سیمه ییز خبرونه
د بيات بنياد مشرانو او چارواكو د اندراگاندي روغتون له لوكيميا څانگې ليدنه وكړه
ميرمن فاطمه ليا بيات، د عامې روغتيا وزيرې او سناتور انجنير احسان الله بيات د گلونو له گيډيو سره په لوكيميا ناروغۍ د اخته ماشومانو ليدنه وكړه او له دوى سره يې د درملو او نغدو پيسو مرسته وكړه .
په دې مرسته كې درمل، نغدې پيسې او نور توكي شامل ول، چې د عامې روغتيا د وزيرې او بيات بنياد د مسوولينو په حضور كې د ناروغو ماشومانو كورنيو ته وركړ شوې .
د بيات بنياد مشرې فاطمه ليا بيات وايي:
په دې روغتون كې ماشومان د وينې د سرطان له كبله نه يوازې خپله، بلكې كورنۍ يې هم ځوريږي.
د ناروغو ماشومانو كورنۍ، چې پخپلو ماشومانو خواشينې دي د ماشومانو د روغتيا په روغتون كې د لوكيميا له ناروغانو سره د بيات بنياد دوامداره مرستې وستايلې.
د سرطاني ناروغانو متخصص ترنر نصيراحمد همت هيله من دى، چې د مرستندويه بنسټونو ډېرې مرستې ترلاسه كړي.
نوموړي د بيات بنياد له مرستو مننه وكړه .
د اندراگاندي روغتون په افغانستان كې يو له هغو روغتونو څخه دى، چې په هېواد كې د ننه د ماشومانو درملنه كوي.
بيات بنياد د دغه روغتون د چارواكو په غوښتنه په دوامداره توگه د سرطاني ناروغو ماشومانو ليدنه كوي او دوى ته خپلې مرستې رسوي.
همدا راز په پام كې ده، چې په نږدې راتلونكې كې د دغه روغتون لپاره د جدي څارنې برخه هم جوړه كړي.