پای ته ورسیږي.

نوموړي ډاډمن دی، چې یو بل واکمن شته، چې اوسنۍ جګړې ته، چې نږدې ۴۰ کاله اوږده شوې او داسې جګړهډ چې پکې د بهرنیو شریکانو او ګاونډ هېوادونو په ګډون ډېري برخوال پدې باور دي، چې دا جګړه پوځي حل نلري؛ د پای ټکی ږدي.

تازه خبرونه

د ۲۰۲۶ کال د بشري مرستو کمېدا میلیونونه کسان له بحران سره مخ کړي

د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.

Published

on

 

د ناروې د کډوالو شورا (NRC) خبرداری ورکړی، چې په ۲۰۲۶ز.کال کې د نړۍ د بشري اړتیاوو له زیاتوالي سره سره د ژغورونکو مرستو د برابرولو کچه تر هر وخت ډېره ټیټه شوې ده او میلیونونه کسان په «هېر شویو ناورینونو » کې له سخت خطر سره مخ دي.

د دې ادارې د څرګندونو له مخې، د ۲۰۲۶ کال له پیل څخه شپږ میاشتې وروسته یوازې ۳۰ سلنه هغه بودجه ترلاسه شوې، چې د نړۍ د ۲۵۲ میلیون اړمنو کسانو له ډلې د ۱۴۳ میلیون کسانو د ملاتړ لپاره اړتیا ده.

د NRC سرمنشي یان ایګلنډ ویلي، چې ۲۰۲۶ کال د وینزویلا او سوډان په ګډون د میلیونونو کسانو لپاره «برخه‌لیک ټاکونکی کال» دی او خبرداری یې ورکړی، چې د مرستو پرله‌پسې کمښت کولی شي د «سترو انساني تلفاتو» لامل شي.

هغه زیاته کړې؛ هېوادونه باید بشري مرستې د اړتیا پر بنسټ، نه د سیاسي ملاحظاتو پر اساس ووېشي او له هغو هېوادونو یې، چې مالي سرچینې لري د بشري ناورینونو پر وړاندې له مسوولیت څخه د ډکو کړنو د تر سره کولو ِوښتنه کړې ده.

په راپور کې راغلي، چې افغانستان هم د لومړي ځل لپاره د NRC د «هېر شویو ناورینونو» په نوملړ کې شامل شوی او د بشري پروګرامونو تمویل یې شاوخوا ۱۱ سلنې ته راټیټ شوی دی.

NRC خبرداری ورکړی، چې د مرستو کمېدا په داسې حال کې ده، چې له ۲۱.۹ میلیون زیات افغانان مرستو ته اړتیا لري او میلیونونه نور هم له ګاونډ هېوادونو څخه هېواد ته راستانه شوي دي.

دې ادارې ټینګار کړی، چې د عاجلو بشري مرستو له زیاتوالي پرته به میلیونونه کورنۍ په افغانستان او نورو ناورین ځپلیو هېوادونو کې له لوږې، بې‌کورۍ او زیاتې ناامیدۍ سره مخ شي.

Continue Reading

تازه خبرونه

«مونږ له بمبارۍ او فشار نه وېرېږو او نه ماتې خورو!» -د اطلاعاتو او کلتور وزیر

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

Published

on

 

د اطلاعاتو او کلتور وزیر شېر احمد حقاني په کاپیسا ولایت کې د « خبریالانو د فکري، عقیدوي او مسلکي وړتیاوو لوړولو» سمینار ته د وینا پر مهال ویلي، چې هیڅ راز فشار او برید نه‌شي کولی د افغانانو اراده کمزورې کړي.

نوموړی وایي:« هغو کسانو ته باید وویل شي، چې زمونږ ماشومان یې د شپې پر خوب ویده ظالمانه بمبار او  «شهیدان» کړي دي؛ مونږ له بمبارۍ او سختیو نه وېرېږو.»

هغه زیاتوي؛ مونږ هغه کسان مات کړل، چې له تاسې څخه پر پرمختللیو تجهیزاتو او عصري وسلو سمبال ول.»

Continue Reading

تازه خبرونه

ازبکستان او قطر د افغانستان د تلپاتي پرمختګ پر ملاتړ ټینګار وکړ

د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمت‌الله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.

Published

on

 

ازبکستان او قطر په ګډه غونډه کې د دوه‌اړخیزو همکاریو د پراختیا او د افغانستان د تلپاتي پرمختګ د ملاتړ پر لارو چارو خبرې کړې دي.

د ازبکستان بهرنیو چارو وزارت څرګنده کړې، چې د افغانستان په چارو کې د دغه هېواد ځانګړي استازي، عصمت‌الله ارګاشوف، په تاشکند کې د قطر له سفیر حسن حمزه هاشم سره د سوداګرۍ، پانګونې، ټرانسپورټ، لوژسټیک کلتوري او بشري نوښتونو په برخو کې د همکاریو په اړه خبرې کړې دي.

په دې لیدنه کې دواړو لوریو د سیمې پر وروستیو تحولاتو، د افغانستان اړوند موضوعاتو او ډېرې همغږۍ اندونه وړاندې کړي دي.

د ازبکستان بهرنیو چارو وزارت د خبرپاڼې له مخې، قطر د افغانستان د بیارغونې او اقتصادي رغونې د ملاتړ لپاره د تاشکند له پرله‌پسې هڅو ستاینه کړې او د سیمه‌ییز ثبات، سیمه‌ییز اتصال او اقتصادي پراختیا په پیاوړتیا کې یې د ازبکستان رول اړین بللی دی.

دواړو لوریو د غونډې په پای کې د خبرو د دوام، د عملي همکاریو د پراختیا او د هغو نوښتونو پر ملاتړ ټینګار هم وکړ، چې له افغانستان سره په تړاو د سولې، اقتصادي پراختیا او د سیمه‌ییز اتصال له پیاوړتیا سره مرسته کوي.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117