سیمه ییز خبرونه
د آسيا فوتبال چلنج كپ په سياليو كې افغانستان مغلستان ته هم ماته وركړه
Last Updated on: لړم ۳, ۱۴۰۱
د آسيا فوتبال چلنج كپ سياليو پر دوام، د دوشنبې په ورځ(د كب۱۴) د هېواد ملي لوبډلې په دوه يمه سيالۍ كې د مغلستان لوبډله د يو- صفر په پايله په گونډو كړه.
پدې سيالۍ كې د افغانستان په استازيتوب يوازنى گول بلال آرزو تر سره او خپلې لوبډلې ته يې د دوه يمې بريا ننداره ور په برخه كړه.
دا سيالۍ، چې د مارچ له دوه يمې نېټې په لاوس هېواد كې پيل شوي، افغانستان په خپله لومړۍ سيالۍ كې په ورته پايلې سريلنكا ته هم ماته وركړې ده.
د يادولو وړ ده، چې د هغې سيالۍ يوازنى گول هم د افغان لوبډلې د تكړه لوبغاړي بلال آرزو لخوا تر سره شوى و.
افغانستان، چې د دې سياليو په سي گروپ كې دى، د شپږ نمرو په ترلاسه كولو تر دې مهاله په لومړۍ ليكه كې دى.
ټاكل شوې، چې د هېواد ملي لوبډله د چهارشنبې په ورځ(د كب۱۶) خپله درېيمه سيالي له كوربه هېواد لاوس سره وكړي.