سیمه ییز خبرونه
ایران مو پر هوايي حریم تېری کړې او دوه ماشومان یې وژلي – پاکستان
د رویټرز د راپور له مخې؛ د ایران دولتي رسنیو په ډاګه کړې، چې د سې شنبې پر ورځ ( د مرغومي شپږویشتمه) د دغه هېواد هوایي ځواکونو د پاکستان په خاوره کې د جیش العدل د وسلهوالې ډلې پر دوه اډو د توغندیو برید کړی دی.
پاکستان ویلي، چې ګاونډي ایران د دوی پر هوایي حریم تېری کړې او دوه ماشومان یې وژلي دي.
د ایران تسنیم دولتي خبري اژانس څرګنده کړې، چې د پاکستان بلوچستان صوبې په پنجګور سیمه کې دغه بریدونه رامنځته شوي دي.
له دې برید څو ساعته وروسته اسلامآباد په یوه خبرپاڼه کې دا بریدونه پر سختو ټکو وغندل او دا یې د یې پر هوايي حریم تېری یاد کړی او په تړاو یې د ناوړه پایلو خبرداری هم ورکړی دی.
د پاکستان لنډمهالي حکومت د سې شنبې پر شپه (د مرغومي شپږویشتمه ) په یوه خبرپاڼه کې ویلي: د دغو بریدونو رامنځ ته کېدا ډېره اندېښمنوونکې ده. د دغو بریدونو نور جزئیات، چې ایران یې د توغندیو او بې پیلوټه بریدونو په نوم یادوي؛ تر اوسه نهدي خپاره شوي، خو پاکستان وايي، چې په دې بریدونو کې دوه بېګنا ماشومان وژل شوي او درې نجونې ټپیانې دي.
پاکستان دا هم څرګنده کړې، چې، په تهران کې یې د لوړپوړو ډیپلوماټیکو چارواکو له لارې د دغه هېواد د بهرنیو چارو وزارت ته خپل اعتراض وړاندې کړی او دغه برید یې له خپلې ځمکنۍ بشپړتیا ښکاره سرغړونه بللې او د پایلو مسوول هم ایران بولي.
پاکستان تل ترهګري د سیمې هېوادونو ته یو ګډ ګواښ بللی، چې د مخنیوي لپاره یې د همغږۍ ګام اخیستو ته اړتیا ده. یو اړخیزه کړنې د ګاونډیانو ترمنځ ښه ګاونډیتوب او متقابلې اړیکې نهشي تائیدولی او د متقابل باور او اعتماد د کمزوري کېدو لامل ګرځي.
داسې ناتائید شوي راپورونه هم خپاره شوي، چې په کې راغلي؛ پاکستانۍ چورلکې او الوتکې هم په سیمه کې لیدل شوې دي.
سیمه ییز خبرونه
احمدي نژاد د ایران په ولسمشریزو ټاکنو کې د ګډون لپاره نوملیکنه وکړه
د ایران دولتي ټلویزیون د څرګندونو له مخې؛ د دغه هېواد پخواني ولسمشر محمود احمدي نژاد د ولسمشرۍ په ټاکنو کې د ګډون لپاره نوملیکنه کړې ده.
احمدي نژاد له ۲۰۰۵ څخه تر ۲۰۱۳ کال پورې د ایران ولسمشر و.
هغه د ۲۰۱۷ کال په ټاکنو کې شورای نګهبان له سیالۍ کولو منع کړی و.
د ایران ولسمشریزې ټاکنې به د جون پر اتویشتمه ترسره شي.
سیمه ییز خبرونه
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
د پاکستان پخوانی لومړی وزیر نواز شریف د شنبې پر ورځ (د زمري اتمه) د واکمن ګوند مسلم لیګ نواز څانګې مشرۍ ته یو ځل بیا غوره شو.
هغه وروستی ځل په ۲۰۱۷ کې د ګوند مشري وکړه؛ خو د فساد پر تور له تورنېدو وروسته استعفا ته اړ شو.
مسلم ليګ ن د روان کال د فبرورۍ پر اتمه نېټه په ملي ټولټاکنو کې واک ته ورسېد. د نواز شریف ورور شهباز شریف اوس د پاکستان د ائتلافي حکومت مشر دی او پخپله د پارلمان غړی دی.
نواز شریف په ۲۰۱۷ ز. کال کې د لومړي وزیر په توګه له دندې هغه وخت ګوښه شو، چې سترې محکمې هغه د مالي دارایۍ د پټولو له کبله له هر ډول دولتي کار څخه منع اعلان کړ؛ خو شریف دا تور ردوي.
په ۲۰۲۳ کې د محکومیت او د بند سزا له لغو کېدو سره؛ نواز شریف ته اجازه ورکړ شوه، چې یو ځل بیا حکومتي یا ګوندي چوکیو کې کار وکړي.
شریف د روان کال په اوکټوبر کې د لندن له ځاني تبعید وروسته پاکستان ته راستون شو. نوموړی په ۲۰۱۹ کال کې د عمران خان د واکمنۍ پر مهال د درملنې لپاره لندن ته تللی و.
عمران خان په ۲۰۲۲ کال کې په پارلمان کې د نه باور د رایې له کبله له واکه لرې شو او د بند موده تېروي.
سیمه ییز خبرونه
د هند د لویدیځ په یوه تفریحي مرکز کې اور لګېدنې لږ تر لږه ۲۴ کسان مړه شوي
د شنبې پر ماښام د هند د لویدیځ ګجرات ایالت په یوه کورني تفریحي ځای کې د اورلګېدنې له کبله د ګڼو ماشومانو په ګډون لږ تر لږه ۲۴ کسان مړه شوي دي.
په راجکوټ سیمه کې د ژغورنې هڅې روانې دي او د اړوند سیمې ښاروال رویټرز ته ویلي، چې د مړو د شمېر د لوړېدا شونې ده.
د راجکوټ ولسوالۍ ښاروال نایانا پیدادیا ویلي؛ د ژغورنې په عملیاتو کې مونږ پر ژوند ژغورنې راڅرخو. مونږ غواړو د هغه خلکو پر وړاندې له هڅو ډاډمن شو، چې د دې پېښې مسوول دي.
ټلویزیوني انځورونه پراخه اورلګېدنه ښیي، چې د TRP د لوبې زون یې نیولی او له سیمې څخه لوګي پورته کیږي او ټوله ودانۍ سوځیدلې ده.
د سیمې په ملکي روغتون کې د پوليسو چارواکي وایي؛ يو شمېر مړي پوره سوځېدلي، چې د پېژندلو وړ ندي.
لومړي وزیر نریندرا مودي په ایکس پاڼه کې څرګنده کړې، چې سیمهییزه اداره له زیانمنو خلکو سره د مرستې لپاره کار کوي.
نوموړي لیکلي؛ په راجکوټ کې د اورلګیدنې له کبله خورا ډېر خفه یم. زما فکر له ټولو هغو کسانو سره دی، چې خپل عزیزان یې له لاسه ورکړي دي.
د دې ولسوالۍ د اور وژنې مشر آی وي کهر ویلي، چې اور وژونکیو اور څه نا څه کنټرول کړی دی.
هغه رویټرز ته ویلي: د اور لګیدنې لامل اوس هم معلوم ندی.
د ګجرات وزیر اعلی بھوپنډرا پټیل وایي، چې د پېښې په اړه ځېړنې یوې ځانګړې ډلې (SIT) ته سپارل شوي او ټلویزیوني راپورونه ښیي، چې د پېښې په تړاو د راجکوټ پولیسو دوه کسان نیولي دي.
-
لوبی3 days ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
تازه خبرونه1 day ago
قزاقستان د اسلامي امارت نوم د ترهګرۍ له نوملړه وویست
-
نړۍ3 days ago
د جنوبي کوریا خلک دې د شمالي کوریا د رالېږل شویو بالونونو په اړه پوځ یا پولیس خبر کړي – چارواکي
-
سوداگري1 day ago
د افغانستان لومړنۍ سووداګریزې لارۍ له لنډمهالو اسنادو سره پاکستان ته ننوتلې
-
تازه خبرونه2 days ago
امریکا او اروپا د بُن په ناسته کې د ښو طالبانو او پاچاهۍ د رامنځته کولو هڅه کوله
-
لوبی4 days ago
افغانستان سکاټلینډ ته د ۵۵ منډو پر توپیر ماتې ورکړه
-
نړۍ3 days ago
محکمه آلمان حکم بازداشت یک افغان را در پیوند به حمله با چاقو صادر کرد
-
د هوا حالاتو بدلونونه2 days ago
په هند کې د تودوخې له څپې ۵۶ کسان مړه شول