تازه خبرونه
د افغانستان د شمال ګاونډ هېوادونه دې له کډوالو د ناوړه استفادې مخه ونیسي – اروپايي ټولنې
د رویټرز د څرګندونو له مخې؛ د اروپايي اتحادیې چارواکو د افغانستان له ګاونډ هېوادونو څخه د افغانستان له کډوالو سره د مرستې او سیاسي موخو لپاره د نه ګټې اخیستنې غوښتنه وکړه.
د افغانستان په تړاو د سیمې او نړۍ هېوادونو د ناستو په لړ کې دا دی دا ځل تاجکستان د مرکزي آسیا د بهرنیو چارو وزیرانو او اروپايي ټولنې استازیو کوربه دی.
په دغه ناسته کې د اروپايي ټولنې د بهرني سیاست مشر د قراقستان، قرغیزستان، تاجکستان، ازبکستان او ترکمنستان د بهرنیو چارو له وزیرانو او استازیو سره د افغانستان په تړاو لیدنه او خبرې کړي.
افغانستان هغه هېواد دی، چې د اقتصادي، بشري او مالي ستونزو په لومه کې را نغښتی او د هرې ورځې له تېریدو سره د خلکو د ژوندانه کړۍ نوره هم را تنګوي او کړاوونه یې زیاتیږي.
دغه راز په افغانستان کې روان وضعیت د سیمې او نړۍ د ناستو د خبرو محوري موضوع، چې تر اوسه پورې یوازې د خبرو په حد کې دي او هیڅ عملي بڼه او پایلې یې معلومې ندي.
په هغه ناسته کې، چې د مرکزي آسیا د بهرنیو چارو وزیرانو او اروپايي ټولنې د استازیو په ګډون د تاجکستان په کوربتوب جوړه شوې وه؛ د اروپايي ټولنې چارواکو د یادې ټولنې د یو میلیارډ یورو مرستې طرحه، چې له مخې به یې له افغانستان او ګاونډ هېوادونو سره د کډوالۍ چارې مدیریت او بشري مرستو په ترسره کولو کې مرسته وکړي؛ هم شریکه کړه.
د اروپايي ټولنې د بهرني سیاست مسوول جوزپ بورل ویلي؛ په دغه ټولګه کې د خپل ګډون په تړاو خورا خوښ یم، مونږ غواړو، چې په افغانستان کې د رامنځته شوي وضعیت له کبله د چارو مدیریت په موخه خپلې هڅې زیاتې او همغږې کړو. که چیرې د مرکزي آسیا هیوادونه د اصلاحاتو او ډیموکراسۍ په برخه کې په خپلو ژمنو ولاړ وي، اروپايي ټولنه کولی شي په دغه برخه کې ورسره مرسته وکړي.
په دغه ناسته کې بورل د اروپايي ټولنې د یو میلیارډ یورو مرستې طرحه، چې له مخې به یې له افغانستان او ګاونډیو هېوادونو سره د کډوالو چارو مدیریت او بشري مرستو ترسره کولو کې مرسته وکړي هم شریکه کړه.
جوزپ بورل وایي: زه پوره ډاډه یم، چې زمونږ وړتیا تر هغه اوچته ده، چې مونږ یې فکر کوو. مونږ اړتیا لرو، چې د سیمې په کچه خپلې همکارۍ لوړې او پراخه کړو او په سیمه کې یې پایلې د پام وړ کړو. مونږ هڅه کوو، چې په افغانستان کې روان وضعیت ته په کتو د دغه هېواد له خلکو سره خپلې مرستې او همکارۍ زیاتې کړو.
د مرکزي آسیا د بهرنیو چارو وزیران او د اروپايي ټولنې چارواکي په داسې حال کې د افغانستان د وضعیت په تړاو خبرې او خپلې اندېښنې څرګندوي، چې اوسمهال د اقتصادي او مالي ستونزو له کبله د افغانستان خلک د ژوندانه تر ټولو سختې شپې او ورځې تېروي. دا، چې دا وضعیت به څومره دوام وکړي او پایلې به یې څه وي؛ هغه پوښتنه ده، چې وخت به یې ځّواب کړي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري4 days agoپه کابل کې د اسلامي پانګونې د پراختیا پر لارو چارو خبرې وشوې
-
تحول5 days agoتحول: کابل ته د روسیې د لوړپوړي پلاوي سفر
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
