تازه خبرونه
د افغانستان په درې ولایتونو کې د پاکستان هوايي بریدونو له کبله ۱۳ ملکي وګړي «شهیدان» شول
د مجاهد د څرګندونو له مخې، په دغو بریدونو کې ۱۳ ملکي وګړي وژل شوي، چې ۱۱ ماشومان، یوه ښځه او یو سپینږیری په کې دي.
د اسلامي امارت ویاند ذبیحالله مجاهد نن( چارشنبه د غبرګولي شلمه) ویلي، چې پاکستانيو پوځيانو تېره شپه د افغانستان هوايي حریم نقض کړی او د کونړ، خوست او پکتیکا ولایتونو پر ملکي کورونو یې هوايي بریدونه کړي دي.
د مجاهد د څرګندونو له مخې، په دغو بریدونو کې ۱۳ ملکي وګړي وژل شوي، چې ۱۱ ماشومان، یوه ښځه او یو سپینږیری په کې دي.
هغه زیاته کړې؛ د بریدونو له کبله ۱۴ نور کسان، چې ښځې او ماشومان دي هم ټپیان شوي دي.
مجاهد دغه بریدونه «بشري جنایت» او « تجاوز» بللی او پاکستان یې تورن کړی، چې ملکي سیمې یې پر نښه کړې دي.