تازه خبرونه
د انرژۍ په تصویب شوي قانون کې خصوصي سکتور ته زیاته توجه شوې
داوبو او انرژۍ وزارت وایي، د انرژۍ د خدمتونو په تصویب شوي قانون کې خصوصي سکتور ته زیات امکانات په پام کې نیول شوي.
دغه وزارت له خصوصي سکتور غواړي چې په دې برخه کې پانګونه وکړي.
برښنا شرکت بیا د دغه قانون پر تصویب خوښي ښیی او وایی د دغه قانون په تطبیق سره به افغانستان ژر خودکفا او د برښنا په صادرونکي هېواد بدل شي.
د اوبو او انرژۍ وزارت مسولین وایی، د انرژۍ د خدمتونو په تصویب شوي قانون کې خصوصي سکتور ته زیاته ونډه ورکړل شوې ده.
دوی وایی حکومت په دې برخه کې په یواځې سر ټول کارونه نه شي کولای نو اړتیا ده چې خصوصي سکتور فعاله ونډه واخلي.
د اوبو او انرژۍ وزارت مرستیال شجاع الدین ضیایي:
“مونږ له خصوصي سکتورڅخه غواړو چې د بریښنا د تولید په برخه کي ملي پانګوال له حکومت سره همکاري ته وهڅوي. مونږ د برښنا د تولید ډیرې سرچینې لرو، چې په ارزانه کولای شي برښنا تولید کړي.“
د برښنا شرکت وایی، د دغه قانون په تصویب سره به افغانستان ژر خودکفا او د برښنا په صادرونکي هېواد بدل شي.
د افغانستان د بریښناشرکت رییس عبدالرازق صمدي:
“مونږه به وکولی شو چې ډیر ژرد بریښنا په صادرونکي هیواد بدل شو، د ملي یوالي حکومت هم په کوردننه د بریښنا تولید په لومړیتوبونو کي نیولی.”
یو شمېر پانګوال د انرژۍ په برخه کې پانګونې ته چمتودي خو له فساد سره کلکه مبارزه او امنیت د دوي عمده غوښتنې دي.
سوداګر – بسم الله شیر:
“که په دولتي دستګاه کي فساد ورک شي، پانګوال حاضر دي دا نرژۍ په برخه کې پانګونه وکړي.“
د انرژۍ وزارت وایی، افغانستان په ټولو کې د دې توان لري چې درویشت زره میګاواټه برښنا تولید کړي خو په دې برخه کې د دوي په وینا هیڅ کار نه دی شوی.
خبریال: حال اسلم حجاب
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه5 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه4 days ago
د تورخم لار لنډمهاله تړل کیږي
-
تازه خبرونه4 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی2 days ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري5 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره