لوبی
د افغانستان کرکټ لوبډلې د یو ورځنیو سیالیو د لړۍ دوهیمه اتلولي هم خپله کړه
د افغانستان کرکټ ملي لوبډلې د یو ورځنیو سیالیو درېیمه او وروستۍ لوبه هم له ایرلنډ څخه د ۱۱۷ منډو پر توپیر وګټله او په عربي متحده اماراتو کې یې د یو ورځنیو نړیوالو سیالیو د لړۍ اتلولي خپله کړه.
په دې لوبه کې، چې تېره شبه ترسره شوه افغان لوبغاړی محمد نبي پر ۵ ویکټو د افغانستان غوره لوبغاړی شو او ننګیال خروټی هم په دې لوبه کې ښه ځلیدلی دی.
افغانستان لومړۍ یو ورځنۍ لوبه ګټلې او د دواړو لوبډلو ترمنځ دوهیمه لوبه د باران له کبله لغوه شوې وه؛ خو درېیمه لوبه یې هم د ځان پر ګټه راوڅرخوله.
که څه هم ایرلنډ د لوبې پچه ګټلې وه او لومړی یې توپاچونه غوره کړه؛ خو افغان لوبغاړو په ۵۰ اورونو کې د ۹ لوبغاړو پر سوځېدو ایرلنډ ته د ۲۳۷ منډو هدف وټاکه.
په لومړۍ نیمايي کې حشمت الله شهیدي د ۶۹ منډو پر جوړولو د نورو افغان لوبغاړو پر پرتله ښه وځلید.
په دوهیم اور کې د ایرلنډ لوبډلې په ۳۵ اورونو کې خپل ټول لوبغاړي له لاسه ورکړل او تر ۱۱۹ زیاتې منډې یې جوړې نه کړی شوې.
محمد نبي، چې د دې سيالۍ غوره لوبغاړی وټاکل شو، پېنځه ايرلنډي لوبغاړي يې له سيالۍ لرې او ننګيال خروټي هم څلور مخالف لوبغاړي له منځه يوړل.
د یادونې ده، چې محمد نبي په لوبه کې ښه وځلید؛ خو په ټول لوبلړ کې رحمان الله ګربز د لوبې غوره لوبغاړی وټاکل شو.
لوبی
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
د امریکا کرکټ ملي لوبډلې د ۲۰ اوریزه نړیوال جام په لومړۍ لوبه کې کاناډا ته د ۷ ویکټو پر توپیر ماتې ورکړه او آرون جونز پر ۴۰ توپونو ۹۴ منډې وکړې.
په دې لوبه کې، چې د ټکساس ایالت په دالاس کې ترسره شوه، پچه امریکا وګټله او لومړی یې توپاچونه وکړه.
آرون جونز د ویسټ انډیز له کریس ګیل وروسته د ۲۰ اوریز نړیوال جام په خپله لومړۍ لوبه کې تر ټولو ډېرې منډې جوړې کړې دي.
نوموړي د کاناډا پر وړاندې د ۲۰ اوریزنړیوال جام په لومړۍ لوبه کې پر ۴۰ توپونو ۹۴ منډې وکړې او د میدان غوره لوبغاړی وپېژندل شو.
کریس ګیل د ۲۰۰۷ کال په شل اوریز نړیوال جام کې د سویلي افریقا پر وړاندې پر ۵۷ توپونو ۱۱۷.۱ منډې جوړې کړې وې.
بل امریکايي لوبغاړي انډریس ګوس پر ۴۶ توپونو ۶۵ منډې جوړې کړې.
کاناډا په ټاکلو ۲۰ اورونو کې د پېنځه لوبغاړو پر سوځېدو ۱۹۴ منډې جوړې کړې او امریکا ټاکل شوې موخه پر ۱۴ توپونو د ۷ ویکټو پر توپیر ترلاسه کړه.
امريکا او کاناډا په الف ګروپ کې ځای لري، چې د ايرلینډ تر څنګ د هند او پاکستان په څېر قوي لوبډلې ورسره دي.
په سږني نړيوال جام کې ۲۰ لوبډلې، چې پر پېنځه ګروپونو وېشل شوي؛ ټولې ۵۵ لوبې کوي.
افغانستان هم د کرکټ ۲۰ اوريز نړيوال جام د یوه ګډونوال په توګه خپله لومړنۍ لوبه د سې شنبې پر ورځ د غبرګولي پېنځلسمه / د جون څلورمه له يوګانډا تر سره کوي.
د افغانستان د ۱۵ کسيزې لوبډلې مشري راشد خان کوي؛ په لوبډله کې ۶ الرونډر، ۴ توپوهونکي او ۵ توپاچوونکي غوره شوي دي او له دې لوبډلې سره دری احتياطي لوبغاړي هم مل دي.
افغانستان له ۲۰۱۰ ز.کال راپدیخوا اووه ځله په ۲۰ اوریز ړیوال جام کې ګډون کړی دی.
د شل اوريز نړيوالو لوبو د اصولو له مخې؛ د دې لوبو په لومړي پړاو کې هره لوبډله د خپل ګروپ له نورو لوبډلو سره يوه – يوه سيالي کوي، چې په پای کې به دوه لوبډلې دوهيم پړاو ته لار ومومي.
۲۰ اوریز نړیوال جام له ۲۰۰۷ راپدیخوا پیل شوی او دا یې نهم ځل سیالۍ دي.
د تېر ۲۰۲۲ جام اتلولي انګلینډ ګټلې او اوس یې هم ګټلو ته هیله من دی.
د شل اوریز نړیوال جام دوه یمه لوبه به نن (یکشنبه) ماښام ۷ بجې د ویسټ انډیز او پاپوا نیو ګیني تر منځ پیل شي.
د یادونې ده، چې دا سیالۍ له آریانا تلویزیون څخه په ژوندۍ بڼه خپریږي.
لوبی
افغانستان سکاټلینډ ته د ۵۵ منډو پر توپیر ماتې ورکړه
د افغانستان کرکټ ملي لوبډلې ۲۰ اوریز کرکټ نړیوال جام مخکې په خپله وروستۍ روزنیزې یا تمریناتي لوبه کې سکاټلینډ لوبډلې ته د ۵۵ منډو پر توپیر ماتې ورکړه.
په دې لوبه کې، چې د جمعې پر ورځ د غبرګولي یوولسمه په ټرېنېډاډ او ټوباګو کې ترسره شوه؛ د افغانستان لوبډلې د پچې له ګټلو وروسته لومړی توپاچونه وکړه او د ۸ لوبغاړو پر سوځېدو یې ۱۷۸ منډې جوړې کړې.
ګلبدین نایب پر ۳۰ توپونو ۶۹ او عظمت الله عمرزي پر ۳۶ توپونو ۴۸ منډې وکړې.
د دې هدف په ځواب کې سکاټلینډ د ۹ لوبغاړو پر سوځېدو ۱۲۳ منډې جوړې کړې او بریالي نول، چې دې هدف ته ځان ورسوي.
مجیب الرحمن او کریم جنت دوه دوه ویکټې واخیستې؛ نوین الحق، راشد خان، ننګیال خروټي، عظمت الله عمرزي او ګلبدین نایب یوه – یوه وېکټه ترلاسه کړه.
دا له ۲۰۲۰ نړیوال جام څخه مخکې د افغانستان دوهیمه او وروستۍ روزنیزه لوبه وه.
د افغانستان او عمان لومړۍ لوبه د باران له کبله بې پایلې پای ته ورسېده.
د کرکټ۲۰ اوریزه نړیوال جام سیالۍ به د یکشنبې پر ورځ د افغانستان پر وخت سهار ۵ بجې د امریکا او کاناډا تر منځ پیل شي.
افغانستان لومړۍ لوبه د سې شنبې پر ورځ له یوګانډا سره کوي.
لوبی
د افغانستان او عمان ترمنځ د کرکټ روزنیزه لوبه بې پایلې پای ته ورسېده
د افغانستان او عمان د کرکټ ملي لوبډلې د چارشنبې پر ورځ (د غبرګولي نهمه) د نړیوال جام لپاره د روزنیزو یا تمریناتي لوبو په لړ کې د کارابین ټاپوګانو د ټرینیډاډ او ټوباګو په پلازمېنه پورټ آف سپین کې سره مخ شوې.
د عمان ملي لوبډلې په دې لومړۍ لوبه کې توپوهنه پیل کړه او په ۲۰ اورونو کې یې د درې لوبغاړو پر له لاسه ورکولو سره ۱۵۴ منډې جوړې کړې.
د توپاچونې په برخه کې یوازې عظمتالله عمرزي او نوین الحق وکولی شول، چې یو- یو لوبغاړی له ډکره وتلو ته اړ کړي.
په دې سیالیو کې راشد خان د خپل ځان په ګډون نهه توپاچوونکیو ته ته د توپاچونې چانس ورکړ او داسې ښکاري، چې غواړي د نړیوال جام له پیل مخکې د خپلې لوبډلې توپاچوونکي و ارزوي.
په دغو نهه توپاچوونکیو کې ننګیالي خروټي د نورو پر پرتله ښه توپاچونه وکړه. که څه هم نوموړي په دغو دوه اورونو کې کومه ویکټه ترلاسه نکړه؛ خو د سیالې لوبډلې لوبغاړو ته يې اجازه هم ورنکړه، چې پر ۱۲ توپونو له ۱۰ ډېرې منډې وکړي.
د باران له کبله د افغانستان توپاچونه ونشوه او په پای کې د باران له کبله دا سیالي بې پایلې پای ته ورسېده.
د افغانستان دوهیمه او وروستۍ روزنیزه لوبه به د جمعې پر ورځ (د غبرګولي یوولسمه ) په هدې لړبغالي کې له سکاټلینډ سره ترسره شي.
نشراتي خبرتیا!
د آریانا نړیواله راډیو ټلویزیوني شبکې (ATN) تېره اوونۍ په ډاګه کړه، چې په افغانستان کې یې د سږني ۲۰ اوریز نړیوال جام د نشراتو حق ترلاسه کړی دی.
د پېښې په اړه خبرونه او تازه معلومات به په منظمه توګه د آریانا او آریانا نیوز اوبپاڼو او ټولنیزو شبکو له لارې خپریږي؛ نو ډاډه اوسئ، چې مونږ وڅارئ.
-
سیمه ییز خبرونه5 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ5 days ago
په رفح کې پر اسرائيلي بريدونو لسګونه فلسطينيانو ووژل شول
-
نړۍ4 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه5 days ago
له نړۍ سره د اسلامي امارت تعامل وارزول شو
-
تازه خبرونه4 days ago
په کابل کې د نجونو کافي خونه او کتابتون پرانستل شو
-
لوبی4 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه4 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه4 days ago
د اروپايي ټولنې او قطر استازو د افغانستان په اړه خبرې وکړې