لوبی
بنګله دېش پر لومړي ځل له افغانستان څخه د ۲۰ اووریزو لوبو لړۍ وګټله
د بنګله دیش کرکت ملي لوبډلې د یکشنبې پر ورځ په دوهیمه شل اووریزه لوبه کې افغانستان ته د شپږ ویکتو پر توپیر ماتې ورکړه او بریایې خپله کړه.
د باران له کبله په دې سيالۍ کې د اوورونو شمېر ۱۷ ته راټيټ شو او افغان لوبډلې د اووه لوبغاړیو پر سوځېدو ۱۱۶ منډې جوړې کړې.
بنګله دیش د ګټلو لپاره ۱۱۹ منډو ته اړتیا درلوده او په داسې حال کې، چې پېنځه توپونه پاتې ول؛ هغه یې پوره کړې.
د بنګله دیش لوبډلې لپاره لیتن داس تر ټولو زیاتې ۳۵ منډې جوړې کړې او د افغانستان لوبډلې لپاره عظمت الله عمرزي ۲۵ منډې وکړې.
بنګله دیش د جمعې پر ورځ لومړۍ شل اووریزه لوبه د دوه ویکتو پر توپیر وګټله او دې لوبډلې د یکشنبې د ورځې له بریا سره د شل اووریزو سیالیو په لړۍ کې پرلهپسې درېیمه بریا خپله کړه.
د افغانستان کرکت لوبډلې لوبډلمشر راشد خان وايي؛ د هوا حالات د یوې لوبډلې لپاره عذر نهدی. شل اووریزه لوبه باید مهارتونه معلومه کړي او مونږ په دې برخه کې ښه نه وو. په ځانګړي توګه توپونه کې.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
لوبی
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
د سې شنبې پر ورځ په کابل کې د افغانستان اتلانو لیګ په اوومه لوبه کې ابو مسلم فراه لوبډلې خراسان فاریاب لوبډلې ته ۶ د صفر پر توبیر ماتې ورکړه.
د همدې ورځې په دوهیمه لوبه کې د افغانستان اتلانو لیګ اتمه لوبه عینو مېنې وګټله او سرسبز یاشلر افسي ته یې ۴ پر صفر ماتې ورکړه.
د ابو مسلم فراه له لوري سهراب افغان درې ګولونه، امان الله سرداري دوه ګولونه او احمد خالد مجیدي یو ګول ترسره او د ډګر اتلان شول.
سهراب افغان د افغانستان اتلانو لیګ لومړنی لوبغاړی شو، چې په یوه لوبه کې یې درې ګولونه ووهل او د دې لوبې غوره لوبغاړی ونومول شو.
هغه له لوبې وروسته څرګنده کړه: لوبه ښه وه او ما د لوبډلې د غړیو پر همغږۍ درې ګولونه سیالې لوبډلې ته ورکړل.
د ابو مسلم فراه فوټبال لوبډله د ۸ ګولونو پر وهلو د لښتیلیک یا جدول په سر کې ده.
عینو مېنه د اووه ګولونو پر ترسره کولو دوهیم مقام لري.
آهن الله درمان د سرسبز یاشلر افسي لوبډلې پر وړاندې په لوبه کې د غوره لوبغاړي نوم خپل کړ.
درمان د جام له خپلولو وروسته ویلي؛ خوښ یم، چې د عینو مېنې په لوبډله کې د کندهار د خلکو استازیتوب کوم او خپلو خلکو ته خوښۍ راوړم او دا بریا او جایزه د کندهار ټولو ولسونو په ځانګړي توګه خپلې کورنۍ ته وړاندې کوم.
د عینو مېنې لوبډلې له لوري آهن الله درمان ۲ ګولونه وهلي؛ احمد نبي مقدس او رامین حمیدي یو ـ یو ګول وهلی دی.
د سرسبز یاشلر افسي لوبډلې مشر روزونکي د لوبډلې پر ماتې خواشیني څرګنده کړې او وایي، چې د لوبډلې د ماتې لامل د تجربه لرونکیو لوبغاړو نشتوالی دی.
نوموړي زیاته کړې؛ هیله ده، چې په راتلونکیو سیالیو کې یې لوبډله ښه وځلیږي.
د چارشنبې په سیالۍ کې، چې د غرمي پر ۱:۰۰ پیلیږي؛ سرخ پوشان خوافي به له اټک انرژي افسي سره لوبه وکړي. په داسې حال کې، چې استقلال کابل افسي به له غرمې وروسته ۳:۳۰ له موج ساحل افسي سره نهمه لوبه ترسره کړي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
د دوشنبې پر ورځ په کابل کې د افغانستان اتلانو لیګ په پېنځمه لوبه کې د موج ساحل لوبغاړي شاه نصیر نوري جوانان واحدي لوبډلې ته د ډګر له نیمایي څخه پخپل زړهراکښونکې ګول یو د صفر پر توپیر بریا خپله کړه.
د دغو سیالیو په شپږمه لوبه کې، چې پر همدې ورځ ترسره شوه؛ میوند لوبډلې عد الت فراه ته ۲ پر ۱ماتې ورکړه.
د لوبې لومړی ګول د عدالت فراه له لوري عبدالعلي واحدي په شپږدېرشمه دقیقه کې ترسره کړ؛ خو د میوند لوبډلې رحیم الله د لوبې د لومړۍ نیمايي له پای ته رسېدو لږ مخکې لوبه مساوي کړه.
عبدالرحمن محمدي د لوبې په دوهیمه نیمایي کې ګټونکی ګول ترسره کړ او لوبډلې ته یې د ډګر بریا ورپر برخه کړه.
نن سې شنبه ( د غویي څلورمه ) غرمه مهال یوه بجه به ابو مسلم فراه له خراسان فاریاب سره او له غرمې وروسته درې نیمې بجې به سرسبز یاشلر د عینو مېنې پر وړاندې لوبه وکړي.
دغه سیالۍ له آریانا ټلویزیون څخه پر ژوندۍ بڼه خپریږي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه