تازه خبرونه
د اسلامي امارت رهبر په کورنیو چارو وزارت کې نوې ټاکنې کړي
د اسلامي امارت ویاند ذبیح الله مجاهد په ایکس پاڼه کې لیکلي؛ د اسلامي امارت د رهبر د حکم له مخې د کورنیو چارو وزارت په اړوند تشکیلاتو کې لاندې ټاکنې رامنځته شوې دي:
۱. د جوزجان ولایت مخکنی والي قاري ګل حیدر شفق؛ د بامیان ولایت د والي په توګه.
۲. د بامیان ولایت مخکنی والي ملا عبدﷲ سرحدي؛ د جوزجان ولایت د والي په توګه.
۳. د ۲۰۵ البدر قول اردو مخکنی قومندان ملا احمد شاه دیندوست؛ د سرپل ولایت د والي په توګه.
۴. د ۲۰۱ خالد بن ولید قول اردو مخکنی رییس ارکان حافظ انځر ګل عبدﷲ؛ د لغمان ولایت د مرستیال په توګه.
۵. د چارو ادارې لوی ریاست له اداري فساد سره د مبارزې مخکنی رییس مولوي غلام الرحمن حیدري؛ د ننګرهار ولایت د مرستیال په توګه.
۶. د سرپل ولایت د لواء د ټولې قرارګاه مخکنی قومندان مخدوم عبدالخبیر؛ د سمنګان ولایت د امنیه قومندان په توګه.
۷. د کندوز ولایت د استخباراتو مخکنی رییس حاجي محمد اسماعیل فائز؛ د لغمان ولایت د امنیه قومندان په توګه.
۸. د کندهار ولایت لوړ میوند ولسوالۍ مخکنی ولسوال ملا عبدﷲ؛ د سپین بولډک د کمیسیار په توګه. ۵/۴
۹. د کندهار زون حمایوي کنډک مخکنی قومندان حافظ سید محمد وارث؛ د کندهار ولایت لوړ میوند د ولسوال په توګه.
۱۰. د کندهار مرکز اتمي امنیتي حوزې مخکنی آمر ملا احمد ﷲ سالم؛ د کندهار زون حمایوي کنډک د قومندان په توګه ټاکل شوي دي.