Connect with us

تازه خبرونه

د افغانستان بانک د هېواد له اقتصاد پوهانو سره ګډه کاري ناسته جوړه کړه 

خپور شوی

د

Last Updated on: غبرګولى ۲۶, ۱۴۰۱

د افغانستان بانک مسوولینو د هېواد د یو شمېر پوهنتونونو د اقتصاد پوهنځيو له استادانو سره د افغانستان  بانک د پولي سیاست پر لارو چارو بحث او خبرې وکړې.

د افغانستان بانک رهبري هڅه کوي، چې د افغانیو او د افغانستان بانک د پولي سیاست په اړه د اقتصاد پوهانو نظرونه واخلي.

د افغانستان بانک مسوولینو د لومړي ځل لپاره دا نوښت رامنځته کړ، چې د کارپوهانو له مشورو څخه د افغانستان بانک په راتلونکيو پروګرامونو کې ګټه پورته کړي.

 د اقتصادي  چارو کار پوهان بیا د افغانستان بانک له دې هڅې هرکلی کوي او څرګندوي، چې د افغانۍ  د ترویج او ثبات لپاره ورته هڅو ته پوره ادتیا ده.

دوی زیاتوي؛ اوس هم  افغانۍ د ګاونډ او سیمې هېوادونو پر پر تله په ښه حالت کې ده.

د افغانستان بانک مشر محمد ادریس وایي: زمونږ د دې ناستې موخه داده، چې څنګه وکولی شو د افغانۍ د پولی سیاست په اړه د استادانو او کارپوهانو نظرونه واخلو او په راتلونکې کې له کومې ستونزې  سره مخ  نشوو.

د اقتصادي چارو کار پوهان هم د افغانستان بانک له دې  هڅې هرکلی  کوي او وایي؛ دا سې ناستې د افغانۍ  پر ارزښت ساتلو او سباث کې بې اغېزې ندي.

د اقتصادي چارو شنونکی کمال الدین کاکړ وایي: د ګاونډ هېوادونو د پيسو پر پرتله افغانۍ اوس هم په ښه حالت کې ده. د افغانستان بانک د پولي سیاست لپاره له اقتصاد پوهانو سره ناستې ډېرې اړینې دي.

دغه راز یو شمېر نو شنونکي د افغانۍ د رازښت په ساتلو کې د کورنیو تولیداتو پر پراختیا او تولیدي محوریت د راڅرخېدو غوښتنه کوي.

اقتصاد پوه حکیم الله  صدیقي ویلي؛ د افغانستان بانک لخوا مونږ له دې هڅې هرکلی کوو. باید په دا سې مهمو موضوعاتو کې له مسلکی کسانو سره ناستې تر سره شي، چې په راتونکې کې له کومې ستونزې سره مخ نشوو.

د خصوصي  سکتور غړي بیا د افغانستان بانک څخه غوښتنه کوي، چې له کارو پوهانو سره د سلا مشورو  ترڅنګ باید له خصوصي سکتور سره هم  مشورې وشي او د هېواد په مارکیټونو کې د افغانۍ د ترویج  لپاره خپلې هڅي پراخه کړي.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!