تازه خبرونه
امنیتي چارواکي له ولسمشر سره د ټاکنو په کمپاین کې بوخت دي- د مشرانو جرګې غړي
د مشرانو جرګې یو شمېر غړي وايي، چې امنیتي چارواکي له ولسمشر سره د را روانو ولسمشریزو ټاکنو په کمپاین کې بوخت دي او دا کار یې له قانون سرغړونه ده.
مشرانو جرګې د افغان سرتېرو د تلفاتو د زیاتیدو او د جګړې او تاورتریخوالي د لمن د خوریدو له کبله امنیتي وزیران عمومي غونډې ته بللي وه؛ خو هغوی خپل مرستیالان ورولیږل، چې غونډې ته د داخلیدو اجازه ورنکړ شوه.
د مشرانو جرګې غړي وايي، چې امنیتي چارواکي د افغان سرتېرو د تلفاتو د کچې په اړه خلکو ته دروغ وايي.
د مشرانو جرګې د امنیتي او دفاعي چارو رییس محمد هاشم الکوزی وایي: هره ورځ خلک مري؛ خو امنیتي چارواکي هره ورځ دروغ وایي او خلکو ته ځواب هم نشي ویلي؛ په دفترونو کې ناست دي او ولسمشر یې د ټاکنو کمپاین ته رابولي، خو دا کار خلکو ته د منلو وړ ندی.
د مشرانو جرګې غړی جمعه ګل ګیاڼوال وایي، چې: امنیتي چارواکي له ولسمشر سره د ټاکنو په کمپاین کې بوخت دي، د هېواد پر امنیتي وضعیت فکر نکوي او هره ورځ خلک وژل کیږي.
د مشرانو جرګې ريیس پر امینتي چارواکو تور پورې کړ، چې قانون یې تر پښو لاندې کړی او تل د ملت د استازیو غوښتنې بابیزه ګڼي.
د مشرانو جرګې رييس فضل الهادي مسلمیار وایي: امنیتي چارواکو ځواب ویلو ته پاملرنه ونکړه او د قانون ماتوونکي باید نور قانون ته برابر شي. مشرانو جرګه له دوی سره شخصي او د تقرر بحث نلري، بلکې له دوی سره بحث د افغانستان د خلکو پر وژل کیدو دی.
د مشرانو جرګې غړي وايي، چې خلک په ډېرو ناوړیو شرایطو کې اوسیږي او جګړه د هرې ورځې په تېریدو پراخیږي. که حالات همداسې وي؛ نو خلک به پر حکومت خپل پوره باور له لاسه ورکړي.
خبریال: رفیع صدیقي
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه17 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل