د هوا حالاتو بدلونونه
د انترکتیکا د کنګلونو ویلېکېدا به نړۍ ته وېروونکې وي
یوه نوې څېړنه ښیي؛ په انترکتیکا کې د کنګلونو ویلېکېدا به نړې ته د قیامت معنا ولري او کنګلونه به غوره پایله ونلاري؛ ځکه دا به د لودیځې انترکتیکا کنګلونه بې ثباته او د اوبو سطحه به ۳ متره لوړه کړي.
سپیس ټکی کم راپور ورکړی؛ د څېړونکیو دوه ډلو د اوبو لاندې روباتونه کارولی او د فلوریدا پر کچه یې په کنګلونو کې کېندنه کړي، چې په بې ساري توګه د ویلېکېدو بېلګ وڅېړي.
څېړونکو وموندله، چې د کنګلونو ویلېکېدا د درزونو پر پرتله ورو؛ خو په درزونو کې خورا ګړندي پرمخ روانه ده.
د بریتانیا کنګل پېژندونکي پتر دیویس څرګنده کړې: زموږ پایلې حیرانونکې دي؛ خو کنګلونه اوس هم ستونزمن دي.
د لویدیځې انترکتیکا کنګلونه ۱۹۲۰۰۰ مربع کیلومتره ساحه پوښي. د کنګلونو یوه برخه بحر ته ځي او د یخ پاتې برخه بېرته ساتي او پدې توګه بحر ته د تېریدو مخه نیسي.
د کنګلونو بېلېدل د سمندر د اوبو سطحه بدلوي او ګاونډ کنګلونه بې ثباته کوي.
دغه راز څرګنده شوې، چې د کنګلونو په درزونو کې د ویلېکېدا بهیر د کنګلونو لویې برخې ته مالګه رسوی او دا کار کولی شي ویلېکېدا چټکه او نړې ته وېروونکې کړي.
دا پدې معنا ده، چې درزونه او د اوبو څپې به د کنګلونو ویلېکېدا نوره هم چټکه کړي.
د هوا حالاتو بدلونونه
پاکستان، هند او بنګله دېش د تېر کال د هوا په درجه بندۍ کې ټیټ هېوادونه دي
د سې شنبې پر ورځ خپرې شوې څرګندونې ښیي؛ د روغتیا نړیوالې ټولنې له وړاندویېنې سره سم پاکستان په ۲۰۲۳ ز. کال کې د نړۍ له لوګیو ډکه یوه سیمه پاتې شوی، چې ککړتیایي شاوخوا ۱۵ چنده ډېره ده او بنګله دیش او هند د چاډ او ایران ځایناستي دي.
د روغتیا نړیوالې ټولنې د څرګندونو له مخې د هوا ککړتیا سږو ته زیان رسوي؛ دا ککړتیا پر ۲۰۲۳ ز. کال د بنګلهدیش په هر مکعب متر کې ۷۹ اعشاریه ۹ مایکرو ګرامه او د پاکستان ۷۳ اعشاریه ۷ مایکرو ګرامو ته ورسېده. په داسې حال کې د روغتیا نړیوالې ټولنې د ۵ مایکرو ګرامو څخه ډېر نه وړاندیز کوي.
د سویس په IQAir کې د هوا کیفیت علمي مدیرې کریسټی چیسټر شروډر ویلي؛ د اقلیمي شرایطو او جغرافیه (په سویلي آسیا کې) له کبله د ککړتیا کچه PM2.5 رسېدلې؛ ځکه، چې ککړتیا ټوله فضا نیولې او ترې د وتلو لار نلري.
هغې زیاته کړې: له دغې ککړتیا څخه کرنې، صنعت او نفوسو ته زیان رسیږي. له بده مرغه، په رښتیا هم داسې ښکاري، چې د ښه کېدا پر ځای نوره هم خرابیږي.
په ۲۰۲۲ز. کال کې بنګله دیش د ککړ تیا په درجه بندۍ کې پنځم نیولی و او هند اتم ځای درلود.
په ۲۰۲۳ ز. کال کې آسټرالیا، استونیا، فنلینډ، ګریناډا، آیسلینډ، موریس او نیوزیلینډ د روغتیا نړیوالې ټولنې معیارونه پوره کړي وه.
چاد، په ۲۰۲۲ ز. کال کې د نړۍ ترټولو ککړ هېواد و، چې د معلوماتي ستونزو له کبله د ۲۰۲۳ کال د درجه بندۍ یه نوملړه پاتې شو. ایران او سوډان هم د ۲۰۲۳ کال له نوملړه وایستل شو.
دغه راز افغانستان هم په دغه نوملړ کې له راتلو پاتې شو.
د هوا حالاتو بدلونونه
په بولیویا کې د سختو بارانونو له کبله بېړنی حالت اعلان شو
د بولیویا په پلازمېنه لا پاز کې سخت باران چارواکي د بېړني حالت اعلانولو ته اړ کړل.
د یوه حکومتي سند له مخې؛ د یکشنبې پر ورځ له هغې وروسته، چې سېلابونو ډېر ډېري کورونه ویجاړ کړل؛ بېړنی حالت کړ.
د رویټرز خبري اژانس د راپور له مخې؛ د بولیویا ولسمشر لوئس آرس ژمنه کړې، چې درانده ماشینونه او درې زره سرتېري به د نورو زیانونو د مخنیوي لپاره اړوند سیمې ته واستوي.
د سختو بارانونو له کبله د ښار په ګڼو سیمو کې سیلابونه راوتلي دي، چې له کبله یې د څښاک پاکې اوبه، برښنا او سړکونه بند شوي دي.
نوموړي په ایکس پاڼه کې لیکلي؛ مونږ د هغه سخت وضعیت په اړه ژوره اندېښنه لرو، چې په لا پاز کې زمونږ ښاروالۍ ورسره مخ ده.
د اوونۍ په پای کې د لا پاز یو کس د سختو بارانونو له کبله مړ شو. په داسې حال کې، چې د رسمي معلوماتو له مخې د جنوري له میاشتې د باران موسم له پیل راپدیخوا په ټول هېواد کې د سیلابونو له کبله نږدې ۵۰ کسان مړه شوي دي.
د هوا حالاتو بدلونونه
په اندونیزیا کې سیلابونو او ځمکې ښویېدنې ۱۹ کسان مړه کړي او ۷ نور ورک دي
اندونیزیایي چارواکو د یکشنبې پر ورځ څرګنده کړې، چې د دې هېواد په لویدیځ سوماترا ولایت کې د څو ورځو سختو بارانونو، سیلابونه او ځمکې ښویېدنې له کبله له ۷۰ ډېر خلک کډه کولو ته اړ شوي؛ لږ تر لږه ۱۹ کسان مړه شوي او ۷ نور ورک دي.
له تېرې پنجشنبې راپدیخوا د دغه ولایت په مرکز پادانګ او اته نورو سیمو کې شاوخوا ۷۰۰ کورونه، لسګونه پلونه، ښوونځي او ۱۱۳ هکتاره کرنیزه ځمکه ویجاړ شوي دي.
د اندونیزیا چارواکو ویلي: د ژغورنې اداره د ورکو شویو کسانو په لټه کې ده؛ ۱۵۰ ژغورونکي د هڅو لپاره چمتو شوي، چې د ځمکې ښویدنې او سړکونو بندېدو له خنډ سره مخ کړي دي.
د ولایتي ژغورونکې ډلې مشر عبدالمالک په یوه خبرپاڼه کې څرګنده کړې؛ نن په لټون کې د پېښو ادارې بېلا بېلو ۱۵۰ کارکوونکي برخه لري.
د اندونیزیا له ناورین سره د مبارزې ادارې BNPB ویاند عبدالمهري ویلي، چې له سیمې ایستل شوي خلک په نږدې جوماتونو کې راټول شوي؛ خو د سرپناه لپاره هیڅ لنډمهاله پنډغالی جوړ شوی نهدی. رویټرز راپور ورکړی، چې دوی خواړه، اوبه او درمل ترلاسه کړل. په داسې حال کې، چې د اوبو د کمي له کبله یږشمېر نور خپلو کورونو ته ستانه شوي دي.
عبدالمهري زياته کړې، د پادانګ په ډېرو سيمو کې اوس هم سیلابونه راوتلي، چې د پادانګ پريامان په سيمه کې د ځمکې ښويېدنې له کبله د ۵۰ مټرو پر اوږدوالي سړکونه تړل شوي دي.
په راتلونکو څو ورځو کې د نورو زیاتو بارانونو له اټکل سره – سره اړوند ادارې د سیلابونو او ځمکې ښویدنې له کبله د ډېرو نورو هغو خبرداری ورکړی دی.
د اندونیزیا باراني موسم په جنورۍ کې د هوا پېژندنې ادارې BMKG له وړاندویېنې سره، چې د لومړۍ ربعه یې په ځانګړي توګه د جاوا او سوماترا په ټاپوګانو کې پیل شوه.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه12 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سوداگري24 hours ago
د اوسپنې پټلۍ له لارې ترکیې ته د افغانستان صادرات پیل شول
-
نړۍ10 hours ago
د مالیزیا بحري ځواکونو د چورلکو په ټکر کې ۱۰ کسان مړه شول