سیمه ییز خبرونه
د ایران پېنځه امنیتي ځواکونه په “ترهګریزو بریدونو” کې ووژل شول – دولتي رسنۍ
د ایران دولتي رسنیو د پنجشنبې پر ورځ څرګنده کړې: مشکوکو سني مسلمان وسلهوالو په سویل ختیځ سیستان- بلوچستان ولایت کې د سپاه پاسداران پر مرکز دوه بېلابېل “ترهګریز” بریدونه کړي او لږ تر لږه پېنځه امنیتي ځواکونه یې وژلي دي.
د ایران دولتي ټلویزیون ویلي، د ایران په ناکراره ولایت چابهار او راسک ښارونو کې د جیش العدل ډلې د وسلهوالو او امنیتي ځواکونو ترمنځ شپنۍ نښتې شوي او لږ تر لږه ۱۵ مشکوک وسلهوال وژل شوي دي.
د ایران کورنیو چارو وزارت مرستیال مجید میراحمدي دولتي ټلویزیون ته په مرکه کې ویلي؛ په چابهار او راسک کې د سپاه پاسدارانو پر مرکز د برید هڅه وکړه، خو بریالي نشول.
رویټرز خبري اژانس د دولتي ټلویزیون د څرګندونو له مخې څرګنده کړې؛ په سیمه کې، چې ډېري وګړي یې سني مسلمانان دي، په نښتو کې ۱۰ نور امنیتي افسران هم ټپیان شوي دي.
د سني مسلمانانو وسلهوالې ډلې جیشالعدل ويلي؛ دوی په ایران کې د بلوڅانو لپاره د حقونو او د ژوند د شرایط د ښه کېدا لپاره مبارزه کوي، چې د شیعهګانو تر واکمنۍ لاندې دي. دې ډلې په وروستیو کلونو کې د ایرن په دې سویل ختیځ ولایت کې پر امنیتي ځواکونو د څو بریدونو مسوولیت هم منلی دی.
دغه سیمه، چې له افغانستان او پاکستان سره ګډه پوله لري؛ له اوږدې مودې راپدیخوا د ایراني امنیتي ځواکونو او سني وسلهوالو او همداراز د نشهیي توکو د قاچاقبرانو او ایراني امنیتي ځواکونو ترمنځ د جګړو ډګر دی.
په تېر ډسمبر کې دې ډلې د راسک په ښارګوټي کې د پولیسو په یوه مرکز برید وکړ، چې ۱۱ امنیتي ځواکونه یې ووژل او یو شمېر نور یې ټپیان کړل.
په جنورۍ کې ایران د دې ډلې د پاکستان میشتو دوه اډې پر توغندیو وویشتې او اسلامآباد هم ایران میشتي بلوڅ بېلتون غوښتونکي وسلهوال پر نښه کړل.
سیمه ییز خبرونه
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
د پاکستان پخوانی لومړی وزیر نواز شریف د شنبې پر ورځ (د زمري اتمه) د واکمن ګوند مسلم لیګ نواز څانګې مشرۍ ته یو ځل بیا غوره شو.
هغه وروستی ځل په ۲۰۱۷ کې د ګوند مشري وکړه؛ خو د فساد پر تور له تورنېدو وروسته استعفا ته اړ شو.
مسلم ليګ ن د روان کال د فبرورۍ پر اتمه نېټه په ملي ټولټاکنو کې واک ته ورسېد. د نواز شریف ورور شهباز شریف اوس د پاکستان د ائتلافي حکومت مشر دی او پخپله د پارلمان غړی دی.
نواز شریف په ۲۰۱۷ ز. کال کې د لومړي وزیر په توګه له دندې هغه وخت ګوښه شو، چې سترې محکمې هغه د مالي دارایۍ د پټولو له کبله له هر ډول دولتي کار څخه منع اعلان کړ؛ خو شریف دا تور ردوي.
په ۲۰۲۳ کې د محکومیت او د بند سزا له لغو کېدو سره؛ نواز شریف ته اجازه ورکړ شوه، چې یو ځل بیا حکومتي یا ګوندي چوکیو کې کار وکړي.
شریف د روان کال په اوکټوبر کې د لندن له ځاني تبعید وروسته پاکستان ته راستون شو. نوموړی په ۲۰۱۹ کال کې د عمران خان د واکمنۍ پر مهال د درملنې لپاره لندن ته تللی و.
عمران خان په ۲۰۲۲ کال کې په پارلمان کې د نه باور د رایې له کبله له واکه لرې شو او د بند موده تېروي.
سیمه ییز خبرونه
د هند د لویدیځ په یوه تفریحي مرکز کې اور لګېدنې لږ تر لږه ۲۴ کسان مړه شوي
د شنبې پر ماښام د هند د لویدیځ ګجرات ایالت په یوه کورني تفریحي ځای کې د اورلګېدنې له کبله د ګڼو ماشومانو په ګډون لږ تر لږه ۲۴ کسان مړه شوي دي.
په راجکوټ سیمه کې د ژغورنې هڅې روانې دي او د اړوند سیمې ښاروال رویټرز ته ویلي، چې د مړو د شمېر د لوړېدا شونې ده.
د راجکوټ ولسوالۍ ښاروال نایانا پیدادیا ویلي؛ د ژغورنې په عملیاتو کې مونږ پر ژوند ژغورنې راڅرخو. مونږ غواړو د هغه خلکو پر وړاندې له هڅو ډاډمن شو، چې د دې پېښې مسوول دي.
ټلویزیوني انځورونه پراخه اورلګېدنه ښیي، چې د TRP د لوبې زون یې نیولی او له سیمې څخه لوګي پورته کیږي او ټوله ودانۍ سوځیدلې ده.
د سیمې په ملکي روغتون کې د پوليسو چارواکي وایي؛ يو شمېر مړي پوره سوځېدلي، چې د پېژندلو وړ ندي.
لومړي وزیر نریندرا مودي په ایکس پاڼه کې څرګنده کړې، چې سیمهییزه اداره له زیانمنو خلکو سره د مرستې لپاره کار کوي.
نوموړي لیکلي؛ په راجکوټ کې د اورلګیدنې له کبله خورا ډېر خفه یم. زما فکر له ټولو هغو کسانو سره دی، چې خپل عزیزان یې له لاسه ورکړي دي.
د دې ولسوالۍ د اور وژنې مشر آی وي کهر ویلي، چې اور وژونکیو اور څه نا څه کنټرول کړی دی.
هغه رویټرز ته ویلي: د اور لګیدنې لامل اوس هم معلوم ندی.
د ګجرات وزیر اعلی بھوپنډرا پټیل وایي، چې د پېښې په اړه ځېړنې یوې ځانګړې ډلې (SIT) ته سپارل شوي او ټلویزیوني راپورونه ښیي، چې د پېښې په تړاو د راجکوټ پولیسو دوه کسان نیولي دي.
سیمه ییز خبرونه
مونږ له ایران سره د رییسي د چورلکې په لټون کې مرسته ونکړه – امریکا
امریکا په ډاګه کړې، چې په ختیځ آذزبایجان کې د ایران د ولسمشر د چورلکې له غورځېدو وروسته تهران له واشنګټن څخه د مرستې غوښتنه وکړه؛ خو د لوژیستیکي دلایلو له کبله رد او ونه منل شوه.
د امریکا د بهرنیو چارو وزارت ویاند مټیو میلر په یوه خبري کنفرانس کې ویلي: د ایران حکومت له مونږ څخه د مرستې غوښتنه وکړه. مونږ دوی ته څرګنده کړه، چې مونږ به مرسته وکړو. لکه څنګه، چې مونږ په دې ډول شرایطو کې د بهرني حکومت هرې غوښتنې ته ځواب ورکوو.
هغه زیاته کړې؛ خو د لوژستیکي دلایلو له کبله مونږ نشو کولی دا مرستې چمتو کړو.
دغه چورلکه، چې ابراهیم رییسي، د بهرنیو چارو وزیر حسین امیرعبداللهیان او د سپرلۍ په ګډون شپږ مسافر په کې سپاره ول؛ د یکشنبې پر ورځ د ختیځ آذربایجان په غرنۍ سیمه کې را ولوېده. د دغې چورلکې سوځېدلې پاتې شوني د دوشنبې پر سهار له یوې شپې لټون وروسته وموندل شول.
ویل کیږي، چې ابراهیم رییسي د یکشنبې پر ورځ د یو شمېر ایراني چارواکو سره د دغه هېواد ختیځ آذربایجان ولایت ته تللی وو او هلته یې د ولسمشر الهام عليیوف سره یوځای د قیزقلعه سي د اوبو بند پرنبیسته وکړه.
-
تازه خبرونه4 days ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
لوبی5 days ago
د ۲۰۲۴ شل اوریز نړیوال جام سیالیو ټولې لوبډلې په ډاګه شوې
-
سیمه ییز خبرونه3 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ3 days ago
په رفح کې پر اسرائيلي بريدونو لسګونه فلسطينيانو ووژل شول
-
تازه خبرونه3 days ago
له نړۍ سره د اسلامي امارت تعامل وارزول شو
-
نړۍ2 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه5 days ago
افغانستان دې د تحریک طالبان پاکستان مشران راوسپاري – محسن نقوي
-
تازه خبرونه2 days ago
په کابل کې د نجونو کافي خونه او کتابتون پرانستل شو