تازه خبرونه
امريکايي چارواکي: افغان ځواکونه لا هم له ستونزو سره مخ دي
امریکایی چارواکي وایي، په افغان ځواکونو لسګونه میلیون ډالر لګېدلي خو لا هم دغه ځواکونه له زیاتو ستونزو سره مخامخ دي.
دویوایي، که څه هم افغان ځواکونو د ترهګرو خلاف مبارزه کې بریاوې تر لاسه کړې دي، خو لا هم دغو ځواکونو کې نیمګړتیاوې شته دي چې په روان میلادي کال کې باید له منځه ولاړې شي.
په همدې حال کې د کورنیو چارو وزارت وایي، امنیتي ګواښونو ته په پام افغان ځواکونه د نړیوالې ټولنې دوامدار مشارکت او همکاریو ته اړتیا لري او نړیواله ټولنه باید د ترهګرو خلاف د مبارزې په لار کې له افغانستان سره همکاره پاتې شي.
په داسې حال کې چې افغان ځواکونه د امنیت د ټینګښت او له ترهګرو سره د مبارزې په برخو کې لاسته راوړنې لري، خو په دغو ځواکونو د میلیونونو ډالرو لګښت ته په پام سره لا هم له ننګونو سره مخامخ دي. په افغانستان کې د ناټو د غوڅ ملاتړ د اړیکو ریاست مرستیال وایي، افغان ځواکونه د عملیاتو په ترسره کېدو کې لاسته راوړنې لري، خو کړکېچن وضعیت ته په غبرګون کې ستونزې لري چې د کمزورتیا ټکی ګڼل کېږي او په ۲۰۱۶کال کې باید دغې نیمګړتیا ته زیاته پاملرنه وشي.
په افغانستان کې د ناټو د پرېکنده ملاتړ د اړیکو ریاست مرستیالوېلسن شافنر وايي: “دا مهال افغان ځواکونه په کړکيچن وضعیت کې د ځواب ویلو په برخه کې کمزوری عمل کوي. کله چې دغو ځواکونو یوه کړکيچ ته ځواب ویلی، ډير وخت یې اخیستی دی. افغان ځواکونه ډيرې پاملرنې ته اړتیا لري، څو په هر راز شرایطو او وضعیت کې وکړای شي، د امنیت ټینګښت ته چمتو وي او د امنیتي ځواکونو له لیکو څخه د تيښتې هیله ورته پیدا نه شي.”
د کورنیو چارو وزارت که څه هم د امنیتي ځواکونو د وړتیاو خبره کوي خو ټینګار کوي چې د امنیتي ننګونو کچې ته په پام سره دغه ځواکونه د نړیوالې ټولنې مشارکت او دوامداره همکاریو ته اړتیا لري.
د کورنیو چارو وزارت ویاند صدیق صدیقي وايي:
“موږ د همکارۍ د دوام له پاره د افغانستان د پياوړو متحدينو ملاتړ ته اړتيا لرو، په ځانګړې توګه د افغان نظاميانو د روزنې په برخه کې څو وکولای شوامنيت تامين کړو او له ترورېزم سره سمه مبارزه وکړو.”
امریکایی چارواکي وایيچې افغان ځواکونه باید په روان میلادي کال کې اغېزمن اقدامات وکړي او خپلې جنګي وړتیاوې غښتلې کړي،څه چې د پوځ او ملي پولیسو په ځانګړو ځواکونو کې له ورایه ښکاري.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی14 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل