تازه خبرونه
د امریکایي سرتېرو د وتلو پرېکړه تر دې دمه وروستۍ شوې نده – انټوني بلینکن
د امریکا بهرنیو چارو وزیر انټوني بلینکن د چارشنبې پر ورځ( د کب ۲۰) کانګرس ته په وینا کې ویلي، چې له افغانستان څخه د می تر میاشتې د امریکایي ځواکونو د وتلو پرېکړه وروستۍ شوې نده.
بلینکن زیاته کړې، چې تر دې دمه د دوحې تړون بیاکتنه هم وروستۍ شوې نده؛ خو په کار ده، چې طالبان او افغان حکومت د خبرو میز ته راولي.
هغه ویلي، چې د دغې څېړنې پر پایلې څه ویل له وخت مخکې دي.
نوموړي زیاته کړې، چې د ولسمشر جوبایډن موخې په دې اړه روښانه دي.
دی وایي: مونږ به دا جګړه پای ته رسوو ؛ خپل سرتېري کورونو ته راستنوو. مونږ باید ډاډ ترلاسه کړو، چې افغانستان یو ځل بیا د ترهګرو پر ځاله نه بدلیږي او امریکا ته هم ګواښ نشي رامنځته کولی.
د امریکا بهرنیو چارو وزیر ویلي، چې د خپلمنځي خبرو د غزولو لپاره مو هڅې روانې دي.
بلینکن زیاته کړې: دمګړۍ مونږ پر ډیپلوماټیکو هڅو کار کوو، چې نور اړخونه هم د خبرو اترو میز ته راولو او هغه ژمنې ته، چې طالبانو له امریکا سره د معنا لرونکیو خبرو اترو لپاره کړې، ځان ورورسوو.
بلینکن ویلي؛ امریکا په دې هڅو کې ملګري ملتونه او نور هېوادونه هم ښکېل کړي دي.
دغه راز هغه څرګنده کړې؛ د افغانستان ګاونډ هېوادونه د سولې په بهیر کې اغېزمن رول لري او امریکا به دا ټول له ونډې برخمن کړي.
انټوني بلینکن وایي: ګاونډیان په افغانستان کې پراخې هڅې لري … او پر سیاسي ګوندونو هم اغېزمن دي؛ مونږ یې د راښکېلولو هڅې روانې ساتو.
هغه ویلي، چې امریکا پدې هم غور کوي، چې آیا دا هڅې به د معنی لرونکیو خبرو اترو لامل شي او کهړنه.
دا په داسې حال کې ده،چې د امریکا د مشرانو جرګې د بهرنیو اړیکو کمیټې مشر باب مننډز د افغانستان د سولې له هوکړې ښکاره سرغړونو ته په نغوته کې څرګنده کړې، چې زه په دې هېواد کې د سولې بهیر له پلي کیدو ډېر اندېښمن یم.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه5 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
تازه خبرونه5 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه3 days ago
په ننګرهار کې د ناکامورا کانال پروژه بشپړه شوه
-
تازه خبرونه3 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه2 days ago
په تېرو ۲ زره کلونو کې د تېر کال اوړی له ټولو تود و – څېړنه