نړۍ
د امریکا محکمې د امریکا غږ د کارمندانو د بېرته کار ته د ستنولو پرېکړه ودروله
د امریکا سیمهییز قاضي رویس لمبرټ د اپریل پر دوهویشتمه دولت ته امر وکړ، چې “ټول اړین ګامونه پورته کړي” چې ټول کارمندان او قراردادیان خپلو دندو ته راستانه شي او د راډیو، ټلویزیون او آنلاین خبرونو خپرونې او ځینې مرستې بیا پیل شي.
رویټرز راپور ورکړی، چې د استیناف فډرالي محکمې د شنبې پر ورځ هغه پرېکړه ودروله، چې د ټرمپ ادارې ته یې امر کړی و، چې د امریکا غږ له ۱۰۰۰ څخه ډېر کارمندان بېرته کار ته راستانه کړي.
د امریکا سیمهییز قاضي رویس لمبرټ د اپریل پر دوهویشتمه دولت ته امر وکړ، چې “ټول اړین ګامونه پورته کړي” چې ټول کارمندان او قراردادیان خپلو دندو ته راستانه شي او د راډیو، ټلویزیون او آنلاین خبرونو خپرونې او ځینې مرستې بیا پیل شي.
د استیناف محکمې په ۲-۱ پرېکړه کې وړاندیز وکړ، چې لمبرټ د کارمندانو د بېرته کار ته د راستنېدو امر کولو او د راډیو آزادې آسیا او منځني ختیځ د خپرونو شبکو لپاره د ۱۵ میلیون ډالرو مرستې بېرته ورکولو غوښتنه کولو واک نلري.
د امریکا د نړیوالو رسنیو ادارې له ۱۰۰۰ څخه ډېر کارمندان رخصت او د ټرمپ تر لارښوونې لاندې په مارچ کې په ناڅاپي ډول خپرونې بندې کړې او ۶۰۰ قراردادیانو ته یې وویل، چې دوی له دندې ګوښه شي.
د استیناف محکمې یادونه وکړه، چې حکومت د لمبرټ د پرېکړې هغه اړخ ننګولی ندی، چې له مخې یې د امریکا غږ “قانوني اړین پروګرامونه ” بېرته راوستل غوښتل شوي وه. د جمعې په ورځ ګڼ شمېر راپورونو ویلي، چې VOA راتلونکې اوونۍ د خپرونو بیا پیلولو لپاره چمتووالی نیسي. USAGM سمدلاسه د شنبې پر ورځ تبصره ونکړه.
د ټرمپ د لارښوونې لاندې، د امریکا غږ په خپل ۸۰ کلن شتون کې د لومړي ځل لپاره خبرونه نه خپروي. د مارچ له ۱۵ راپدېخوا یې ویب پاڼه تازه شوې نده.