تازه خبرونه
د بیات بنیاد د مرستو لړۍ دایکندي ولایت ته رسیدلې
د بیات بنیاد مسوولینو ویلي، چې دې بنسټ په دایکندي ولایت کې پر یو شمېر بېوزلو او اړمنو کورنیو خوراکي توکي ووېشل.
په هېواد کې د کورونا ویروس له خوریدو سره سم خلک له سختو اقتصادي کړاوونو سره مخ شوي او فقر په کې مخ پر ډېریدو دی.
د بیات بنیاد سیمه ییز مسوول ویلي؛ په دایکندي ولایت کې سلګونه اړمنې کورنۍ د بیات بنیاد د خوراکي توکو د روژې له مرستې برخمن شول او دا لړۍ به نورو ولایتونو ته هم وغزول شي. pic.twitter.com/XxIjgPLuOm
— The Bayat Foundation (@bayatfoundation) May 15, 2020
په دایکندي کې د بیات بنیاد استازي نعیمي څرګنده کړې، چې نن اړمنو کورنیو ته یو جوال ۵۰ کیلویي اوړه، یوه بوجۍ وریجې او یو ۵ کیلویي بوشکه غوړي ووې شل شول.
د دایکندي ولایت مسوولینو په دغو شرایطو کې له اړو کورنیو سره د بیات بنیاد مرستې اغېزمنې وبللې.
د بیات بنیاد له مرستو برخمنې شوې کورنۍ وايي، چې دغه مرستې کولی شي د دوی ستونزې تر یوه بریده حل کړي؛ خو پر نورو مرستندویه بنسټونو یې هم غږ وکړ، چې له اړو کسانو سره دې مرستې وکړي.
د دایکندي ولایت مرستیالې اکبري وايي، چې بیات بنیاد په دې نازکو شرایطو کې له اړو کورنیو سره مرسته وکړه.
د دایکندي د کار او ټولنیزو چارو مشر رضا محمدي وايي، چې دغه مرسته به تر یوه بریده د اړو کورنیو ستونزې حل کړي.
بیات بنیاد د جوړښت له وخته په سختو او نازکو شرایطو کې له اړو او اړمنو کورنیو سره د خوراکي توکو مرسته کړې ده.
دغه بنیاد په ګڼو سیمو کې روغتیايي مرکزونه، کلینیکونه، سپورتي ډګرونه، ښوونځي او جوماتونه هم جوړ کړي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ