تازه خبرونه
امریکا د افغانستان کنګل شوې پیسې خیریه بنسټونو ته نه سپاري
امریکا له اسلامي امارت سره هوکړه کړې، چې د افغانستان د کنګل شوې پيسې نیمایي به نړیوالو بنسټونو ته له افغانانو سره د بشري مرستو لپاره نه ورکوي.
څه نا څه یوه میاشت مخکې د امریکا ولسمشر یو اجرائیوي فرمان لاسلیک کړی و، چې له مخې یې د افغانستان له شاوخوا اووه میلیارډ ډالرو کنګل شوې شتمنۍ څخه نیمایي د سپټمبر د یوولسمې قربانیانو ته او پاتې نوره له افغانستان سره بشري مرستو لپاره ځانګړې شوه.
په تازه پرمختګ کې افغانستان د بهرنیو چارو وزارت ويلي، چې د ترکیې په سویلي ښار انتالیا کې د افغانستان د بهرنیو چارو وزارت د چارسمبالي مولوي متقي او د امریکا د ځانګړي استازي ټوماس ویسټ تر منځ هوکړه شوې، چې امریکا دې د بشري مرستو لپاره د افغانستان بانک د شتمنیو د کارولو پرېکړه بېرته واخلي او دا پیسې دې بشري مرستو ته نه بېلیږي.
د بهرنيو چارو وزارت د وياند مرستيال ضیا احمد ويلي؛ دغه هوکړه د شنبې پر ورځ په ترکيه کې د افغانستان د بهرنيو چارو وزارت د چارسمبالي او د امريکا د ځانګړي استازي ترمنځ د ليدنې پرمهال رامنځته شوې ده.
دغه راز د افغانستان پخواني ولسمشر حامد کرزي د چين له سي سي ټي وي سره په مرکه کې ويلي، چې امريکا بايد نور افغانانو ته زيان ونه رسوي او د افغانستان ټولې شتمنۍ بايد د افغانستان بانک ته وسپاري.
نوموړی په دې اړه وایي: امریکا باید د افغانانو د شتمنیو له ضبط او کنګلولو، چې له امریکا سره یې د وفادارۍ ژمنه کړې وه؛ زیان ونه رسوي. دا سمه نده! دا بې انصافي ده!
اووه میاشتې کېږي، چې افغانستان له اقتصادي بحران سره مخ ده، چې لامل یې په امریکا او نورو لویدیځو هېوادونو کې د افغانستان د نږدې لس میلیارډ ډالرو پانګې کنکل کیدل ښودل کیږي.
د اقتصادي چارو کارپوه محمد شبیر بشیری په دې اړه ویلي؛ دا پیسې که بهرنیو بنسټونو ته وسپارل شي د افغانستان پر بېخبنایي چارو نه لګول کیږي. ښه به دا وي، چې دا شتمني د افغانستان بانک او یا مالیې وزارت ته وسپارل شي، چې بېخبنایي پروژې پرې ډاډمنې ترسره شي.
له دې مخکې د امریکا حکومتي چارواکو اعلان کړی و؛ تر هغې، چې د افغانستان نوی حکومت د نړیوالې ټولنې لخوا په رسمیت پېژندل شوی نه وي د افغانستان کنګل شوې پیسې به اسلامي امارت ته نه سپارل کیږي.
تازه خبرونه
د پاکستان د هوايي بریدونو ۳۳ ټپیان کابل ته ولېږدول شول
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
د پکتیا روغتیايي مسوولانو ویلي: د پاکستاني پوځي رژیم د هوايي بریدونو ۳۳ سخت ټپیان، چې د افغانستان په ختیځ کې د وروستیو بریدونو پر مهال ټپیان شوي وه؛ د بېړنیو درملنیزو چوپړتیاوو د ترلاسه کولو لپاره د چورلکې پرمټ کابل ته لېږدول شوي دي.
د روغتیایي مسوولانو د څرګندونو له مخې؛ یاد کسان د هغو ۶۶ سختو ټپیانو یوه برخه ده، چې د پکتیا، پکتیکا او کونړ ولایتونو پر استوګنیزو سیمو د پاکستاني پوځي رژیم د تېرې شپې له بریدونو وروسته یې روغتیايي وضعیت د اندېښنې وړ بلل شوی و.
ټپیان د کابل په یو شمېر دولتي روغتونونو کې بستر شوي او متخصصې روغتیايي ډلې یې درملنه کوي. تر اوسه د نورو سختو ټپیانو د روغتیايي وضعیت او کابل ته د هغوی د احتمالي لېږد په اړه نور جزئیات خپاره شوي نهدي.
دا لېږدونه په داسې حال کې ترسره کېږي، چې افغان چارواکي اوس هم د تېرې شپې د هوايي بریدونو د مرګ او ژوبلې د کچې ارزونه کوي.
اسلامي امارت پاکستان د دغو بریدونو مسوول بولي او وایي، چې په پایله کې یې لږ تر لږه ۳۶ ملکي وګړي، چې ښځې او ماشومان هم په کې دي؛ شهیدان شوي او ۱۶۳ نور ټپیان دي.
دا په داسې حال کې ده، چې دغو بریدونو پراخ کورني او نړیوال غبرګونونه راپارولي او د افغانستان یوشمېر پخوانیو چارواکو او نړیوالو څېرو د تاوتریخوالي د کمولو او د خبرو اترو له لارې د اختلافاتو د هواري غوښتنه کړې ده.
تازه خبرونه
خلیلزاد د پاکستان هوايي بریدونه وغندل او د اسلامآباد د نیت په اړه یې پوښتنې راپورته کړې
زلمي خلیل زاد زیاته کړې؛ ما تل د پاکستان له لوري د بېګناه افغانانو وژنه غندلې او نن یې هم یو ځل بیا غندم.
له افغانستان سره د اختلافاتو د هواري لپاره د نړۍ او د پاکستان د ډېرو خلکو د خبرو اترو د غوښتنو له پامه غورځولو وروسته پاکستان یو ځل بیا پر افغانستان برید کړی، چې له کبله یې یو ځل بیا ګڼ شمېر کسان وژلي او ټپیان شوي دي.
زلمي خلیل زاد زیاته کړې؛ ما تل د پاکستان له لوري د بېګناه افغانانو وژنه غندلې او نن یې هم یو ځل بیا غندم.
نوموړي ویلي؛ اسلامآباد هغو ګڼو نظریو او وړاندیزونو ته هيڅ ځواب نهدی ویلی؛ خو پاکستان اوس هم هیڅ رغنده هڅه او مثبت غبرګون نهدی ښودلی.
خلیلزاد پوښتني؛ آیا اسلامآباد رښتیا هم د یوې هوکړې غوښتونکی دی؟
آیا دا شخړه د اسلامآباد له نظره هماغه ده، چې ادعا یې کوي؟ که د پاکستان واکمن پوځي جوړښت په حقیقت کې نورې موخې لري؟ که داسې وي، هغه موخې به څه وي؟
آیا موخه یې یو بېثباته افغانستان دی؟
آیا د پاکستان پوځي جوړښت د چین له لوري د دې لپاره امتیازات ترلاسه کوي او غواړي داسې شرایط رامنځته کړي، چې افغانستان د چین د لا ډېر نفوذ لپاره چمتو شي؟ یا دواړه؟
که د پاکستان موخې همدا وي؛ نو دا د امریکا له ګټو سره په ټکر کې دي؛ ځکه ډېره بېثباتي ښايي د امریکا ضد ترهګرو، په ځانګړي توګه داعش-خراسان، ته خوندي پټنځایونه برابر کړي. همدارنګه، په افغانستان کې د چین د نفوذ زیاتوالی هم یوه جیوپولیټیکي ننګونه ګڼل کېږي.
خلیلزاد وایي؛ که دا په رښتیا د پاکستان اصلي موخې وي، نو دا د حیرانتیا خبره نهده، چې د دغه هېواد پوځي جوړښت یې په ښکاره نهبیانوي.
تازه خبرونه
په افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
د اسلامي امارت د ویاند مرستیال حمدالله فطرت زیاته کړې؛ د پکتیا ولایت د څمکنۍ ولسوالۍ د مندوخېل کلي پر یوه ملکي کور د پاکستاني جیټ الوتکو د بمبارډ له کبله لومړی د کور یو سپینږیری او یو ماشوم «شهیدان» او د کور نور غړي ټپیان شول.
د پاکستان پوځي رژیم د تېرې شپې په هوايي بریدونو کې، چې د پکتیا، پکتیکا او کونړ ولایتونو استوګنیزې سیمې یې پر نښه کړي؛ تر دې مهاله ۳۶ ملکي وګړي شهیدان او ۱۶۳ نور ټپیان شوي دي.
د اسلامي امارت د ویاند مرستیال حمدالله فطرت زیاته کړې؛ د پکتیا ولایت د څمکنۍ ولسوالۍ د مندوخېل کلي پر یوه ملکي کور د پاکستاني جیټ الوتکو د بمبارډ له کبله لومړی د کور یو سپینږیری او یو ماشوم «شهیدان» او د کور نور غړي ټپیان شول.
د نوموړي په څرګندونو کې راغلي؛ له بمبارډ وروسته هغه کلیوال، چې د ژغورنې لپاره راټول شوي وه، تر دوهیم برید لاندې راغلل، چې له کبله یې ۲۸ کسان« شهیدان» او ۱۵۸ نور ټپیان شوي دي.
همدارنګه د پکتیکا ولایت د ګیان ولسوالۍ د ولوست کلي پر یوه ملکي کور په هوايي برید کې شپږ کسان، چې ډېری یې ښځې او ماشومان ول «شهیدان» شوي دي.
دغه راز د کونړ ولایت د منورې ولسوالۍ د برولو کلي پر یوه ملکي کور هم هوايي برید شوی، چې له کبله یې کور بشپړ ویجاړ شوی؛ خو ځاني مرګ او ژوبله نهده اوښتې.
ویل کیږي، چې په دغو بریدونو کې درې کورونه بشپړ ویجاړ شوي دي.
-
International Sports1 day agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه2 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار2 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
تازه خبرونه2 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
سیمه ییز خبرونه1 day agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه1 day agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
لوبی1 day agoافغانستان او ازبکستان په خوست کې دوستانه شلآوریزه لوبه کوي
-
تازه خبرونه1 day agoپه نیویارک کې شانګهای همکاریو ټولنه او ملګري ملتونه پر افغانستان راوڅرخېدل
