تازه خبرونه
تر اووه میلیونوزیات افغانان په بهر کې کډوال دي
د کډوالو وزیر د څرګندونو له مخې جوته شوې ده چې شاوخوا یو میلیون نور افغانان له خپلو سیمو بې ځایه شوي دي او د اووه ميليونو په شاوخوا کې له هېواد بهر کډه شوي دي.
د دې وضعیت په اړه د هېواد اجرایه ریاست اندیښنه ښودلې هغه زياتوي چې د اصلي ستونزې لامل بايد معلوم کړل شي.
کډوالي د افغان حکومت په وړاندې یوه لویه او جدي ستونزه ده،د کډوالو وزیر د کډوالو او بې ځایه شویو د ستونزو حل خپل کاري لومړیتوب بولي.
د کډوالو چارو وزیر سیدحسین عالمي بلخي وايي: “د کډوالو د ستونزو د اواري له کبله د ملي يووالي حکومت د کډوالو ستونزو ته په خپلو کارونو کې لومړيتوب ورکوي. اوس مهال له هېواد اووه ميليونه افغانان کډوال شوي دي او له يوه ميليون ډېر نور يې په هېواد کې بې ځايه شوي دي.”
اجراییه ریاست وایي چې په کار ده له هېواده د خلکو د وتلو مساله معلومه شي.
د اجرایه ریاست لومړی مرستیال انجنير محمدخان وايي: “د جګړې اصلي عامل جګړه ده، دولت مکلف دی چې په لومړي سر کې د جګړو مخه ونيسی، خلک بهر ته د شوق نه بلکې له مجبوريته ځي چې لوی لامل يې جګړې او ناامنۍ دي.”
د مشرانو جرګې رییس فضلالهادي مسلمیار وايي: “افغانان له دوو لاملونو له هېواده کډه شوي دي لومړی ظلم دویم ناامني ده.”
همداراز د اجرایه ریاست دوهم مرستیال زیاتوي چې افغان دولت د دغو مهاجرتونو مخه نه شي نیولی.
د اجرایه ریاست دوهم مرستیال محمد محقق وايي: “دې دولت نه تر دې وړاندې د کډواليو د مخنيوي واک لاره او نه يې اوس لري، يوازې دومره کولای شي چې د ستونزو په وړاندې فرصتونه هم برابر کړي.”
دا په داسې حال کې ده چې په دې وروستیو دوو کلونو کې په زیات شمېر افغانان له هېواده وتلي دي. په همدې حال کې له پاکستان څخه هېواد ته د افغانانو د بېرته ستنېدو بهیر مخ په پراختیا دی.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه24 hours ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی21 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل