لوبی
د افغانستان او سریلانکا د یو ورځني لوبلړ بېلابېلې خواوې د پوهېدو وړ دي
افغانستان سریلانکا ته د لس ویکټو پر توپیر د خپلې یوې ټسټ لوبې له بایللو وروسته؛ د سلواغې پر ۲۰/ د فبرورۍ نهمه د درې یو ورځنیي لوبلړ لومړۍ لوبه پیلوي.
دا هم سریلانکا ته د افغانستان د سفر یوه برخه ده، چې د درې شل اوریزو لوبو لړۍ هم په کې ده.
افغان سپېنر راشد خان به د لوغالي سیالۍ ته نهدانګي؛ ځکه، چې پوره ښه شوې نهدی او قیس احمد به یې تشه ډکه کړي.
دا به د ۲۰۲۳ ز. کال له نړیوال جام وروسته د لوبډلې لومړۍ یو ورځنۍ لوبلړ وي.
دغه راز سریلانکا په جنورۍ کې له زیمبابوی څخه ۲ د صفر یو ورځنی لوبلړ ګټلی دی.
د افغانستان لپاره د ۲۰۲۳ نړیوال جام زیرمهیي لوبغاړي؛ ګلبدین نائب او فرید احمد د دې سیالیو لپاره لوبډله جوړه کړې ده. نوید ځدراڼ، چې د سریلانکا پر وړاندې په ټسټ لوبه کې ښه وځلید هم د یوه ناپېژانده لوبغاړي په توګه په لوبډله کې راغلی؛ خو نجیب الله ځدراڼ د پام وړ غیرحاضر دی.
دواړو لوبډلو تر دې دمه ۱۲ یو ورځنۍ لوبې کړي، چې سریلانکا اووه او افغانستان څلور ګټلي دي. یوه لوبه بېپایلې پای ته ورسېده.
وروستی ځل، چې دواړه لوري د ۲۰۲۳ کال د نړیوال جام په یو ورځني لوبلړ کې ولوبېدل؛ افغانستان سریلانکا ته د اووه ویکټو پر توپیر ماتې ورکړه.
د یو ورځنیو لوبو مهالویې:
لومړۍ لوبه – جمعه د سلواغې شلمه / د فبرورې نهمه
دوهیمه لوبه یکشنبه د سلواغې دوهویشتمه / د فبرورۍ یوولسمه
درېیمه لوبه چارشنبه د سلواغې پېنځهویشتمه / د فبرورۍ څوارلسمه
آریانا ټلویزیون به د جمعې پر ورځ دا لوبې پر ژوندۍ بڼه خپروي. د لوبې نور جزئیات زمونږ د ټولنیزو رسنیو له لارې موندلی شئ.
لوبډلې:
افغانستان
حشمت الله شهیدي (لوبډلمشر)، رحمت شاه (مرستیال)، رحمان الله ګربز (ویکټر)، اکرام علیخېل (ویکټر)، ابراهیم ځدراڼ، ریاض حسن، عظمت الله عمرزی، محمد نبي، ګلبدین نایب، قیس احمد، نوراحمد، مجیب الرحمن , فضل الحق فاروقي, نوید ځدراڼ او فرید احمد.
زیرمهیي لوبغاړي: شرف الدین اشرف، شاهدالله، عبدالرحمن، بلال سمیع
سري لنکا
کوسل منډیس (لوبډلمشر)، چاریت آسالانکا، آویشکا فرنانډو، ساډیرا سماراویکراما، ساهان اراچیګ، چمیکا کارونارتنی، جنیت لیانژ، ماهیش تیکشنا، دلشان مادوشانکا، دوشمانتا چامیرا، دونیت ولالاژ، پرامود مادوشانجایا، آکیلا .
لوبی
سرخ پوشان خوافي او خدیم د خپلو اړوند سیالیو ګټونکي شول
د چارشنبې پر ورځ په کابل کې د افغانستان اتلانو لیګ په درویشتمه سیالۍ کې سرخ پوشان خوافي د جوانان واحدي لوبډلې ته ۳- ۰ ماتې ورکړه او د همدې ورځې په څلیریشتمه لوبه کې خدیم افسي استقلال کابل ته ۲ د ۱ پر توپیر ماتې ورکړه.
سرخ پوشان خوافي جوانان واحدي ته درې ګولونه ورکړ شول، چې حامد امیري، مسعود آزاداني او فرهاد علیزاده یوـ یو ګول ترسره کړ.
حمید امیري د لوبې غوره لوبغاړی هم اعلان شو.
د نن ورځې په دوهیمه لوبه کې د خدیم افسي لوبډلې لوبغاړي شهزاد سنچارکي دوه ګولونه ووهل.
د استقلال کابل لوبډلې یوازنی ګول حمید غلامي وواهه.
سنچارکي د لوبې غوره لوبغاړی ونومول شو.
لوبی
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
د ۲۰۲۴ نړيوال ۲۰ اوریز جام سترې سيالۍ د روان کال د غبرګولي پر دیارلسمه / د جون پر دوهیمه په امريکا او ويسټ انډيز کې پيليږي او د افغان ۱۵ کسیزې لوبډلې اړوند لوبغاړي به د یادې میاشتې پر څوارلسمه د یوګانډا لوبډلې پر وړاندې د لوبې ډګر ته ودانګي.
د دغه نړيوال جام لپاره لوبډلې پر ۴ ګروپونو وېشل شوې او هر ګروپ پېنځه پېنځه لوبډلې دي.
افغانستان له نيوزيلینډ، ویسټ انډيز، يوګانډا، پاپوا نيو ګيني سره په سي ګروپ کې دی او بل پړاو ته د تلو لپاره به له دغو هېوادونو سره لوبه کوي.
د دې لوبو لومړۍ لوبه به د کاناډا او امریکا تر منځ وي.
د افغانستان کرکټ بورډ د څرګندونو له مخې؛ په دغو سیالیو کې به راشد خان د لوبډلې لوبډلمشري کوي.
افغانستان د ۲۰۲۲ کال پر پرتله په خپله لوبډله کې یو څو نور لوبغاړي ورزیات کړي، چې کریم جنت، محمد اسحاق او نور احمد او نور ټول په لوبډله کې خوندي دي.
حشمت الله شهیدي، چې تېر کال یې د افغانستان مشري کړې؛ په دې نولړ کې ندی راغلی.
ځوان ننګیال خروټي، چې د افغانستان لپاره یې د روان کال په مارچ میاشت کې د ایرلینډ پروړاندې نړیواله لوبه وکړه؛ په لوبډله کې شته. دغه ۲۰ کلن لوبغاړي د هغه لوبلړ په درې لوبو کې پېنځه ویکټې ترلاسه کړې وې.
یو بل ځوان ویکټ ساتونکی او توپ وهونکی لړبغاړی محمد اسحاق دی، چې د ۲۰۲۰ او ۲۰۲۲ کال د ۱۹ کلنو کرکټ په نړیوال جام کې لوبېدلی د افغانستان د لوبډلې برخمن دی.
راشد به د مجیب الرحمن، نور احمد، ننګیال خروټي او تجربه کار محمد نبي پر ملاتړ د سپېنې څانګې مشري هم ولري.
نوین الحق، فرید احمد او فضل الحق فاروق خپل ځایونه ساتلي او د افغانستان د چټکې توپاچونې جوړښت یې خوندي کړی دی.
افغان لوبډله: رحمان الله ګربز، ابراهیم ځدراڼ، عظمت الله عمرزی، نجیب الله ځدراڼ، محمد اسحاق، محمد نبي، ګلبدین نایب، کریم جنت، راشد خان، ننګیال خروټي، مجیب الرحمن، نوراحمد، نوین الحق، فضلحق فاروقي، فرید احمد ملک.
احتیاطي: صدیق اتل، حضرت الله ځاځی، سلیم ساپی
لوبی
خراسان فاریاب میوند لوبډلې ته ۳ـ۱ ماته ورکړه
د سې شنبې پر ورځ په کابل کې د افغانستان اتلانو لیګ په یوویشتمه لوبه کې خراسان فاریاب لوبډلې میوند لوبډلې ته د ( )۳ د ( ۱ ) پر توپیر او د همدې ورځې په دوهویشتمه لوبه کې سرسبز یاشلر لوبډلې عدالت فراه لوبډلې ته ( ۲ ) پر (۰) ماتې ورکړه.
د میوند پر وړاندې د خراسان له لوري حیات الله سلیمي او مرتضی جعفري دوه ګولونه ووهل او جعفري د میدان غوره لوبغاړی ونومول شو.
د میوند یوازنی ګول رحیم الله حماسي ترسره کړی دی.
د نن ورځې په دوهیمه لوبه کې د سرسبز یاشلر لوبډلې له لوري احمد فرهاد عادل او عنایت الله کوهي عدالت فراه ته (۲ ) ګولونه ورکړل. کوهي د ډګر د غوره لوبغاړي جایزه هم ترلاسه کړه.
د چارشنبې په لوبو کې به سرخپوشان خوافي د غرمې پر یوه بجه له جوانان واحدي سره او استقلالکابل به له غرمې وروسته درې نیمې بجې له خدیم لوبډلې سره مخ شي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه1 day ago
په هر حال پر رفح برید شونی دی – نتانیاهو
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي