تازه خبرونه
امریکا له عراق او افغانستان څخه د ځواکونو د کمولو سپارښتنه وکړه
د امریکا ولسمشر دونالد ترمپ له افغانستان او عراق څخه د خپلو سرتېرو د کمولو سپارښتنه وکړه، چې له مخې به یې له دوه میاشتو څخه په کمه موده کې د امریکایي سرتېرو شمېر ۲۵۰۰ ته را ټیټ شي.
په امریکا کې له بېلابېلو غبرګونونو او نیوکو سره سره دونالد ترمپ په افغانستان کې د خپلو ځواکونو د کمولو پرېکړه وکړه.
د ولسمشر ترمپ د نوي فرمان له مخې، د جنوري تر ۱۵ به د امریکایي سرتېرو شمېر له ۴۵۰۰ څخه ۲۵۰۰ ته را ټیټ شي. دا پرېکړه د امریکا د دفاع وزارت د چارسمبالي په خبره د افغانستان په اړه د سیاست د بدلون معنا نلري.
د امریکا د دفاع وزارت چارسمبالي کریستوفر میلر ویلي؛ دا پرېکړه له مخکې شوې او د امریکا د سیاست د بدلون په معنا نده.
نوموړی څرګندوي؛ دا پرېکړه د ټاکل شوي پروګرام او ستراتیژيکو موخو پر بنسټ ده، چې د امریکا د خلکو لخوا یې ملاتړ کیږي او د امریکا په سیاست کې د بدلون معنا نلري. د ولسمشر دا پرېکړه له کابینې سره د تېرو څو میاشتو په ناستو کې شوې ده.
دغه راز د ولسمشر ویاند صدیق صدیقي ویلي؛ د ځواکونو د کمولو او سولې بهیر په اړه د امریکا د دفاع وزارت چارسمبالي له ولسمشر اشرف غني سره هم تیلیفوني غږېدلی او له افغان ځواکونو یې پر دوامداره ملاتړ ټینګار هم کړی دی.
د سپینې ماڼۍ د ملي امنیت سلاکار رابرت اوبراین هم ویلي، چې پاتې ځواکونه به له افغانستان څخه د امریکا د سفارت او نورو تاسیساتو په ساتنه کې بوخت وي او د می په میاشت کې به په بشپړ ډول له افغانستان څخه ووځي.
نوموړی وایي: دونالد ترمپ هیله من دی، چې د می په میاشت کې زمونږ ټول ځواکونه له افغانستان څخه کور ته ستانه شي. زه غواړم ټینګار وکړم، چې دا نوی سیاست ندی. کله، چې ولسمشر خپل کار پیل کړ، دې دوه هېوادونو ته یې د اړتیا وړ سرتېري اعلان کړي وه.
د سپینې ماڼۍ د ملي امنیت پخوانی سلاکار مک ماستر ویلي: د افغان دولت چارواکي په دوحه کې له طالبانو سره د یوه میز تر شا ناست دي او هغه څه، چې دوی له طالبانو اوري دا دي، چې مونږ د نړۍ ستر ځواک ته ماتې ورکړې او له تاسې سره ولې خبرې وکړو؛ مونږ دا شرایط هغوی ته برابر کړل.
دا په داسې حال کې ده، چې د ناټو سرمنشي له افغانستان څخه په بیړه د ځواکونو ویستل له خطره ډک ګڼلي دي.
تازه خبرونه
سر له سبا د ترکيي هوايي شرکت افغانستان ته رسمي الوتنې پیلوي
د ټرانسپورټ او هوايي چلند وزارت مسوولینو ويلي، چې د ایران او متحده عربي امارتو له هوايي شرکتونو ورسته د ترکيي هوايي شرکت به هم سر له سبا افغانستان ته رسمي الوتنې پیل کړي.
د ټرانسپورټ او هوايي چلند وزارت مسوولین څرګندوي، چې له دې سره به د افغان مسافرو او هغو سوداګرو، چې له ترکيي سره سوداګرۍ لري؛ ستونزې راکمې شي.
د ټرانسپورټ او هوايي چلند وزارت ویاند امام الدین احمدي وایي: په دې کې مسافرو تهه ښه زیری شته. په ځانګړي توګه هغه افغانان، چې اروپا ته سفرونه کوي د کورنیو شرکتونو ترڅنګ به دا ترکي شرکت هم فعالیت کوي. افغان هوايي ډګرونه د افغانانو له خوا ښه مدیریت کیږي او مونږ دا یو ښه پیلامه بولو.
د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.
د سوداګرۍ او پانګونې خونې غړی خان جان الکوزی وایي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.
ویل کیږي که د نړیوالو هوايي شرکتونو لهخوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.
تازه خبرونه
د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر
په کابل کې د ملګرو ملتونو د عمومي منشي له مرستیالې سره په لیدنه کې د ریاست الوزراء سیاسي مرستیال ویلي؛ اسلامي امارت به د دوحې په درېیمه ناسته کې هغه وخت ګډون وکړي، چې دریځ مو ومنل شي.
د ملګرو ملتونو د عمومي منشي سیاسي مرستیاله کابل ته راغلې او اسلامي امارت ته یې د دوحې په غونډه کې د ګډون بلنه ورکړې.
اسلامي امارت له ملګرو ملتونو او نورو هېوادونو غوښتي، چې د افغانستان د مشروع حکومت په توګه باید پر رسمیت وپېژندل شي.
مولوي عبدالکبیر ویلي، چې افغانستان د اسلامي امارت تر بشپړ کنټرول لاندې دی او ” دا هېواد یو امیر لري او اطاعت ترې کیږي.”
د ارګ په خبرپاڼه کې راغلي، چې مولوي عبدالکبیر د یکشنبې پر ورځ ( د غوایی دېرشمه) د انټونیو ګوترش سیاسي مرستیالې روزمري ډیکارلو ته په ډاګه کړه؛ د دوحې تېره غونډه د ځینو تنظیموونکیو د نیمګړتیاوو له کبله نیمګړې وه. که د اسلامي امارت دریځ ومنل شي؛ نو په راتلونکې غونډه کې به د اسلامي امارت پلاوی ګډون وکړي.
مولوي کبیر څرګنده کړې، چې اسلامي امارت د افغانستان پر ټوله جغرافیه واکمن دی… په ټول افغانستان کې یو مرکزي حکومت دی، یو امیر لري او له هغه اطاعت کیږي.
په دوحه کې د ملګرو ملتونو درېیمه ناسته د افغانستان لپاره د هېوادونو د ځانګړيو استازو په ګډون پیلېږي؛ خو دقیقه نېټه یې ټاکل شوې نده.
د ارګ د خبرپاڼې له مخې، میرمن ډیکارلو مولوي کبیر ته د دوحې د غونډې په اړه معلومات ورکړل او ویې ویل، چې په دې غونډه کې د ګډون لپاره د اسلامي امارت شرایط ستونزمن ندي. هغې هیله څرګنده کړه، چې د دوحې په غونډه کې به د اسلامي امارت پلاوی ګډون وکړي.
نوموړي ویلي، د دوحې غونډې ته د نړیوال بانک په ګډون د یو شمېر نړیوالو ټولنو او هېوادونو استازي هم بلل شوي دي.
تازه خبرونه
مونږ په دې سختو شېبو کې د حکومت او ایراني ولس تر څنګ ولاړ یوو – اسلامي امارت
د افغانستان اسلامي امارت نن دوشنبه (د غویی یودېرشمه) په یوه خبرپاڼه کې څرګنده کړې، چې په ډېرې خواشینۍ سره مو خبر ترلاسه کړ، چې د ایران ولسمشر آیت الله سید ابراهیم رییسي، د بهرنیو چارو وزیر ډاکټر حسین عبداللهیان، د تبریز امام حجتة الاسلام آل هاشم او ورسره مل ملګرو یې خپل خوږ ژوند له لاسه ورکړی دی.
په دې خبرپاڼه کې راغلي، چې د افغانستان اسلامي امارت او ټول افغانان په دې غمجنه پېښه ژور خواشیني دي. مونږ د ایران له اسلامي جمهوریت او د دغه هېواد له خلکو سره په دې غم کې ځان شریک بولو او د قربانیانو له ټولو کورنیو، د ایران ملت او حکومت ته د ډاډګېرنې مراتب وړاندې کوو.
دغه راز ویل کیږي، چې په دې سختو شېبو کې د ایران له خلکو سره یوو او د دغې پېښې ټولو قربانیانو ته د مغفرت او د هغوی کورنیو ته د جمیل صبر غوښتنه کوو.
د ایران د ولسمشر د سپرلۍ چورلکه نن سهار د ختیځ آذربایجان له ولایت څخه تبریز ته د ستنېدو په لاره کې غورځېدلې او د چورلکې پاتې شونې د سیمې په غرنیو ځنګلونو کې وموندل شول.
د ایران د اساسي قانون پر بنسټ، د ولسمشر مرستیال په لنډمهاله توګه دا دنده پر غاړه اخلي او ولسمشریزو ټاکنو ته زمینه برابروي.
د نوي ولسمشر د ټاکلو لپاره باید په پنځوس ورځو کې ټاکنې ترسره او نوي ولسمشر ته واک وسپارل شي.
-
سوداگري5 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
د تورخم لار لنډمهاله تړل کیږي
-
لوبی2 days ago
راشد خان د افغان بیسیم مخابراتي شرکت رسمي سوداګریز سفیر شو
-
تازه خبرونه4 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ5 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی5 days ago
سرخ پوشان خوافي او سرسبز یاشلر لوبډلې د پرونیو سیالیو ګټونکې شوې
-
سیمه ییز خبرونه5 days ago
پوتين د ستراتيژيکو همکاريو د پراختيا لپاره بېجينګ ته رسېدلی
-
تازه خبرونه1 day ago
په افغانستان کې د وروستیو سیلابونو له کبله ۵۴۰ کسان مړه شوي – م.م