لوبی
افغان کرکت ملي لوبډله راتلونکې میاشت یو ځل بیا له پاکستان سره مخ کیږي
د افغانستان کرکت ملي لوبډله به راتلونکې میاشت په آسترالیا کې د شل آوریز نړیوال جام له پیل مخکې له بنګله دیش او پاکستان سره د چمتو کېدو مخامخ لوبې ولري.
د هېواد کرکت ملي لوبډله به د بنګله دېش پر وړاندې د تلې/ میزان پر پېنځه ویشتمه او د پاکستان پر وړاندې پر اووه ویشتمه نېټه د آاسترالیا په بریزبن ښار کې لوبه وکړي.
د کرکت نړیوالې شورا د پنجشنبې پر ورځ د شل آوریز نړیوال جام د چمتوالي سیالیو مهالوېش اعلان کړ. په دغه تورنمنت کې شپاړس لوبډلې ګډون لري.
شل آوریز نړیوال جام به د تلې پر څلیریشتمه / د اوکتوبر پر ۱۶ د سریلانکا او نمیبیا تر منځ له لوبې سره پیل شي.
په دې تورنمنت کې به د افغانستان کرکت ملي لوبډله خپله لومړۍ لوبه د تلې پر ۳۰ / د اوکتوبر پر ۲۱ له انګلستان سره ترسره کړي او د لړم/ عقرب پر څلورمه / د اوکتوبر ۲۶ نېټه به له نیوزیلند سره مخ شي.
لوبی
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
د افغانستان فوټبال اتلانو لیګ اووهدېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.
په دې لوبه کې یوه لوبډله پر ګول وهنه بریالۍ نشوه.
له بلې خوا د نن ورځې په دوهیمه یا اتهدېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.
د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.
دا سیالۍ له آریانا ټلویزیون څخه پر ژوندۍ بڼه خپرې شي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه3 days ago
د پاکستان خاوره د افغانستان پر ضد کارول کیږي
-
نړۍ3 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ5 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
تازه خبرونه5 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه