تازه خبرونه
خوست نه پښتونخوا ته د وزیرستاني کډوالو بېرته تګ پیل شو
خوست ولايت ته درې کاله وړاندې په زرګونو کورنۍ له وزيرستان څخه د جګړو له کبله راکډه شوې وې چې اوس يې د بېرته تګ بهير پيل شوی دی.
له خوست څخه دغه کډوالې کورنۍ په لومړۍ ورځ د غلام خان بندر له لارې میرامشاه ته ۲سوه کورنۍ واوښتې او هره ورځ به ۲سوه په شمېر کورنۍ بېرته خپلې کډې وړي.
د خوست چارواکي وايي، دوی له کډوالو سره تر خپلې وسې مرستې کړې دي او په پوره درناوي یې ځینې کورنۍ رخصت کړې.
نږدې درې کاله کېږي چې له وزیرستان څخه د پاکستان پوځ د پوځي عملیاتو له امله شاوخوا دېرش زره کورنۍ خوست ته راکډه شوې وې. دغه کورنیو ته پاکستان د روانې میاشتې په ۱۶مه نېټه د بېرته ورتګ په اړه ټاکلې وه. د دوشنبې په ورځ له خوسته د دغو کډوالو د بېرته تګ بهیر پیل شو او تر دې وروسته به هره ورځ دوه سوه کورنۍ ستنېږي. هغوی وایي، افغانستان یې خپل کور دی، له حکومت او خلکو یې خوشاله دي او په بېرته تګ ډېر د خپګان احساس کوي.
د نورمحمد داوړ په نوم يو تلونکی کډوال وايي: “موږ په افغانستان کې درې کاله ډېر په خوښۍ او عزت سره تېر کړل، په دې دريو کلونو کې دلته نه عسکرو او نه هم عامو خلکو له موږ سره ناسم چلند کړی، بلکې دوی اوس زموږ د رخصت کېدو له پاره زموږ درناوي ته راوتلي دي.”
د فرید په نوم د ميرام شاه د سيمې کډوال وايي: “افغانستان زموږ خپل کور دی، موږ ته يې دلته ډېر عزت راکړی او هېڅکله به هم خپل هېر نه کړو.”
د کډوالو ډېرې کورنۍ له ځانه سره لوښې نه وړي او د کډوالو په ګلان کمپ کې یې په کباړ پلوري.
د خوست سيمه ييز چارواکي وایي، وزیرستاني کډوال په خپله خوښه بېرته خپلو کورنو ته ستنېږي. د خوست د والي ویاند وایي، ټاکل شوې ده، د لسو ورځو په موده کې ۲زره کورنۍ له ډیورنډ کرښې ها غاړې خپلو کورنو ته واوړي.
د خوست د والي وياند مبارزمحمد ځدران وايي: “وزيرستاني کډوالو په خپله خوښه تصميم نيولی چې خپل کور کلي ته لاړ شي چې نن يې لومړيو ۲سوه کورنيو حرکت وکړ او تر راتلونکو لسو ورځو پورې به ۲زره کورنۍ خپل کور کلي ته لاړې شي.”
ډېرو دغو کورنیو ته ځایي خلکو په کورونو کې ځای ورکړ او یو شمېرو ته یې بیا د خوست په ګربزو ولسوالۍ کې د ګلان په نوم پنډغالی جوړ شو.
خبريال: فریدالله ظاهر
تازه خبرونه
د کانونو او پټرولیم وزارت د ۳۳ میلیون ډالرو پر ارزښت ۶۰ زره ټنه د قشقري اومه تېل وپلورل
د افغانستان د کانونو او پټرولیم وزارت څرکنده کړې، چې د څه باندې ۳۳ میلیون ډالرو پر ارزښت یې د قشقري ۶۰ زره ټنه اومه تېل پلورلي دي.
د دغې کچې تېلو د داوطلبۍ په مراسمو کې، چې نن (سې شنبه د غبرګولي اتمه) ترسره شوه؛ له ۱۸ ګډون کوونکیو شرکتونو څخه یو شرکت ګټونکی اعلان شو.
په دې مراسمو کې د کانونو او پټرولیم وزارت چارسمبالي ویلي، که قراردادي شرکت د قشقري د تېلو په استخراج کې ښه کار وکړي؛ د ورځې درې زره ټنه تېل به استخراج شي.
د کانونو او پټرولیم وزارت چارسمبالي شهاب الدین دلاور همداراز د ځینو بهرنیو شرکتونو لېوالتیا هم اعلان کړه، چې د هېواد د تېلو په برخو کې به پانګونه وکړي.
هغه وويل: راځئ، چې په خیر کار وکړو او تېل استخراج کړو. الله پاک امنیت، اسلامي نظام او شفافیت رامنځته کړی دی. له چا څخه یوه افغانۍ هم زیاته نه اخیستل کیږي.
د ګټونکي شرکت مسوولینو ويلي، چې دوی به د هېواد دننه پېرل شوي تېل چاڼ او تصفیه کړي.
د دوی د څرګندونو له مخې؛ د دې مقدار تېلو په چاڼ کې به یو شمېر کسانو ته د کار زمینه برابره شي.
د ګټونکي شرکت ویاند غفور احمد جاوید ويلي: دا بهیر ډېر روڼ و؛ هر چا ته استعلام ورکړ شو او یو خبریال کاغذونه له بکس څخه راوویستل او موږ د ۸ اعشاریه ۷۰ منفي نرخ سره ګټونکي شو.
اوسمهال په قشقري کې له ۲۴ څاګانو څخه څه باندې ۱۰۰۰ ټنه تېل استخراجېږي.
تازه خبرونه
افغاني سرې میاشټې په ترکیه کې له بشري بنسټونو د مرستې غوښتنه وکړه
د افغاني سرې میاشتې مرستیال نور الدین ترابي د یوه پلاوي پر مشرۍ نن دوشنبه د غبرګولي اوومه د ترکیې په استانبول ښار کې د ١٧ بشرپاله او خيريه بنسټونو له چارواکو سره د بشري مرستو د جلب ناسته ترسره کړه.
د افغاني سرې میاشتې د څرګندونو له مخې؛ ياد ١٧ خيريه بنسټونه، چې د يوه بنسټ تر چتر لاندې خپل بشرپال فعاليتونه تر سره کوي؛ د ترابي له لوري ورسره د افغانانو د اقتصادي حالت او ستونزو په اړه هر اړخيز معلومات شريک شول.
نوموړي له دې بنسټونو وغوښتل، چې د افغانستان له سېلاب ځپلیو سره مرستې وکړي.
له تېرې څه ناڅه یوې میاشتې را په دې خوا د افغانستان په شمال ختیځ کې سخت بارانونه او سیلابونه راغلل، چې د بدخشان (۵)، د بغلان (۱۰) او د تخار (۶) ولسوالۍ یې اغېزمنې کړې.
راپورونه ښیي، چې تر دې دمه ۳۴۷ کسان وژل شوي او ۱۶۵۱ نور ټپیان دي.
یونیسیف په روانه اوونۍ کې راپور ورکړ، چې شاوخوا ۷۸۰۰ کورونه یا ویجاړ شوي یا لږ څه زیانمن دي او له ۵۰۰۰ څخه ډېرې کورنۍ بې ځایه شوې دي.
د ويجاړو او زیانمنو شويو سړکونو، پلونو، روغتيايي مرکزونو او دولتي ښوونځيو ترڅنګ، کرنيزې ځمکې او څاروي هم له منځه تللي دي.
د ۲۰۲۴ کال د می د شپاړلسمې او اووهلسمې ترمنځ غور ولایت د سختو بارانونو او سېلابونو تجربه وکړه؛ ۱۰ ولسوالۍ یې اغېزمنې کړي، چې مرغاب په کې له ټولو ډېر اغېزمن شوی دی.
د راپورونو له مخې؛ د ۱۰ ماشومانو په ګډون ۴۰ کسان وژل شوي؛ ۲۰ ورک او ۴۹ نور ټپیان دي.
لومړني راپورونه ښیي، چې د څه باندې ۴۱۰ کورنیو کورونه ویجاړ شوي او یا په جزوي توګه زیانمن دي، ۲۷ روغتیايي او د تغذیې مرکزونه ویجاړ شوي او یا هم جزوي زیانمن دي او ۶۲ ښوونځي سخت زیانمن شوي دي.
د می پر اووهلسمه په فاریاب ولایت کې هم د سېلابونو له کبله ۹ ولسوالۍ زیانمنې شوې دي.
لومړني راپورونه ښيي، چې ۶۲ کسان وژل شوي او ۱۸ نور ټپیان دي. سربېره پردې ۱۸۹۰ کورونه ویجاړ شوي یا ل. څه زیانمن شوي او درې روغتیایی تاسیسات او ۲۳ ښوونځي اغېزمن شوي دي.
تازه خبرونه
کابلوف پوتین ته له ترهګریز نوملړ څخه د «اسلامي امارت» د نوم لرې کولو وړاندیز وکړ
د افغانستان په چارو کې د روسیې د ولسمشر ځانګړي استازي ضمیر کابلوف د څرګندونو له مخې؛ بهرنیو چارو او عدلیې وزارتونو د ترهګرو له نوملړ څخه د اسلامي امارت د احتمالي ایستلو په اړه خپلې څېړنې بشپړې کړي او اړوند وړاندیز کرملین ته سپارل شوی دی.
کابلوف تاس خبري آژانس ته ویلي: بهرنیو چارو او عدلیې وزارتونو د روسیې ولسمشر ولادمیر پوتین ته خبر ورکړی، چې طالبان (اسلامي امارت) دې په دې هېواد کې د ترهګریزو ډلو له نوملړ څخه وایستل شي.
کابلوف زیاته کړې، چې دغه دریځ یو شمېر دولتي بنسټونو تائید کړی او دا کړنه باید ترسره شي او له دې پرته به د (افغانستان چارسمبالي حکومت) د پر رسمیت پېژندلو خبرې له وخته مخکې وي.
د نوموړي د څرګندونو له مخې؛ پدې مسلې کار روان دی، ټول ملاحظات د روسیې مشرتابه ته وړاندې شوي او مونږ یې پرېکړې ته په تمه یوو.
هغه دا هم ویلي؛ اسلامي امارت په ۲۰۲۱ ز.کال کې واک ته له رسېدو وروسته د رسمیت پېژندلو لپاره اوږده لار ولې؛ خو اوس هم ځینې خنډونه شته، چې پرې برلاسي شي او له هغې وروسته به بیا مسکو پرېکړه وکړي.
دغه راز د روسیې بهرنیو چارو وزیر سرګي لاوروف ویلي: طالبان (اسلامي امارت) په افغانستان کې اصلي ځواک دی او د ممنوعه ډلو له نوملړ څخه یې د ایستلو هڅه د واقعیت ښکارندویي کوي.
همدارنګه کابلوف یوه روسي خبري چینل ته ویلي، چې اسلامي امارت د سنټ پټرزبورګ په نړیوال اقتصادي فورم کې د ګډون پخلی کړی دی.
هغه ویلي: د طالبانو حکومت (اسلامي امارت) د کار وزیر او د سوداګرۍ او صنایعو د خونې مشر به د سنټ پټرزبورګ په اقتصادي فورم کې ګډون وکړي.
کابلوف زیاته کړې: زه تمه لرم، چې دوی (د اسلامي امارت پلاوی) او افغان سوداګر به له روسیې او نورو بهرنیو شریکانو سره د همکارۍ په اړه یوې هوکړې ته ورسیږي.
هغه څرګنده کړې: د روسیې په اړه ما مخکې وویل، چې دا ډول همکارۍ له پخوا څخه شتون لري؛ خو د هغې امکانات پای ته ندي رسیدلي او مخ پر پراخېدو دي.
کابلوف وایي: زه هیله لرم، چې افغان پلاوی به له دې فرصت څخه د روسیې او نورو دوستو هېوادونو د سوداګریزو همکاریو د پیاوړتیا او پراختیا لپاره پوره ګټه پورته کړي.
دا په داسې حال کې ده، چې تېر کال د افغانستان اسلامي امارت هم د دغه فورم په غونډه کې ګډون کړی و.
-
لوبی2 days ago
د ۲۰۲۴ شل اوریز نړیوال جام سیالیو ټولې لوبډلې په ډاګه شوې
-
تازه خبرونه22 hours ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
تازه خبرونه3 days ago
له ناقانونه مهاجرینو سره به جګړې ته ورته چلند وشي- د تهران والي مرستیال
-
تازه خبرونه3 days ago
د خواف – هرات د اوسپنېپټلۍ د وروستۍ برخې د جوړولو کار پیل شو
-
لوبی2 days ago
افغانستان د ۲۰۲۴ فوټسال نړیوال جام په C ګروپ کې راغی
-
تازه خبرونه3 days ago
په افغانستان کې باید د ټولو قومونو د استازو په ګډون یو حکومت جوړ شي – حسن کاظمي قُمي
-
سیمه ییز خبرونه3 days ago
د هند د لویدیځ په یوه تفریحي مرکز کې اور لګېدنې لږ تر لږه ۲۴ کسان مړه شوي
-
تحول3 days ago
تحول: جوبایډن ویلي؛ افغانستان د امپراتوریو ادیره ده