تازه خبرونه
د افغانستان کنګل شوې پولي زیرمه د خلکو ده – مولوي متقي
د اسلامي امارت د بهرنیو چارو وزارت چارسمبالي ويلي؛ د امریکا له لوري د مرکزي بانک کنګل شوې پیسې د افغانستان د خلکو دي او طالبانو ته نه رسیږي.
افغانستان اقتصادي ناورین ته دننه کېدو په حال کې دی، چې وتل یې ترې په امریکا کې د افغانستان د کنګل شوو پیسو له آزادېدو سره تړلي دي.
د افغانستان بانک د بانکي زیرمو کنګل کیدو د اسلامي امارت حکومتداري هم له اقتصادي ستونزو سره مخ کړې؛ خو د اسلامي امارت د بهرنیو چارو وزارت وروستي لیک ته د افغانستان په چارو کې د امریکا ځانګړي استازي ویلي؛ د دوحې د خبرو پرمهال یې اسلامي امارت ته خبرداری ورکړی و، چې که د زور له لارې واک ترلاسه کړي د واشنګټن نابشري مرستې به ورباندې ودرول شي.
د هېواد د بهرنیو چارو وزارت چارسمبالی مولوي امیرخان متقي د دغو پیسو پر آزادېدو ټینګار کوي او وايي، چې د مرکزي بانک کنګل شوې پیسې د افغانستان په خلکو پورې اړه لري او طالبانو ته نه رسیږي.
امیرخان متقي ټینګار کوي، چې په هېیواد کې د بشري او اقتصادي بحران د مخنیوي په موخه باید دغه پیسې آزادې شي.
نوموړی وایي: امریکایانو ته مو ویلي، چې اوس له یو بل سره پوځي مخالفت نلرو او په سنګر کې نه جنګیږو؛ د دوحې تړون له لاسلکیدو وروسته مونږ تاسې ته کومه ستونزه نده جوړه کړې، نو دغه پیسې مو په کوم دلیل کنګل کړي. هیڅ کوم دلیل نشته او دا هغه پیسې ندي، چې د طالبانو جیب ته به ورشي؛ دا د هېواد له اقتصاد او خلکو پورې اړه لري.
د امریکا له لوري د افغانستان کنګل شوې پیسې څه کم لس میلیارډ ډالر دي، چې د دغو پیسو د آزادېدو لپاره د امریکا د خوښې ټولګډونه حکومت جوړېدل، د لږکیو، ښځو او نجونو حقونو خوندیتوب او د افغانستان له خاورې د ترهګریزو ګواښونو پر له منځه وړلو پورې مشروطې دي.
داسې اټکل کیږي، چې امریکا به د نړیوالې ټولنې لخوا د افغانستان د نوي دولت تر رسمیت پېژندلو پورې دغه پیسې همداسې کنګل وساتي.
د اقتصادي چارو کارپوه سید مسعود وایي: په حقیقت کې دغه پیسې نه آزادیږي؛ ځکه، چې حقوقي او قانوني ستونزې لري او دا په دې معنا ده، چې د دغو پیسو حقوقي شخصت پخوانی دولت و، چې دغه پیسې یې امریکا او نړیوال بانک ته سپارلې وې او دغه پیسې د یوه حکومت په غوښتنه بېرته ورکول کیږي. دا، چې تر اوسه پورې دولت په رسمیت ندی پېژندل شوی او ملګرو ملتونو ته د دغو پیسو ورکړه ناممکنه ده.
د هېواد اوسیدونکي وايي، چې اقتصادي ستونزو نور پر دوی د ژوندانه کړۍ را تنګه کړې؛ نو دوی له امریکا او اسلامي امارت څخه غواړي، چې خلک د خپلو سیاستونو قرباني نکړي.
د کابل اوسیدونکی قیام نومی وایي: له دغه حکومت سره دې خبرې وکړي او یوې پایلې ته دې ورسیږي، چې دغه اقتصادي او بشري ناورین ته نور د پای ټکی کیښودل شي.
کابل ښاري محمد زبیر ویلي؛ مونږ له بهرنیو بنسټونو او اسلامي امارت څخه غواړو، چې د افغانستان د کنګل شویو پیسو پر آزادېدو کار وکړي او یوې هوکړې ته ورسیږي، چې خلک له اقتصادي ستونزو راووځي او سوداګر له ملي ډاډ برخمن شي.
تېره چارشنبه د ملګرو ملتونو د امنیت شورا په یوه ځانګړې ناسته کې د افغانستان د اقتصادي او بشري ناورین په اړه اندېښنه څرګنده کړه او د افغانستان په چارو کې د نوموړې ټولنې ځانګړي استازی د افغانستان له خلکو سره د بشري مرستو د ترسره کولو غوښتونکی شو؛ د چین او روسیې استازیو هم په دغه ناسته کې د امریکا له لوري د افغانستان د کنګل شویو پیسو پر آزادېدو ټینګار څرګند کړ.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري4 days agoپه کابل کې د اسلامي پانګونې د پراختیا پر لارو چارو خبرې وشوې
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
لوبی2 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
