تازه خبرونه
حکومت باید د پاکستان په وړاندې خپله سیاسي تګلاره اعلام کړي- ولسي جرګه
د ولسي جرګې غړي وایي، چې حکومت باید د پاکستان د لاسوهنو په وړاندې خپله تازه سیاسي تګلاره اعلام کړي.
دوي وایي، چې د حکومت، ملي شورا او سیاسي بهیرونو ګډ مسوولیت دی، چې خلک د سترو ننګونو په وړاندې مقابلې ته تنظیم کړي.
په ولسي جرګه کې د غزني استازی اسدالله سعادتي وایي، که څه هم اوسنی نظام له پراخو ننګونو سره مخ دی؛ خو اوس هم افغانستان او افغانانو ته مهم چتر دی او که دا نظام د سیاسي بهیرونو او خلکو لخوا حمایه نه شي او د شته ننګونو او ستونزو په وړاندې خلک منسجم نه شي، افغانستان به د یوه ستر کړکیچ پر لور ولاړ شي.
نوموړی زیاتوي، د خلکو اتحاد او له نظام ملاتړ کولی شي د افغانستان د دښمنانانو توطیې شنډې کړي.
په ولسي جرګه کې د هرات استازې ناهید فرید وایي، له نظامه ملاتړ د هېواد پرمختګ غزوي؛ پر حکومت زمونږ فشار دا معنا نه لري، چې حکومت ته زیان اړوو.
په ولسي جرګه کې د کابل استازی الماس زاهد له حکومته غواړي، چې د پاکستان د لاسوهنو په وړاندې خپله نوې تګلاره اعلام کړي؛ ځکه هره ورځ خپل افغان ځواکونه له لاسه ورکوو. که پاکستان دښمن وي ، چې ورسره جنګ اعلام کړو. پاکستان یوه ورځ د سولې غږ پورته کوي او بیا بله ورځ ترې د جګړې غږ اورو.
د ولسي جرګې رییس عبدالرووف ابراهیمي د افغانستان روان وضعیت پیچلی بولي او له ولسمشر غواړي، چې ملي شورا ته له ورتلو وړاندې د ملي دفاع او ملي امنیت د لوی ریاست له پاره کاندیدان دې جرګې ته وروپېژني.
د نوموړي په وینا؛ د هېواد اوسنی وضعیت ډېر حساس او ماتیدونکی دی او باید د حل له پاره یې اغېزمن ګامونه پورته شي.
د ولسي جرګې غړي ټینګار کوي، چې له امریکا سره لاسلیک شوي امنیتي هوکړه لیک او د مرستندویه هېوادونو ملاتړ ته په پاملرنه اړتیا ده، چې دغه هېوادونه د روانو ناخوالو او ننګونو د حل له پاره کار وکړي او د افغانانو غوښتنو ته لاسرسی وموندل شي.
خبریال: رفیع صدیقي
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه17 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل