تازه خبرونه
امريکا افغان پوځ ته ۱۵۹ الوتکې ورکوي
امريکا هوډ لري چې افغان پوځ ته ۱۵۹پرمختللې جنګي هليکوپترې ورکړي، دا هڅه ظاهرً روسي وسلو او تجهيزاتو ته د افغان ځواکونو د اړتيا د کمولو له پاره کېږي. رويټرز خبري آژانس ويلي چې دغو الوتکو ته د پيلوټانو په روزنه سل ميليونه ډالر لګېږي.
بلک هاک د امريکا پرمختللې هليکوپترې دي چې ويل کېږي امريکا يې افغانستان ته د مرستې په توګه ورکوي. د رويټرز د راپور له مخې امریکا د يو اېچ بلک هاک يا تور شاهين الوتکې ظاهراً د دې له کبله افغان ځواکونو ته ورکوي چې په روسي وسلو د هغوی تکيه کمه شي. د امريکا دفاع وزارت پنټاګون دا خبر تاييد کړی دی.
د امريکا دفاع وزارت وياند آدم سميت وايي: “امريکا دې پرېکړې ته رسېدلی چې په افغانستان کې د اوږد مهال حل لارې له پاره بلک هاک الوتکې ورکړل شي. يو دليل دا هم کېدای شي چې امريکا د روسي الوتکو د پيرودلو په برخه کې له محدوديتونو سره مخامخ ده.” يوه امريکايي سناتور ويلي چې ښايي ۱۵۹بلک هاک هليکوپترې افغانستان ته ورکړل شي. دغو الوتکو ته د پيلوټانو روزنه هم د دغې مرستې يوه مهمه برخه ده.
سياسي کارپوه آصف بکتاش وايي: “د دې پروګرام يوه عمده برخه بايد د پيلوټانو روزنه وي، زموږ پيلوټانو ډېری عملیات په روسي تجهيزاتو سره کړي دي، دا کار زده کړې ته اړتيا لري.”
تور شاهین یا (یو اېچ – ۶۰ بلک هاک امریکايي هلیکوپتر) امريکايۍ دي، دوه ماشیونه او څلور څرخونه لري، د یو سل او پنځه ملي متري توپ او دېرشو سر ګلولو لرونکې دي، د درویشت ملي متري توپ ضد دي، په یوه ساعت کې ۱۶۳ کیلومتره واټن وهلای شي، دوه پیلوټان او دوه تنه عمله لېږدوي، جي پي اېس لرونکې دي، دوه زره کیلومتره مزل کولای شي، استرالیا، چین، سویلي کوریا، عربستان، اسرايیل او ترکیه یې استعمالوي، د افغانستان، عراق، بالکان، سومالیا او پانامې په جګړو کې کارول شوې دي او په ۱۹۷۹ميلادي کال کې په لومړي ځل په عملیاتو کې کارول شوې دي.
اټکل دی چې د دغو الوتکو له پاره د پيلوټانو روزنه به سل ميليونه ډالره لګښت ولري. د نظر خاوندان وايي چې په امريکا کې د نوي ولسمشر د دندې له پيل سره سم به د افغانستان په اړه د روسيې او امريکا دريځونه هم نوي پړاو ته ننوزي. د امريکا نوی ولسمشر د روسيې له ولسمشر سره نږدې اړیکې لري.
تازه خبرونه
په کابل کې د نجونو کافي خونه او کتابتون پرانستل شو
د نجونو یوې څلورکسیزې ډلې د چارشنبې پر ورځ د غبرګولي نهمه په کابل کې د نجونو او ښځو د مطالعې لپاره یوه کافي خونه او کتابتون جوړ کړی او له ښځو او نجونو غواړي، چې ګټه ترې پورته او خپله پوهنیزه کچه لوړه کړي.
د هغو ښځو لپاره، چې په دې مراسمو کې یې برخه اخیستې وه؛ دا یو ښه نوښت و، په ځانګړي توګه د هغو لپاره، چې د ښوونځي او پوهنتون زدهکړې یې ځنډېدلي دي.
له څه نا څه درې کلونو راپدیخوا په افغانستان کې له شپږم ټولګي څخه پورته د نجونو او ښځو د ښوونځيو او پوهنتونونو زدهکړې ځنډېدلي او له ورتګه بې برخې پاتې دي.
د نجونو دې څلورکسیزې ډلې؛ نجونو او میرمنو ته نه یوازې د زدهکړې لپاره کتابتون او قهوه خونه جوړ کړې، بلکې غواړي هغو میرمنو او نجونو ته، چې د علم او پوهې د ترلاسه کولو په لټه کې دي هم د لوست زمینه برابره کړي.
د کافي خونې مسووله زهرا وایي: هغه نجونې او میرمنې، چې دلته د لوست او مطالعې لپاره راځي؛ یو شمېر نورې نجونې ورته کافي له خواږو توکو سره برابروي، چې ذهنې ستړیا یې راکمه شي.
داسې انګیرل کیږي، چې د ښځو او نجونو د ښوونیزو محدودیتونو له کبله د داسې چاپېریال رامنځته کول یوه اړتیا ګڼل کیږي.
په ټولیزه توګه غوښتنه دا ده، چې د ښوونځیو او پوهنتونونو دروازې د نجونو او ښځو پر مخ پرانیستل شي.
تازه خبرونه
د اروپايي ټولنې او قطر استازو د افغانستان په اړه خبرې وکړې
د افغانستان لپاره د اروپايي ټولنې ځانګړي استازي توماس نیکولسون او د قطر بهرنیو چارو وزارت سفیر او ځانګړي استازي فیصل بن عبدالله الحنزاب د افغانستان پر روان وضعیت بحث او خبرې وکړې.
د هغې خبرپاڼې له مخې، چې تېره ورځ د غبرګولي نهمه ناوخته د قطر بهرنيو چارو وزارت په ایکس پاڼه کې خپره کړې؛ راغلي، چې دغه ليدنه د قطر په پلازمېنه دوحه کې ترسره شوې او دواړو چارواکو په کې د افغانستان پر روانو حالاتو او سولې او ثبات ته د رسېدو لپاره د ګډو نړیوالو هڅو په اړه خبرې وکړې.
دا غونډه په داسې حال کې ترسره شوې، چې قطر به په نږدې یوه میاشت کې د افغانستان په اړه د درېیمې غونډې کوربه وي.
په دې غونډه کې د افغانستان د چارسمبالي حکومت استازي هم بلل شوي دي.
د افغانستان د چارسمبالي حکومت استازو د دوحې په دوهیمه ناسته کې د افغانستان لپاره د ملګرو ملتونو د ځانګړي استازي له ټاکل کېدو سره د مخالفت له کبله ګډون ونکړ؛ خو په درېیمه ناسته کې د ګډون لپاره د اندونو پر وړاندې کولو غور روان دی.
تازه خبرونه
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
د خوړو نړيوال پروګرام (WFP) څرګنده کړې، چې اروپايي ټولنه به د افغان زدهکوونکیو د خوړو د خونديتوب پياوړتيا لپاره له دې پروګرام سره ۱۰ ميليون يورو ځانګړې کړي.
د خوړو نړيوال پروګرام د چارشنبې پر ورځ (د غبرګولي نهمه) په يوه خبرپاڼه کې څرګنده کړې، چې دغه مرسته د فراه، غور، جوزجان، ننګرهار، نورستان، پکتيکا، روزګان او زابل ولايتونو له ۱۰ زره څخه زيات د ښوونځيو زدهکوونکي تر پوښښ لاندې راولي.
دغې ادارې زیاته کړې، چې د اروپايي ټولنې د اضافي مالي مرستو په لړ کې به د لس زره ښوونځیو پر زدهکوونکیو غني خوراکي بسکیټ یا ځواکمن تولید شوي غذايي خوراکونه ووېشل شي.
د یادې خبرپاڼې له مخې؛ د څلورم او شپږم ټولګیو نجونو زدهکوونکیو ته به هم د نباتي غوړیو او نغدو پیسو مرسته ورکړ شي.
په افغانستان کې د خوراکي توکو د نړیوال پروګرام مشرې هسیائو ویلی وايي؛ دې بنسټ څه باندې دوه لسیزې وړاندې د ښوونځیو د تغذیې پروګرام پیل کړ، چې د خوړو خوندیتوب او ښه تغذیه له پوهنې سره ونښلول شي.
د نوموړې د څرګندونو پر بنسټ، د خوړو نړيوال پروګرام تېر کال په ښوونځيو کې له یو اعشاریه پېنځه ميليون ماشومانو سره مرسته کړې او اروپايي ټولنه د دې مرستې مهم ونډوال شمېرل شوى دى.
دا په داسې حال کې ده، چې اروپايي ټولنې له دې مخکې هم د افغانستان د ښوونځیو د ښوونیز چاپېریال په ښه کولو کې مرسته کړې ده.
-
تازه خبرونه5 days ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
سیمه ییز خبرونه4 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ4 days ago
په رفح کې پر اسرائيلي بريدونو لسګونه فلسطينيانو ووژل شول
-
نړۍ3 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
له نړۍ سره د اسلامي امارت تعامل وارزول شو
-
لوبی3 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه3 days ago
په کابل کې د نجونو کافي خونه او کتابتون پرانستل شو
-
تازه خبرونه3 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه