لوبی
د افغانستان ۱۹ کلنو د کرکټ نړیوال جام په روزنیزو سیالیو کې انګلستان ته ماتې ورکړه
د افغانستان د ۱۹ کلنو کرکټ ملي لوبډلې د نړیوال جام په روزنیزه لوبه کې انګلستان ته، چې د ۲۰۲۲ کال په نړیوال جام کې دوهیم مقام خپل کړی و؛ د ۶۷ منډو پر توپیر ماتې ورکړه.
په دې لوبه کې، چې د یکشنبې پر ورځ په جنوبي افریقا کې ترسره شوه؛ پچه انګلستان وګټله او لومړی یې افغانستان ته د توپوهنې بلنه ورکړه.
افغانستان د ۸۴ منډو او څلورو لوبغاړو پر سوځېدو تر فشار لاندې و؛ خو سهیل خان زرمتي او نعمان شاه له پنځوس ډېرې منډې وکړې او افغانستان ټولټال ۲۳۸ منډې جوړې کړې.
د انګلستان له لوري تعظیم علي ۴۵ منډې ورکړې او درې لوبغاړي یې وسوځول. سباسشین مورګان او ډومینیک کیلي دوه – دوه ویکټې واخیستې.
د انګلستان لوبډلمشر بن مککیني ښه پیل وکړ؛ خو د افغانستان ۱۶ کلن الله محمد غضنفر، چې له مجیب الرحمن سره ورته والی لري د انګلستان درې تکړه توپاچونکي وسوځول.
کیلي له ۷ نمبر څخه توپوهنه پیل کړه او اډي جک له ۱۰ نمبر څخه ۳۶ منډې جوړې کړې؛ خو انګلستان لوبډله په ۱۷۱ منډو وسوځېده او هدف ته په رسېدو کې پاتې راغلل.
افغانستان راتلونکې روزنیزه لوبه د سې شنبې پر ورځ ( د مرغومي شپږویشتمه / د جنوري شپاړلسمه ) له جنوبي افریقا سره کوي.
لوبی
افغانستان پر لومړي ځل د فوټسال نړیوال جام ته لار وموندله
د افغانستان فوټسال ملي لوبډلې په پای لوبه کې قرغزستان ته ۵ پر ۳ ماته ورکړه او د ۲۰۲۴ کال د فوټسال نړیوال جام ته یې لار پیدا کړه.
دا لومړی ځل دی، چې افغانستان د فوټسال نړیوال جام ته لار مومي.
ټاکل شوې، چې د فوټسال نړیوال جام لسم پړاو به د ازبکستان پر کوربتوب د ۲۰۲۴ کال د سپټمبر پر څوارلسمه پیل شي.
په دې سیالیو کې به څوارلس لوبډلې برخه واخلي؛ افغانستان، فرانسه، نیوزیلنډ او تاجکستان هغه لوبډلې دي، چې د لومړي ځل لپاره یې د فوټسال نړیوال جام ته لار وموندله.
لوبی
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
د شنبې په ورځ په کابل کې د افغانستان اتلانو لیګ په پېنځلسمه لوبه کې موج ساحل لوبډلې سرسبز یاشلر هغې ته ۲ـ۱ او پر همدې ورځ د دغو سیالیو په شپاړلسمه لوبه کې سورخ پوشان لوبډلې میوند ته ۶ـ۰ماتې ورکړې.
د موج ساحل لپاره صنعنان رحیمي او عصمت الله هدفمند دوه ګولونه ووهل.
د سرسبز یاشلر یوازنی ګول محمد ناصر نیازي تر سره کړ.
د میوند لوبډلې پر وړاندې سرخ پوشان لوبډلې ۶ ګولونه وول، چې حبیب الله هوتک ۱، سمیر میرزي ۱، حمیر امیري ۱، امید رجبي ۲ او لوبډلمشر فرهاد عليزاده ۱ ګولونه ترسره کړي دي.
د یکشنبې پر ورځ به استقلال کابل له عدالت فراه سره د غرمې ير ۱:۰۰ او خدیم له جوانان واحدي سره له غرمې وروسته پر ۳:۳۰ بجو لوبیږي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
د افغانستان اتلانو لیګ په نهمه سیالۍ کې د چارشنبې پر ورځ ( د غویی پېنځمه) اټکانرژۍ افسي لوبډلې سرخپوشانخوافي ته یو د صفر پر توپیر ماتې ورکړه.
حسیب احدي د اټکانرژۍ غوره لوبغاړی شو او د لوبډلې لپاره یې ګټونکی ګول وواهه.
دغه راز د دې سیالیو په لسمې لوبه کې استتقلال کابل بریالی شو، چې موج ساحل ته ۲ پر ۱ ماتې ورکړي.
په دې لوبه کې شاداب ملکزاده غوره لوبغاړی ونومول شو.
د پنجشنبې پر ورځ ( د غویی شپږمه ) یوه نیمه بجه د افغانستان اتلانو لیګ د درېیم پړاو په یوولسمه سیالۍ کې خدیم افسي د میوند افسي پر وړاندې لوبیږي او دغه راز په همدې ورځ درې نیمې بجې د دې سیالیو دولسمه لوبه د جوانان واحدي او عدالت فراه لوبډلو تر منځ پیلیږي.
د یادونې ده، چې دا سیالۍ له آریانا تلویزیون څخه پر ژوندۍ بڼه خپریږي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه18 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه17 hours ago
ترکمنستان د ټاپي پروژې بشپړولو ته ژمن دی – امانوف
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل