لوبی
پاکستان په وروستي آوور کې له افغانستان څخه دغه زړه راکښونکې لوبه وګټله
تېره شپه په شارجه کې لسم نمبرلرونکي نسیم شاه د وروستي آوور پر لومړیو دوه بالونو دوه شپږیزې ووهلې او پاکستان د افغانستان پر وړاندې د آسیا جام د سیالیو زړه راکښونکې بریا خپله کړه.
نن (پنجشنبه د وږي اووه لسمه) د کابل پر وخت شپږ بجې د افغانستان د کرکت ملي لوبډله په عربي متحده اماراتو کې له هند سره لوبه کوي.
په پرونۍ لوبه کې بابر اعظم پچه وګټله او محمد نبي ته یې د توپ وهنې بلنه ورکړه، افغان توپ وهونکیو لوبه ښه پېل کړه؛ خو پرلپسې ویکتې یې له لاسه ورکړې.
افغانستان په دې زړه راکښونکې لوبه کې پاکستان لوبډلې ته د ۱۳۰ منډو هدف وټاکه؛ خو په وروستي آوور کې پاکستان پر یو ویکت بریا خپله کړه.
د پاکستان مخکښ توپ وهونکی بابر اعظم د فضل حق فاروقي له لوري په صفر وسوځول شو، چې وروسته لوبه جالبه او آن وروستي آوور ته ورسېده او د نسیم شاه پر دوه شپږیزو پاکستان لوبه وګټله.
افغان لوبډلې که څه هم په بدقسمتۍ ماتې ومنله؛ خو ثابته یې کړه، چې له نړۍ سره لوبېدلی شي.
له دې مخکې په ګروپي لوبو کې افغانستان خپلو سیالانو سریلانکا او بنګلدیش ته ماتې ورکړې دي.
د افغانستان له دې ماتې سره پاکستان او سریلانکا د آسیا جام پایلوبې ته لار وموندله، چې راتلونکې یکشنبه به ترسره شي.
افغانستان په دې لوبه کې هڅه وکړه، چې د ویکتو پر تر لاسه کولو پاکستان له لوبې بهر کړي او بریالی شو، چې افتخار او شاداب ناهیلي کړي؛ نواز او آصف علي بې پایلې پاتې شي، ځکه دوی د افغانستان بریالیتوب احساس کړ.
فضل حق فاروقي پر دوه توپونو دوه شپږیزې ووهلې؛ خو پرله پسې شپږیزو د پاکستان بریا یقیني کړه او په دې توګه په اړوند سیالیو کې یې د هند او افغانستان د نننۍ لوبې زیری نور هم ډاډمن کړ.
پاکستان به خپله بله لوبه د جمعې پر ورځ د وږي پر ۱۸/ د سپتمبر نهمه له سریلانکا سره تر سره کوي.
دواړه هېوادونه په دوه یم پړاو کې دوه دوه بریاوې لري.
د ۲۰۲۲ کال آسیا کرکت جام وروستۍ لوبه به د یکشنبې پر ورځ ترسره شي.
د یادونې ده، چې افغانستان به نن د آسیا جام خپله وروستۍ لوبه د هندوستان پر وړاندې به دوبۍ لوبغالي کې ترسره کړي.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
لوبی
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
د سې شنبې پر ورځ په کابل کې د افغانستان اتلانو لیګ په اوومه لوبه کې ابو مسلم فراه لوبډلې خراسان فاریاب لوبډلې ته ۶ د صفر پر توبیر ماتې ورکړه.
د همدې ورځې په دوهیمه لوبه کې د افغانستان اتلانو لیګ اتمه لوبه عینو مېنې وګټله او سرسبز یاشلر افسي ته یې ۴ پر صفر ماتې ورکړه.
د ابو مسلم فراه له لوري سهراب افغان درې ګولونه، امان الله سرداري دوه ګولونه او احمد خالد مجیدي یو ګول ترسره او د ډګر اتلان شول.
سهراب افغان د افغانستان اتلانو لیګ لومړنی لوبغاړی شو، چې په یوه لوبه کې یې درې ګولونه ووهل او د دې لوبې غوره لوبغاړی ونومول شو.
هغه له لوبې وروسته څرګنده کړه: لوبه ښه وه او ما د لوبډلې د غړیو پر همغږۍ درې ګولونه سیالې لوبډلې ته ورکړل.
د ابو مسلم فراه فوټبال لوبډله د ۸ ګولونو پر وهلو د لښتیلیک یا جدول په سر کې ده.
عینو مېنه د اووه ګولونو پر ترسره کولو دوهیم مقام لري.
آهن الله درمان د سرسبز یاشلر افسي لوبډلې پر وړاندې په لوبه کې د غوره لوبغاړي نوم خپل کړ.
درمان د جام له خپلولو وروسته ویلي؛ خوښ یم، چې د عینو مېنې په لوبډله کې د کندهار د خلکو استازیتوب کوم او خپلو خلکو ته خوښۍ راوړم او دا بریا او جایزه د کندهار ټولو ولسونو په ځانګړي توګه خپلې کورنۍ ته وړاندې کوم.
د عینو مېنې لوبډلې له لوري آهن الله درمان ۲ ګولونه وهلي؛ احمد نبي مقدس او رامین حمیدي یو ـ یو ګول وهلی دی.
د سرسبز یاشلر افسي لوبډلې مشر روزونکي د لوبډلې پر ماتې خواشیني څرګنده کړې او وایي، چې د لوبډلې د ماتې لامل د تجربه لرونکیو لوبغاړو نشتوالی دی.
نوموړي زیاته کړې؛ هیله ده، چې په راتلونکیو سیالیو کې یې لوبډله ښه وځلیږي.
د چارشنبې په سیالۍ کې، چې د غرمي پر ۱:۰۰ پیلیږي؛ سرخ پوشان خوافي به له اټک انرژي افسي سره لوبه وکړي. په داسې حال کې، چې استقلال کابل افسي به له غرمې وروسته ۳:۳۰ له موج ساحل افسي سره نهمه لوبه ترسره کړي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
د دوشنبې پر ورځ په کابل کې د افغانستان اتلانو لیګ په پېنځمه لوبه کې د موج ساحل لوبغاړي شاه نصیر نوري جوانان واحدي لوبډلې ته د ډګر له نیمایي څخه پخپل زړهراکښونکې ګول یو د صفر پر توپیر بریا خپله کړه.
د دغو سیالیو په شپږمه لوبه کې، چې پر همدې ورځ ترسره شوه؛ میوند لوبډلې عد الت فراه ته ۲ پر ۱ماتې ورکړه.
د لوبې لومړی ګول د عدالت فراه له لوري عبدالعلي واحدي په شپږدېرشمه دقیقه کې ترسره کړ؛ خو د میوند لوبډلې رحیم الله د لوبې د لومړۍ نیمايي له پای ته رسېدو لږ مخکې لوبه مساوي کړه.
عبدالرحمن محمدي د لوبې په دوهیمه نیمایي کې ګټونکی ګول ترسره کړ او لوبډلې ته یې د ډګر بریا ورپر برخه کړه.
نن سې شنبه ( د غویي څلورمه ) غرمه مهال یوه بجه به ابو مسلم فراه له خراسان فاریاب سره او له غرمې وروسته درې نیمې بجې به سرسبز یاشلر د عینو مېنې پر وړاندې لوبه وکړي.
دغه سیالۍ له آریانا ټلویزیون څخه پر ژوندۍ بڼه خپریږي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ