تازه خبرونه
د باثباته، سولهییز او سوکاله افغانستان د راتلونکي لپاره باید بشري حقونه خوندي پاتې شي – یوناما
د بشري حقونو د نړیوالې ورځې په مناسبت په افغانستان کې د ملګرو ملتونو استازولۍ یا یوناما د اسلامي امارت له مسوولینو غوښتي، چې د هېواد د باثباته، سوله ییز او سوکاله راتلونکي د بنسټ ډبرې د ایښودو په توګه د بشري حقونو ژمنې ومني او ملاتړ یې وکړي.
د ملګرو ملتونو دفتر په کابل کې د ( ټول انسانان ازاد زېږېدلي او مساوي کرامت او حقوق لري ) تر سرلیک لاندې د بشري حقونو نړیواله ورځ ونمانځله.
د یوناما مشرې روزا اوتنبایوا ویلي، چې د افغانستان د چارسمبالي حکومت چارواکي مسوولیت لري، چې د بشري حقونو په ځانګړي توګه د ښځو او نجونو له حقونو ملاتړ وکړي او د افغانستان د راتلونکې سوکالۍ، يووالي او ثبات د خوندي کولو لپاره بايد بشري حقونه خوندي شي.
روزا اوتونبایوا ویلي؛ د دې ځانګړې کلیزې په مناسبت غواړم واکمنو چارواکو ته یادونه وکړم، چې افغانستان د بشري حقونو د نړیوالو میثاقونو غړی هېواد پاتې دی، چې د نړیوالو قوانینو بنسټ دی او افغانستان په کې تاریخي رول درلودلی دی. واکمن چارواکي قانوني ژمنتیا او پراخ مسوولیت لري، چې په افغانستان کې د ټولو لپاره د بشري حقونو په ځانګړي ډول د ښځو او نجونو د حقونو د ودې او ساتنې لپاره، د افغانستان د راتلونکي سوکالۍ، یووالي او ثبات د تامین لپاره باید بشري حقونه خوندي شي.
دغه راز د افغانستان لپاره د ملګرو ملتونو د بشري حقونو د عالي کمیشنرۍ استازې وايي: د افغانستان د بشري حقونو مدافعین، چې د عدالت او ازادۍ د اساسي اصولو د ساتنې لپاره یې درنده بیه پرې کړې؛ باید درناوی یې وشي او په هیڅ صورت باید له پامه ونهغورځول شي.
د افغانستان لپاره د ملګرو ملتونو د بشري حقونو عالي کمیشنره فیونا فریزر وایي؛ لکه څنګه، چې مونږ د بشري حقونو ورځ نمانځو، موږ خپل درناوی وړاندې کوو او د افغان بشري حقونو مدافعینو سره خپل پیوستون او خواخوږي څرګندوو، چې ډېري یې د بشري حقونو، عدالت او ازادۍ د نړیوالې اعلامیې د بنسټیزو اصولو د ساتنې لپاره درنده بیه پرې کوي.
اسلامي امارت ويلي، که ملګري ملتونه اسلامي امارت پر رسمیت وپېژني؛ د یوناما وړاندیز به ومني.
سلامي امارت وايي؛ افغانستان اوسمهال د ملګرو ملتونو لهخوا پر رسمیت نهدی پېژندل شوی او اسلامي امارت د دې ټولنې د قوانینو رعایت او منلو ته ځان اړ نهګڼي.
د اسلامي امارت ویاند ذبیح الله مجاهد وايي، په افغانستان کې د اسلامي او ملي ارزښتونو پر بنسټ بشري حقونو ته درناوی کیږي.
د یوناما په اعلامیه کې دا هم راغلي، چې د ۲۰۲۱ کال له اګست میاشتې را وروسته د وسلهوال تاوتریخوالي د کمېدو په پایله کې د امنیتي وضعیت له ښه کېدو سره – سره په افغانستان کې د بشري حقونو وضعیت اوس هم کړکېچن دی.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
له برید درولو وروسته ایران له امریکا سره پر لنډمهالي اوربند هوکړه وکړه
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري3 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه4 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه3 days agoامریکا په هرمز تنګي کې د بندو کښتیو د خوندي لېږد چارې پیل کړې
-
تحول5 days agoتحول: د ایران په اړه د ټرمپ متضادې څرګندونې
-
سوداگري4 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
تازه خبرونه5 days agoد کورنیو چارو او کار وزیرانو د کاري فرصتونو پر رامنځته کولو خبرې وکړې
-
سیمه ییز خبرونه1 day agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
نړۍ2 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو