تازه خبرونه
امنیتي بنسټونه باید د خبرو پر ځای پر عمل ټینګار وکړي – سرور دانش
د ولسمشر دوه یم مرستیال د بشري حقونو د مدافعینو په ناسته کې د هدفي وژنو او د جګړو د پراخیدو په اړه ویلي، چې وسلوالې ډلې د اغېزمنو شخصیتونو پر وژلو د وینا آزادي او د ولسواکۍ پخو بنسټونو ته زیان نشي اړولی.
نوموړي دغه راز ویلي؛ په اوسنیو سختو ورځو کې باید امنیتي ځواکونه خبرې پرېږدي او عمل وکړي.
سرور دانش د تاوتریخوالي د ډېرېدو په وایي، چې د خبرو په راتلونکي پړاو کې دې دواړه خواوې باید اوربند اعلان کړي.
د ولسمشر دوه یم مرستیال سرور دانش زیاته کړې: روان ستونزمن حالات له مونږ غواړي، چې ټول د پخپلو هڅو پر پلي کولو ټینګار وکړو. د حکومت له امنیتي همکارانو غواړو، چې خپله ټوله پاملرنه د خلکو امنیت ته راواړوي؛ له خبرو ډېر عمل وکړو او هڅې څو برابره ډېرې کړو.
دوه یم مرستیال ټینګار کوي، چې طالبان باید د تاوتریخوالي د ډېرېدو او د جګړو د پراخېدو له لارې په هېواد کې د سولې مخه ډب نکړي او د خبرو په بل پړاو کې د افغانستان د جمهوري پلاوي سره یو ځای اوربند اعلان کړي.
سرور دانش وایي: په بشپړ ټینګار باید ووایو، چې د بشري حقونو ساتنه، اساسي قانون، د ښځو او سیاسي نظام دلاسته راوړنو خوندي کول د معاملې وړ ندي او د سولې خبرو د ځنډ او پرې کولو غوښتونکي نه یو. حکومت خپل ښه نیت د زرګونه بندیانو پر خوشې کولو وښود . په داسې حال کې، چې طالبانو تاوتریخوالی ډېر کړی او پراخې جګړې ته چمتووالی نیسي.
بل لور ته د هدفي وژنو په لړ کې د فیفا د اجرائیه مشر یوسف رشید ترور د بشري حقونو یو شمېر مدافعین ځورولي او وایي، چې په یو کال کې د مدني ټولنو او بشري حقونو ۲۳ مدافعین وژل شوي دي.
د حقوقو د مدافعانو او د افغانستان د مدني ټولنو د شبکې مشر عزیز رفیعي وایي: د پوره ګواښنو او نیمه ګواښونو ۵۴ دوسیې مو ثبت کړي. یوازې ۲۷ ته مو نسبي لاسرسی موندلی او نورې ډېرې دوسیې لرو ، چې باید ورته لاسرسی رامنځته شي.
د بشري حقونو خپلواک کمیسیون مشرې شهرزاد اکبر ویلي: بشري حقونه ملاتړي میکانیزمونه نلري او باید ورته رامنځته شي او ورته چمتووالی ولرو پرته له دې، چې څوک یې موخه دی.
حکومت د بشري حقونو د مدافعینو د خوندیتوب لپاره یو ګډ کمیسیون جوړ کړ، چې د بشري حقونو د مخالفانو مخه نیسي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه20 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه21 hours ago
په عراق کې به همجنسبازان پر۱۵ کاله بند شي –پارلمان
-
لوبی18 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل