تازه خبرونه
بندیزونه او محدودیتونه لګول به د افغانستان او لویدیځ تر منځ واټن رامنځته کړي
د افغانستان د بهرنیو چارو وزارت د ملګرو ملتونو له امنیت شورا غوښتي، چې له بندیزونو او محدودیتونو دې پر اسلامي امارت د فشار د وسیلې په توګه کار نه اخلي.
د اسلامي امارت پر وړاندې د لویدیځ سیاستونه به د تعامل او دیپلوماسۍ رول کم کړي.
د بهرنیو چارو وزارت د ویاند مرستیال ضیا احمد تکل د اسلامي امارت د لوړپوړیو غړیو د سفر د بندیز په اړه د امنیت شورا د غړیو د وروستیو بحثونو په غبرګون کې ويلي؛ که د اسلامي امارت پر چارواکو د سفر بندیز وغزول شي، د بې باورۍ فضا به د دیپلوماسۍ ځای ونیسي.
نوموړي زیاته کړې؛ د افغانستان پر ضد د لویدیځ کړنې، چې د ځینو متعصبو کړیو له خوا تمویلیږي؛ افغانستان به اړ کړي، چې د دغو اقداماتو پر وړاندې سخت دریځ غوره کړي.
ضیا احمد تکل وایي، اسلامي امارت د دوحې د هوکړې د بشپړ تطبیق غوښتونکی دی.
په ۲۰۱۱ زېږدیز کال کې د ملګرو ملتونو امنیت شورا په یوه پرېکړه لیک کې د اسلامي امارت پر ۱۳۵ چارواکي بندیزونه ولګول، چې په پایله کې یې شتمنۍ کنګل شوې او پر سفر یې بندیز ولګېد.
وروسته بیا د اسلامي امارت د ۱۵ لوړ پوړیو غړیو د سفر بندیز لرې شو، چې له افغانستان څخه بهر د نورو هېوادونو له چارواکو سره لیده کاته او خبرې وکړي.
د سفري بندیزونو د لغو کولو لپاره د ضرب الاجل له پای ته رسیدو سره، چین او روسیې د درې میاشتو د تمدید غوښتنه وکړه، چې د نورو غړیو لخوا یې مخالفت وشو؛ خو وروستی وړاندیز، چې د امریکا د میز پر سر ایښی دا دی، چې د اسلامي امارت یوازې شپږ چارواکو ته د دیپلوماتیکو دلایلو له مخې قطر ته د سفر اجازه ورکړي.
د امریکا د بهرنیو چارو وزارت ویاند ند پرایس ویلي: نور غړي پدې نظر دي؛ بندیزونه او ممانعتونه به تر هغې روان وي، چې د نويو واکمنو چلند بدل شي او خپل مسوولیتونه ترسره کړي. هغه څوک، چې غواړي بندیزونه لغو کړي او یا یې وغزوي، باید پوه شي، چې نړیواله ټولنه خپل اصول او معیارونه لري، چې باید درناوی یې وشي.
په ملګرو ملتونو کې د چین استازي له نړیوالې ټولنې غوښتي، چې د افغانستان له نوي حکومت سره د اړیکو نوی فصل پیل کړي.
په ملګرو ملتونو کې د چین استازی ژانګ جون وایي: د نړۍ لپاره تر ټولو مهمه خبره دا ده، چې افغانستان اوس د افغانانو په لاس کې دی؛ ځکه مونږ وینو، چې افغانستان په ډېرو برخو کې پرمختګ کړی او نسبتاً باثباته وضعیت لري. په عین حال کې هیله من یو، چې د سیاسي روغې جوړې په لاره کې پرمختګ وشي او همدارنګه هیله لرو، چې له ترهګرۍ سره د مبارزې په برخه کې قاطع تصمیمونه ونیول شي، د هغوی د ځپلو لپاره له نوي حکومت سره همکارۍ ته اړتیا ده. نړۍ باید له نوي حکومت سره د اړیکو نوی فصل پیل کړي.
لویدیځ په ډاګه کړې؛ د نجونو د ښوونځيو او میرمنو ته د کار اجازه ورکول له نوي افغان حکومت سره د تعامل لپاره یوه اړتیا ده. که څه هم اسلامي امارت په وار وار اعلان کړی، چې د نړیوال مشروعیت د ترلاسه کولو او د بندیزونو او محدودیتونو د لرې کولو لپاره یې شرایط برابر کړي؛ خو تر اوسه یې د نجونو لپاره د متوسطو او عالی لیسو د پرانیستلو ژمنه نده پوره کړې.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ