تازه خبرونه
د افغانانو نه هېرول به له نوي حکومت سره اړیکې پراخې کړي
د ملګرو ملتونو د کډوالو ادارې مشر ویلي؛ که څه هم په اوکراین او اروپا کې د روسیې له جګړې ویجاړۍ او بشري کړکېچ رامنځته شوی؛ خو له نوي حکومت سره اړیکې پراخول هم یوه اړتیا ده.
د ملګرو ملتونو د کډوالو ادارې مشر فیلیپوګرنډي، چې پر څلور ورځني سفر کابل ته راغلی وايي، په افغانستان کې د بشري ناورین د مخنیوي یوازنۍ لار له نوي حکومت سره د نړیوالې ټولنې تعامل او اړیکې پراخول دي.
هغه خبرداری ورکړی، چې د افغانستان بشري اړتیاوو په پام کې نه نیول د ټولې نړۍ لپاره ډېر خطرناک دي.
فلیپوګراندي زیاته کړې؛ زه هیله من یم، چې نړیواله ټولنه به په ښه نیت له نوي حکومت سره د تعامل په اړه غور وکړي. نړۍ باید له نوي حکومت سره د همکارۍ ګامونه پورته کړي. که نه؛ نو هیڅ شی به ترلاسه نشي. په افغانستان کې دوامداره بشري ناورین په خلکو کې د کړاو، لوږې او نا امیدۍ لامل شوی دی.
له بلې خوا د اسلامي امارت چارواکي د دې غوښتنې هرکلی کوي او پر نړۍ غږ یې غږ کړی، چې له نوي حکومت سره اړیکي وپالي.
له بلې خوا د ملګرو ملتونو د بشري مرستو همغږي کوونکي خبرداری ورکوي، چې د افغانستان د ۳۸ میلیون وګړیو نیمایي برخه وږي دي او میلیونونه یې د خواړو خوندیتوب نلري او دغه راز پوره خوارځواکي هم د ماشومانو ژوند ګواښي.
هغه د بشري مرستو په اړه د ملګرو ملتونو- انګلستان او قطر د سرمشریزې د جوړولو خبره هم وکړه.
همدارنګه د ملګرو ملتونو د بشري چارو د همغږۍ دفتر(OCHA) ویلي، چې له افغانستان سره د نړیوالو مرستو د جلب او دوام په موخه به د ملګرو ملتونو، بریټانیا او قطر پر کوربتوب د مارچ پر ۳۱ یوه غونډه جوړه شي.
د ملګرو ملتونو د بشري مرستو د همغږي مسوول رامیز الکباروف وایي: یوازې بشردوستانه مرستې د افغانستان د ټولو اوسنیو او راتلونکیو اړتیاوو د پوره کولو لپاره بسنه نکوي. خلک باید ژوندي او ښه وساتل شي. سره له دې، چې په افغانستان کې له اړو کسانو سره د مرستې لپاره هڅې روانې دي؛ په زرګونه خلک اوس هم د خواړو خوندیتوب نلري او پوره خوارځواکي د ماشومانو ژوند ګواښي.
دغه راز ویل شوي، چې پوره لوږه د تېر کال له ۱۴ میلیون څخه ۲۳ میلیونو ته لوړه شوې ده. که څه هم کورنۍ یې اړ کړي، چې ناامیده اقداماتو ته مخه کړي. لکه د خواړو پریښودل یا د بې سارو پورونو اخیستل.
د افغانستان لپاره د مرستو راټولولو نړیواله غونډه په داسې حال کې جوړیږي، چې مرستندویه هېوادونه هڅه کوي له افغان ولس سره داسې مرستې وکړي، چې د نوي حکومت په ګټه نه وي.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي3 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه5 days ago
پر ایران به د اسرائیلو برید له سخت ځواب سره مخ شي
-
تازه خبرونه3 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ2 days ago
امريکا او متحدین یې پر ايران د نورو بنديزونو لګولو هڅې کوي
-
سیمه ییز خبرونه5 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه3 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ4 days ago
امریکا به پر ایران د اسرائیلو په ځوابي برید کې برخه وانخلي