سیمه ییز خبرونه
د بلخ په بخدي كارته كې دوه خويندو ځانونه وژلي
Last Updated on: لړم ۳, ۱۴۰۱
د بلخ امنيه كوماندانۍ د امنيت آمرعبدالرزاق قادري وايي:
د دې قضيې علت څرگند شوى نه دى، خو د كشفي ځواكونو له خوا څېړنې پيل شوې دي.
قادري زياتوي:
دغو دوه خويندې، چې نبيلا او فريبا نوميدې؛ عمرونه يې اتلس او ۲۵ كلونو ته رسيدل. دوى د موږكو زهر خوړلي او مړې شوې دي.
د مزارشريف روغتون رييس غوث الدین انوري وايي:
د دوشنبې په ورځ(د ليندۍ ۶) دا خويندې روغتون ته راوړل شوې، خو د ژغورنې لپاره يې د داكترانو هڅې بې پايلې شوې.
انوري زياتوي:
نبېلا او فريبا د موږكو زهر خوړلي او خپل ژوند يې پاى ته رسولى دى.
ترډېره كورنۍ ستونزې د دې لامل گرزي، چې خبره تر دې بريده را ورسيږي؛ خو دا، چې دغو دوه خويندو ولې ځانونه وژلي، هغه پوښتنه ده، چې تر اوسه نه ده ځواب شوې.