تازه خبرونه
د بنیاد بیات مرستې د کابل ښار لویدیځې سیمې ته ورسېدې
د بنیاد بیات د ژمنیو مرستو په لړ کې د کابل ښار د لویدیځ لسګونه بېوزله او اړمنې کورنۍ د دغه بنسټ له خوراکي او غیر خوراکي توکو له مرستو برخمن شول.
د بنیاد بیات په مرستو کې اوړه، وریجې، غوړي او ژمنۍ جامې شته.
د بنیاد بیات مسوولینو ويلي، چې د دغو مرستو له برابرولو یې موخه د هغو کورنیو د اړتیاوو پوره کول دي، چې د ژمي په موسم کې له ګڼو اقتصادي ستونزو، بېوزلۍ، بېوسۍ او لوږې سره مخ دي.
د بنیاد بیات مرستیال حاجي محمد اسماعیل په دې اړه څرګنده کړې: د بیات بنیاد د مرستو لړۍ، چې د ژمي په شپو ورځو کې پیل شوې؛ له دې مخکې په غزني، غور او کندوز ولایتونو کې وېشل شوي، چې نن د کابل ښار لویدیځې سیمې اړمنو کسانو او کورنیو ته رارسېدلې ده. د دغو کسانو نوملړ د بنیاد بیات د اړوند ډلې لهخوا مخکې له مخکې چمتو شوې، چې په کې د اوړو، غوړیو، وریجو، جامو په ګډون جرابې او کمبلې وېشل شوي دي او زمونږ دا مرستې د نورو ولایتونو اړمنو او مهاجرینو ته هم رسیږي.
په همدې حال کې هغه اړو کسانو، چې له دغو مرستو ګټه پورته کړې؛ د بنياد بيات له مرستو څخه یې د مننې په ترڅ کې ويلي، چې نورو ډېرو همکاريو ته اړتيا لري.
یوې مرسته اخیستونکې ویلي: زه کونډه یم، دوی راسره مرسته وکړه، خدای دې ورسره مرسته وکړي او له بنیاد بیات څخه ډېره مننه کوم.
یو بل مرسته اخیستونکي څرګنده کړې، زه د بنیاد بیات له مرستو ډېره مننه کوم.
د کابل په لويديځ کې د خيرين همغږي کوونکي هم په داسې حال کې له بنياد بيات څخه د دغو مرستو وېش مهم ګڼي، چې له يوې خوا سړې هوا او له بلې خوا بېوزلۍ او لوږې د اړمنو خلکو پر ژوندانه فشار راوړی دی.
د کابل په لوېدیځ کې د خیریی همغږي کوونکي محمد هادي هاني څرګنده کړې: زه منندوی یم، چې هر کال بنیاد بیات د بېوزلو، کونډو او یتیمانو لاسنیوی کوي.
بنیاد بیات د کار له پیله راپدیخوا هر کال له اړمنو کورنیو سره د ژمنیو مرستو لړۍ پیلوي، د دې بنسټ د مسوولینو د څرګندونو له مخې؛ دا مرستې هرکال د ژمي ترپایه روانې وي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه8 hours ago
ترکمنستان د ټاپي پروژې بشپړولو ته ژمن دی – امانوف
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
سیمه ییز خبرونه9 hours ago
په عراق کې به همجنسبازان پر۱۵ کاله بند شي –پارلمان