Connect with us

تازه خبرونه

جمهوري غوښتونکیو له افغانستان څخه د امریکایي ځواکونو د بېړنیو ایستلو په اړه څېړنې پیل کړې

خپور شوی

د

Last Updated on: مرغومی ۲۵, ۱۴۰۱

د امریکا د ولسي جرګې د بهرنیو اړیکو کمیتې مشر د دغه هېواد د بهرنیو چارو له وزارته د یوه  لیک په ترڅ کې غوښتي، چې له افغانستان څخه د امریکايي پوځیانو د وتلو په اړه دې کمیتې ته دولتي اسناد ورکړي.

له هغې وروسته، چې یوه اوونۍ مخکې د امریکا د ولسي جرګې واک جمهوري غوښتونکیو لاس ته ورسېده؛ جمهوري غوښتونکیو له افغانستان څخه د امریکايي ځواکونو د وتلو په اړه څېړنه پیل کړه.

مایکل مک کال په یوه لیک کې د امریکا د بهرنیو چارو وزیر ته ګواښ کړی که ځواب ورنکړي؛ د استازیو جرګه به د خپلو واکونو څخه کار واخلي.

د بګرام له هوايي اډې څخه د وتلو څرنګوالی او د داعش د خراسان څانګې ګواښ او له اسلامي امارت سره د ټولو ناستو په اړه د معلوماتو تر څنګ ځینې مسایل دي، چې ولسي جرګې یې له بهرنیو چارو وزارته غواړي.

په ولسي جرګه کې د جمهوري غوښتونکیو نوي مشر کیون مک کارتي د ولسي جرګې د رییس په توګه له  ټاکل کیدو وروسته له افغانستان څخه د امریکايي ځواکونو د وتلو په ګډون د بایدن د حکومت د دندو او تګلارو په اړه خبرې وکړې.

د امریکا د استازیو مجلس د بهرنیو چارو د کمیتې د جمهوري غوښتونکیو مشر مایکل مک کال ویلي، چې د بهرنیو چارو وزیر ته یې یو لیک استولی او له طالبانو سره یې د استخباراتي ارزونو او ارتباطاتو په ګډون د پراخو معلوماتو غوښتنه کړې ده.

نوموړي ویلي: د  ۲۰۲۱ ز. کال د اګست په میاشت کې د وتلو په اړه د اسنادو او سپیناوي پوښتنې بې ځوابه پاتې دي. د ۲۰۲۲ ږ. کال د اکتوبر پر ۱۴ ما دا غوښتنې یو ځل بیا راپورته کړې او د وتلو د اسنادو غوښتنه مې وکړه، چې دا اسناد پرته له ځنډه کمیتې ته وسپارل شي.

د امریکا د بهرنیو چارو وزارت د دې غوښتنې په اړه څه ندي ویلي؛ خو مخکې یې ویلي وه، چې د ۲۰۲۱ کال په اګست میاشت کې له افغانستان څخه له وتلو وروسته یې له کانګرس سره یو سل و پنځوس معلوماتي غونډې وکړې.

جمهوري غوښتونکیو، د پخواني ولسمشر دونالد ترمپ په ګډون، چې د خپلې ولسمشرۍ پر مهال یې د امریکا او اسلامي امارت ترمنځ د دوحې تړون لاسلیک کړ او امریکا له افغانستان څخه خپل ځواکونه وویستل؛ یوه تېروتنه بولي، خو د بایدن ادارې په وار وار له افغانستان څخه د ځواکونو د ایستلو دفاع کړې ده.

له بلې خوا امریکايي ورځپانې ایګزیماینر لیکلي، چې د مک کال لس مخیز لیک د پوښتنو اوږد لیست لري، چې ولسي جرګه یې ځوابونه غواړي.

د امریکا له پوځي حضور پرته د افغانستان د جمهوریت د بقا په اړه د معلوماتو ارزونه، د بګرام هوايي اډې څخه د وتلو او د داعش د خراسان څانګې د ګواښ په اړه معلومات او د ۲۰۲۱ کال له جنورۍ راپدیخوا له اسلامي امارت سره د امریکایانو لخوا د ترسره شویو ټولو غونډو په اړه معلومات هغه څه دي، چې ولسي جرګه یې د وضاحت غوښتنه کوي.

د چارو شنونکیو ویلي، چې د امریکا ولسي جرګه باید د ځواکونو د وتلو پر مهال په هوایي ډګرونو کې د تخنیکي ویجاړیو او ورانیو د رامنځته کولو پوښتنه هم باید وکړي او په دې اړه د افغانستان خلکو ته له ځواب ویلو اوږې سپکې نکړي.  

تازه خبرونه

قطر او بریټانیا د افغانستان، فلسطین، لبنان او سوریې پر وروستیو تحولاتو خبرې وکړې

الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.

Published

on

 

د قطر بهرنیو چارو په وزارت کې د دولت وزیر محمد بن عبدالعزیز الخلیفي ویلي؛ هېواد یې د هغو ډیپلوماټیکو هڅو ملاتړ کوي، چې د سمندري تګ‌راتګ آزادي تضمین او په سیمه کې تلپاتې سولې ته زمینه برابره کړي.

الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.

د قطر بهرنیو چارو وزارت د څرګندونو له مخې؛ دواړو لوریو په دې کتنه کې د افغانستان، فلسطین، لبنان او سوریې وروستي تحولات وڅېړل او د سیمه‌ییزو کړکېچونو د کمولو، امنیت او ثبات د ټینګښت لپاره یې پر ګډو ډیپلوماټیکو هڅو ټینګار وکړ.

دواړو لوریو د دوه اړخیزو اړیکو د پیاوړتیا، د شخړو د سوله‌ییز حل او د منځګړیتوب په برخه کې د همکاریو د پراختیا په اړه خبرې کړې دي.

د قطر د بهرنیو چارو وزارت په خپره شوې خبرپاڼې کې د افغانستان په تړاو د شویو خبرو جزئیات ورکړ شوي نه‌دي.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

تازه خبرونه

د افغانستان اقتصادي وده روانه ده؛ خو د کورنیو عواید او د اوبو کمښت د اندېښنې وړ دي– نړیوال بانک

د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرله‌پسې درېیم کال دی، چې سرانه تولید په کې راټیټېږي.

Published

on

 

نړیوال بانک ويلي؛ د افغانستان اقتصاد به په ۲۰۲۶ز.کال کې د کرنیزو حاصلاتو د ښه‌والي له کبله درې سلنه وده وکړي؛ خو د سرانه عوایدو کمښت، د خوراکي توکو د بیو لوړوالی او د اوبو د کمښت زیاتېدا پر کورنیو فشارونه ډېر کړي دي.

د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرله‌پسې درېیم کال دی، چې سرانه تولید په کې راټیټېږي.

راپور زیاته کړې، چې د کاري فرصتونو کمښت او د خوراکي توکو د بیو لوړوالي د کورنیو د پېر ځواک کم کړی او شاوخوا ۱۵.۹ میلیون افغانان د ۲۰۲۶ز.کال په سپټمبر او اوکټوبر کې د خوړو له سختې ناامنۍ سره مخ ول.

نړیوال بانک همداراز ویلي، چې افغانستان له ۲۰۰۳زږکال راپدېخوا هر کال په منځني ډول شاوخوا ۴.۹ میلیارډ مټرمکعبه د خوږو اوبو زېرمې له لاسه ورکوي او په کابل کې د ځمکې لاندې اوبو ایستل د دغو زېرمو د طبیعي بیارغېدا له کچې نږدې څلور برابره زیات دي.

د دې بنسټ د اټکل له مخې؛ د افغانستان اقتصادي وده به په ۲۰۲۷ز.کال کې ۳.۳ او په ۲۰۲۸ز.کال کې ۳.۵ سلنې ته ورسېږي؛ خو له دې سره- سره به په ۲۰۲۸ز.کال کې سرانه تولید د ۲۰۲۴ز.کال پر پرتله شاوخوا اووه سلنه ټیټ وي.

د دولتي عوایدو په برخه کې، نړیوال بانک ویلي، چې د افغانستان کورني عواید د ۲۰۲۶ز. کال په لومړۍ نیمایي کې ۱۰.۲ سلنه زیات شوي دي. د کورنیو مالیاتو او غیرمالیاتي عوایدو زیاتوالي د ګمرکي عوایدو کموالی جبران کړی؛ خو له دې سره- سره عامه پانګونه اوس هم ټیټه ده او اټکل کېږي، چې په روان مالي کال کې د دولت پراختیايي لګښتونه د ناخالص کورني تولید شاوخوا ۱.۳ سلنې ته ورسېږي.

دغه راز له پاکستان سره د لارې د تړل کېدا له کبله اوس د افغانستان شاوخوا ۹۷ سلنه واردات د منځنۍ آسیا او ایران له لارې هېواد ته راوړل کېږي. همداراز د ۲۰۲۶ز. کال له اپریل څخه تر سپټمبر پورې د افغانستان صادرات د تېر کال د همدې وخت پر پرتله ۱۵.۱ سلنه کم شوي دي.

د نړیوال بانک د څرګندونو له مخې، د اوبو کمښت د کلیوالو سیمو د اوسېدونکو معیشت هم له خطر سره مخ کړی دی. کرنه د هېواد ۴۶ سلنه کاري ځواک په ځان کې ځایوي او په افغانستان کې د اوبو د ټولو ایستلو ۹۵ سلنه برخه دې برخې ته ځانګړې شوې ده.

نړیوال بانک خبرداری ورکړی، چې د کرنیزو حاصلاتو کمښت، د سوداګریزو لارو د لا زیات ګډوډېدا، د افغان کډوالو د پراخې راستنېدنې او د نړیوالو مرستو د کمېدا له کبله رامنځته کېدونکي وضعیت کولی شي د افغانستان اقتصادي لیدلوری کمزوری کړي.

په دې راپور کې د سوداګریزو خوندي لارو جوړول، هغو ولایتونو کې د کاري فرصتونو پراخول، چې ډېر راستنېدونکي کډوال مني او ښځو او نجونو ته د زده‌کړو او کار د بیا لاسرسي زمینه برابرول، په افغانستان کې د ژوند د کچې د ښه کېدا له لومړیتوبونو بلل شوي دي.

نړیوال بانک د اوبو د سرچینو د مدیریت په برخه کې هم د اوبو رسولو او حفظ‌الصحې د بنسټیزو خدمتونو پر بیا رغولو، د اوبو لګولو د سیسټمونو پر رغونې او د اوبو د زیرمو او ځمکې لاندې اوبو د زېرمو پر ساتنې ټینګار کړی دی.

د« افغانستان پراختیايي وضعیت تازه‌کتنه» راپور د افغانستان د اقتصاد او ټولنې په اړه د نړیوال بانک د دوامداره څېړنیزو، څارنیزو او شننیزو فعالیتونو یوه برخه ده، چې موخه یې د شواهدو پر بنسټ د پالیسۍ جوړونې ملاتړ او نړیوالې ټولنې ته د افغانستان د اقتصادي بدلونونو په اړه معلومات ورکول دي.

Continue Reading
Advertisement

Trending

Copyright © 2026 Ariana News. All rights reserved!