تازه خبرونه
د اسلامي امارت لوړ پوړي پلاوي د صنعتي همکاریو د پراختیا لپاره تاتارستان ته سفر کړی
په دې سفر کې د کانونو او پټرولیم وزیر هدایت الله بدری هم ګډون لري.
په دې وروستیو کې د اسلامي امارت د امارتي شرکتونو د عمومي رییس احمد جان بلال پر مشرۍ یو لوړ پوړی پلاوی د تاتارستان جمهوریت ته تللی دی.
په دې سفر کې د کانونو او پټرولیم وزیر هدایت الله بدری هم ګډون لري.
ټاکل شوې، چې دا پلاوی د کازان ښار د تېلو او ګازو د صنعت په دوه ورځنۍ غونډه کې پر ګډون سربېره د تېلو، ګازو او کیمیاوي موادو په اړه له یوه نندارتون هم لیدنه وکړي.
د اړوند معلوماتو له مخې؛ د دې سفر په لړ کې به د اسلامي امارت پلاوی د صنعتي او اقتصادي همکاریو د پراختیا په اړه د تاتارستان له چارواکو سره د خبرو ترڅنګ د دې هېواد له پراختیایي پروژو څخه هم لیدنه وکړي.