تازه خبرونه
بي بي سي پارسي رادیو له ۸۲ کلونو خپرونو وروسته بندیږي
نن (یکشنبه د وري شپږمه) له ۸۲ کلونو خپرونو وروسته بي بي سي پارسي شبکه خپلې رادیوي خپرونې بندوي.
بي بي سي نړیوالې شبکې څرګنده کړې، چې د ستراتیژیکو بدلونونو له مخې غواړي پر دیجیتل څانګو راوڅرخېږي.
په افغانستان کې د بي بي سي راديو پارسي خپرونې په ځانګړي توګه په کلیو او بانډو کې ډېر مينهوال لرل.
د بي بي سي پارسي راديو د پېښو او شخړو د پوښښ له کبله په افغانستان، ايران او تاجکستان کې ډېر اورېدونکي درلودل.
ظاهر طنین، مینه بکتاش او عبدالله شادان د بي بي سي پارسي رادیو له لومړنیو وړاندې کوونکیو څخه ول.
د يادونې ده، چې بي بي سي پارسي راديو په اړوند سیمو کې ٨٢ کلن تاريخ لري او له دوهيمې نړيوالې جګړې وروسته یې خپرونې پیل کړې وې.