تازه خبرونه
د افغانستان او پاکستان ترمنځ سوداګري تېره میاشت ۵۴ سلنې ته راټیټه شوه
رسمي ارقام ښیي، چې د دواړو هېوادونو ترمنځ د سوداګرۍ ټول حجم د تېر کال په اوکټوبر کې له ۲۴۷ میلیون ډالر څخه د سږ کال په اوکټوبر کې ۱۱۴ میلیون ډالرو ته راټیټ شو.
په پاکستان کې د نیشن ورځپاڼې راپور ورکړ چې د افغانستان او پاکستان ترمنځ دوه اړخیزه سوداګري د ۲۰۲۵ مالي کال په اوکټوبر کې بې سارې راټیټه شوې ده.
رسمي ارقام ښیي، چې د دواړو هېوادونو ترمنځ د سوداګرۍ ټول حجم د تېر کال په اوکټوبر کې له ۲۴۷ میلیون ډالر څخه د سږ کال په اوکټوبر کې ۱۱۴ میلیون ډالرو ته راټیټ شو.
د سرچینو د څرګندونو له مخې؛ دا کمښت د سرحدي لارو له تړلکېدا او په سوداګرۍ کې د جدي کمښت له کبله و.
راپورونه ښیې، چې سوداګري میاشت پر میاشت مخ پر ټیټېدو شوه؛ د سپټمبر په میاشت کې له ۱۷۷ میلیون ډالر څخه په اوکتوبر کې ۱۱۴ میلیون ډالر ته راټیټه شوه، چې ۳۶ سلنه کمښت لري.
نیشن ورځپاڼې لیکلي، چې د وروستي شمېر له مخې؛ د روان مالي کال په لومړیو څلور میاشتو کې ټوله سوداګري د تېر کال پر پرتله ۲۱ سلنه کمه شوې، چې له ۷۴۹ میلیون ډالرو څخه ۵۸۹ میلیون ډالرو ته ټیټوالی ښيي.
په دې اړه د راټولو شویو معلوماتو له مخې:
د روان مالي کال په لومړیو څلور میاشتو کې افغانستان ته د پاکستان صادرات ۲۷ سلنه راټیټ شوي، چې له ۴۵۰ میلیون ډالرو څخه ۳۳۰ میلیون ډالرو ته رارسیدلي دي.
له افغانستان څخه د پاکستان واردات هم ۱۴ سلنه راټیټ شوي، چې له ۲۹۹ میلیون ډالرو څخه ۲۵۸ میلیون ډالرو ته رسېدلي دي.
یوازې د ۲۰۲۵ کال په اوکټوبر کې افغانستان ته د پاکستان صادرات ۵۹ میلیون ډالرو ته راټیټ شوي، چې د سپتمبر پر پرتله ۲۸ سلنه کم دي. واردات هم ۴۲ سلنه راټیټ شوي، چې له ۹۶ میلیون ډالرو څخه ۵۵ میلیون ډالرو ته رسېدلي دي.
له دې وضعیت سره د دواړو هېوادونو ترمنځ د سوداګرۍ ټول حجم د ۲۰۲۵ کال په اوکټوبر کې ۱۱۴ میلیون ډالرو ته محدود شو. په داسې حال کې، چې دا د ۲۰۲۴ کال په اوکټوبر کې ۲۴۷ میلیون ډالر و. دا په کلني ډول ۵۴ سلنه کمښت څرګندوي.
د لارو بندېدا د سوداګریزې کچې د راټيټېدا بنسټیز علت دی
د اوکتوبر د یوولسمې له نښتو وروسته پاکستان له افغانستان سره د فرضي کرښې ټولې اته لارې یو اخیزه وتړلې، چې د پولې دواړو غاړو ته یې پر توکو بار د سوداګرو زرګونه لارۍ او سلګونه ودرول. د رسمي اټکلونو له مخې؛ د ۲۴ ورځو بندښت، چې د نومبر تر لومړیو پورې په پام کې نیول شوی؛ نږدې ۲۰۰ میلیون ډالر اقتصادي زیانونه اړولي دي.
سوداګریزو سرچینو ويلي، چې د دوه اړخیزې تقاضا کمښت، د ټرانزیټ په بهیر کې خنډونه او په سوداګرۍ کې پراخ ځنډ دوه اړخیزه سوداګري تر ټولو ټیټې کچې ته رسولې ده.
کارپوهانو ويلي، چې که پولې تړلې پاتې شي؛ نو د پاکستان او افغانستان ترمنځ سوداګري به نوره هم راکمه شي، چې دا کار به عامو خلکو ته ښې اقتصادي پایلې ونلري.
د افغانستان اسلامي امارت یوه اوونۍ مخکې د افغانستان له خصوصي سکټور سره په ناسته کې له پاکستان سره د ټولو سوداګریزیزو اړیکو د ځنډولو پرېکړه وکړه او ټولو سوداګرو ته یې پر درې میاشتو وخت ټینګار څرګند کړ.
د ریاست الوزراء اقتصادي مرستیال ملا عبدالغني برادر د خصوصي سکټور دې ناستې ته څرګنده کړې؛ سوداګر درې میاشتې وخت لري، چې په پاکستان کې خپل تړونونه پاک کړي او بدیلې لارو ته ولاړ شي. اسلام آباد له “سوداګریزو او بشري مسلو څخه پر سیاسي ګټې ترلاسه کولړو” تورن شو.
هغه وزارتونو ته سپارښتنه وکړه، چې د “خراب کیفیت” له کبله د پاکستان د درملو صادرات ودروي.
د صنعت او سوداګرۍ وزارت ویاند ویلي، چې ایران په چابهار بندر کې نوي تجهیزات او د ایکسرې سکینرونه نصب کړي، چې د افغانستان توکو ته په بندري تعرفو کې ۳۰ سلنه کمښت، ذخیروي لګښتونو ته ۷۵ او د بار وړلو لګښتونو ته ۵۵ سلنه تخفیف وړاندې کوي.
تازه خبرونه
د اسلامي امارت مشر د ټرافیکي پېښو په اړه فرمان صادر کړ
د دې فرمان له مخې؛ د ټرانسپورټ او هوايي چلند وزارت هم مکلف شوی، چې د ټرافیکي پېښو د عاملانو په پېژندلو او نیولو او د اړوند معلوماتو او اسنادو په راټولولو کې له کورنیو چارو وزارت سره همکاري وکړي.
د اسلامي امارت مشر شیخهبةالله آخوندزاده په یوه پېنځهمادهییز فرمان کې د کورنیو چارو وزارت ته امر کړی، چې د هېواد پر لویو لارو د ټرافیکي پېښو عاملان ونیسي او په هر حالت کې یې اړوند محکمو ته وروپېژني.
د دې فرمان له مخې؛ د ټرانسپورټ او هوايي چلند وزارت هم مکلف شوی، چې د ټرافیکي پېښو د عاملانو په پېژندلو او نیولو او د اړوند معلوماتو او اسنادو په راټولولو کې له کورنیو چارو وزارت سره همکاري وکړي.
همدارنګه، محکمې مکلفې شوې دي، چې د ټرافیکي پېښو اړوند قضیو ته لومړیتوب ورکړي او د پېښو د قربانیانو د وارثانو حقوق خوندي کړي.
دغه فرمان په داسې حال کې صادر شوی، چې د هېواد پر لویو لارو ټرافیکي پېښې زیاتې شوي او د قربانیانو شمېر هم لوړ دی.
تازه خبرونه
له اسلامي امارت سره د تعامل کوم پلان نهلرو- امریکا
د امریکا بهرنیو چارو وزارت یوه ویاند له رسنیو سره په خبرو کې ټینګار کړی، چې واشنګټن له اسلامي امارت سره معامله نهکوي.
د امریکا بهرنیو چارو وزارت د افغانستان د کانونو په برخه کې د اسلامي امارت د پانګونې د وړاندیز په اړه ویلي؛ واشنګټن له اسلامي امارت سره د تعامل کوم پلان نهلري او د افغانستان د کانونو د پراختیا په برخه کې به هم له دوی سره همکاري ونهکړي.
د امریکا بهرنیو چارو وزارت یوه ویاند له رسنیو سره په خبرو کې ټینګار کړی، چې واشنګټن له اسلامي امارت سره معامله نهکوي.
دا څرګندونې له هغې وروسته راغلي، چې د افغانستان بهرنیو چارو وزیر امیرخان متقي له امریکا وغوښتل، چې د افغانستان د کانونو، بېخبناوو، کرنې او سوداګرۍ په برخو کې پانګونه وکړي.
هغه ویلي وه، چې اسلامي امارت له دا ډول پانګونو هرکلی کوي.
امیرخان متقي له «فایننشال ټایمز» سره په خبرو کې ویلي، چې د اسلامي امارت او امریکا اړیکې باید د تېرو ۲۰ کلونو د جګړې پر بنسټ ونهارزول شي او دواړه لوري باید پر راتلونکو همکاریو راوڅرخیږي.
د اسلامي امارت ویاند ذبیحالله مجاهد هم د چارشنبې پر ورځ له واشنګټن سره د ښو اړیکو پر جوړولو ټینګار کړی او ویلي یې دي، چې افغانستان له امریکا سره ډیپلوماټیکو او اقتصادي اړیکو ته اړتیا لري.
تازه خبرونه
د امریکا د استازو په جرګه کې لومړنۍ افغانتوکمې غړې عایشې وهاب لوړه وکړه
۳۹ کلنه عایشه وهاب به د روان زېږدیز کال تر پایه د دې انتخاباتي حوزې د پخواني استازي اریک سوالول پاتې دوره بشپړه کړي. سوالول په اپریل کې له هغې وروسته له خپلې دندې استعفا وکړه، چې څو ښځو پرې د جنسي ناوړه چلند تورونه ولګول.
د کالیفورنیا ایالت پخوانۍ افغانتوکمې سناتورې عایشې وهاب د چارشنبې پر ورځ د امریکا د استازو په جرګه کې د وفادارۍ لوړه وکړه او د استازو جرګې غړیتوب یې ترلاسه کړ.
۳۹ کلنه عایشه وهاب به د روان زېږدیز کال تر پایه د دې انتخاباتي حوزې د پخواني استازي اریک سوالول پاتې دوره بشپړه کړي. سوالول په اپریل کې له هغې وروسته له خپلې دندې استعفا وکړه، چې څو ښځو پرې د جنسي ناوړه چلند تورونه ولګول.
عایشې له لوړې وروسته د خپلې پالنې له بهیر څخه تر کانګرس پورې د ژوندانه د سفر په اړه خبرې وکړې او څرګنده یې کړه، چې د یو شخص تېر ژوند د هغه راتلونکی نهټاکي.
هغې ویلي:« زه کانګرس ته په داسې حال کې راغلم، چې له ځان سره مې د هغې پخوانۍ ماشومې د زړه درزا راوړې، چې د پالوونکو کورنیو په غېږ کې لویه شوې ده.»
عایشه وهاب د نیویارک د یوې افغان کډوالې کورنۍ له چاپېریاله نړۍ ته سترګې وغړولې او بیا د ماشومانو د پالنې د نظام تر چتر لاندې لومړی په نیویارک او وروسته کالیفورنیا فریمونټ ښار کې لویه شوې ده. هغې له دې مخکې د هیوارډ ښاروالۍ د شورا غړیتوب ترسره کړی او د کالیفورنیا د ایالتي سنا د لسمې حوزې استازې وه. وهاب د سویلي کالیفورنیا د پوهنتون د ټولنیزې مرستې په برخه کې دوکټورا لري.
عایشې په استازو جرګه کې د وینا پر مهال د ډیموکراټانو او جمهوري غوښتونکو ترمنځ پر همکارۍ ټینګار وکړ او څرګندوي، د امریکا خلک د کورونو د بیو، ښاري خدمتونو، خوراکي توکو، زدهکړو، روغتیايي پاملرنې او د ژوند د نورو بنسټیزو اړتیاوو له لوړېدا سره مخ دي.
هغې زیاته کړې:« لکه یوه سیاستواله موخه مې ساده ده: له تاسو ټولو سره یو ځای د امریکا د خلکو د خدمت لپاره؛ له ګوندي تړاو پرته کار کول دي.»
د کالیفورنیا ډیموکراټې استازې زوئي لوفګرن وهاب د استازو جرګې په تالار کې معرفي کړه او د پالوونکو کورنیو تر سرپرستۍ لاندې د ماشومانو او زیانمنو خلکو د ملاتړ په برخه کې یې د هغې د مخینې او فعالیتونو یادونه وکړه.
لوفګرن ویلي:« نن هغې خپل نوم لکه یوه افغانتوکمه غړې د استازو جرګې په تاریخ کې ثبت کړ.»
-
لوبی4 days agoآریانا ټلویزیون د ۲۰۲۶/۲۷ د افغانستان کرکټ لوبو د خپرولو ځانګړی حق ترلاسه کړ
-
تازه خبرونه3 days agoد امریکا د استازو په جرګه کې لومړنۍ افغانتوکمې غړې عایشې وهاب لوړه وکړه
-
تازه خبرونه3 days agoله اسلامي امارت سره د تعامل کوم پلان نهلرو- امریکا
-
تازه خبرونه4 days agoآلمان د جرمي مخینې لرونکي ۲۲ افغان پناهغوښتونکي کابل ته ولېږدول
-
تازه خبرونه5 days agoآلمان د افغان کډوالو د ایستلو د همغږۍ لپاره د اسلامي امارت استازو ته د ورتګ اجازه ورکړه
-
تازه خبرونه4 days agoد شانګهای همکاریو ټولنه دې له افغانستان سره منظمې خبرې بیا پیل کړي – ازبکستان
-
ساینس او ټیکنالوژي3 days agoپه یو کال کې ۲۰ میلیون ماشومان له انلاین جنسي ځورونې سره مخ شوي
-
تازه خبرونه3 days agoد اسلامي امارت مشر د ټرافیکي پېښو په اړه فرمان صادر کړ
