تازه خبرونه
افغان ملي اقتصاد په چار بهار بندر کې له ګواښونو سره مخ شوی
د امریکا ولسمشر ترمپ وروستۍ پرېکړې د چاه بهار پروژې په تر سره کیدو کې خنډ پېښ کړی دی.
د رویترز خبري آژانس د راپور له مخې؛ د امریکا د ولسمشر له خوا پر ایران د بندیزونو زیاتیدو د ایران، افغانستان او هند ګډه پروژه یا چابهار د فعالیت چارې هم له ګواښونو سره مخ کړې دي.
چابهار د عمان خلیج په شمالي څنډه او د هورمز تنګي په اوږدو کې پروت بندر دی. افغانستان، هند او ایران تېر کال درې اړخیز تړون لاسلیک کړ، چې له مخې یې کابل او ډیلي د ایران د چابهار بندر له لارې را کړه ور کړه هم کولی شي.
د افغانستان د سوداګرۍ خونه مني، چې کیدی شي پر ایران د امریکا د بندیزونو زیاتوالی د چابهار پر لار منفي اغېز ولري.
دوی ویلي؛ پلان يي درلود، چې له دې لارې د افغانستان د تازه میوو صادرات پیل شي.
د سوداګري خونې سرپرست خانجان الکوزی وایٍي؛ مونږه له ایران او هندوستان سره خبري کړي، چې په روان کال کې به له دې لارې ممبيي ته صادرات ولرو. که بندیزونه زیات شي، ښايي دا لړۍ هم زیانمنه شي.
د صنایعو اوسوداګرۍ وزارت بیا وايي، افغانستان ټولې چارې د خپلو ملي ګټو پر بنسټ تر سره کوي او د خپلو صادارتو د تر سره کولو لپاره یې نور ډېر دهلیزونه هم په نظر کې نیولي دي.
د صنایعو او سوداګرۍ وزارت ویاند مسافر قوقندي وایی: افغانستان د خپلو صادراتو لپاره پر هوايي دهلیزونو کار کړی او د نړۍ مارکیتونو ته د لاسرسي پر لارو چارو مو هم کار کړی دی. مونږ د خپلو ملي ګټو له مخې حرکت کوو.
د اقتصادي چارو کار پوهان هم په دې بارو دي، چې پر ایران د نړیوالو بندیز ونو زیاتوالی به د چابهار پر فعالیت او د افغانستان پر اقتصاد مستقیم اغېز ولري.
اقتصادي چارو کار پوه محمد طاهر وردګ وایي: اړینه ده، چې پر ایران د بندیزونو زیاتیدل به په چابها کې د افغانستان او ایران پر سوداګرۍ هم اغېز ولري.
د سوداګرۍ او صنایعو وزارت وايي، له ټولو ګاونډ هېوادونو سره خپلو ښو اقتصادي اړیکو ته ژمن يو او دې بهیر ته به ډاډمنه پراختیا ورکړو.
دوی ویلي، چې د هند پر مرسته د چاه بهار بندر پروژه د افغانستان د ترانسپورت لپاره یو نوی دهلیز دی، چې د پاکستان پر بې باورو لارو د افغانستان اتکا پای ته رسوي.
خبریال: اسلم حجاب
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه20 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی17 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل