تازه خبرونه
امیرخان متقي او د ترکیې سفیر پر سیمهییزو بدلونونو خبرې وکړې
د افغانستان بهرنیو چارو وزارت ویلي، چې په کابل کې د لیدنې پر مهال د ترکیې جمهوریت د سفارت چارسمبالي(سرپرست) سادین آیلدز او د هېواد بهرنیو چارو وزیر امیر خان متقي د دواړو هېوادونو ترمنځ اړیکې مثبتې وارزولې او په دې اړه یې د ترکيې د منځګړیتوب پخوانۍ هڅې هم ارزښتناکې وبللې.
د بهرنیو چارو وزارت د خبرپاڼې له مخې؛ په دې لیدنه کې د سیمهییزوبدلونونو او د چین په اورمچي ښار کې د ترسره شویو مذاکراتو په اړه خبرې وشوې.
د افغانستان بهرنیو چارو وزارت ویلي، چې په کابل کې د لیدنې پر مهال د ترکیې جمهوریت د سفارت چارسمبالي(سرپرست) سادین آیلدز او د هېواد بهرنیو چارو وزیر امیر خان متقي د دواړو هېوادونو ترمنځ اړیکې مثبتې وارزولې او په دې اړه یې د ترکيې د منځګړیتوب پخوانۍ هڅې هم ارزښتناکې وبللې.
امير خان متقي له پاکستاني لوري سره د سولې د وروستيو خبرو په اړه ويلي؛ تر دې دمه مثبتي خبرې شوې دي او هیله ده، چې جزئي تخنيکي مسايل د خبرو د پرمختګ بهیر له خنډ سره مخ نهکړي.
ویل کیږي، چې د ترکيې سفير څرګنده کړې؛ هېواد ته يې د افغانستان او پاکستان ترمنځ مثبتې اړيکې ځانګړی ارزښت لري او په دې برخه کې به خپلې هڅې روانې وساتي.