سوداگري
د تورخم لارې د بندېدا له کبله د پاکستان ورځنی زیان ۲ میلیون ډالر اټکل شوی
دغه لار د تېر کال د اوکټوبر میاشتې له نیمايي راپدېخوا د اوکټوبر د یوولسمې او دولسمې پر شپه د افغان او پاکستاني ځواکونو ترمنځ له نښتې وروسته؛ په بشپړه توګه د تګ راتګ او سوداګریزو فعالیتونو پر مخ تړل شوې ده. که څه هم وروسته د قطر او ترکیې پر منځګړیتوب اوربند ټینګ شو؛ خو د امنیتي اندېښنو له کبله سوداګریزې لارې اوس هم تړلي پاتې دي.
پاکستاني رسنیو راپور ورکړی؛ له څلور میاشتو څخه د ډېر وخت لپاره د تورخم دروازې د بندېدا له کبله، چې د افغانستان او پاکستان ترمنځ له مهمو سوداګریزو لارو شمېرل کېږي؛ دواړو لوریو ته پراخ اقتصادي زیانونه اړولي دي.
دغه لار د تېر کال د اوکټوبر میاشتې له نیمايي راپدېخوا د اوکټوبر د یوولسمې او دولسمې پر شپه د افغان او پاکستاني ځواکونو ترمنځ له نښتې وروسته؛ په بشپړه توګه د تګ راتګ او سوداګریزو فعالیتونو پر مخ تړل شوې ده. که څه هم وروسته د قطر او ترکیې پر منځګړیتوب اوربند ټینګ شو؛ خو د امنیتي اندېښنو له کبله سوداګریزې لارې اوس هم تړلي پاتې دي.
په راپور کې راغلي، چې له تورخم پرته، نورې لارې لکه خرلاچي، غلامخان، انګور اده او چمن هم تړل شوې دي، چې دې چارې سیمهییزه سوداګري نوره هم زیانمنه کړې ده.
سوداګر وایي، چې یوازې د تورخم له لارې د پاکستان د ورځنیو صادراتو زیان شاوخوا دوه میلیون ډالر اټکل کېږي، چې په نږدې ۱۲۰ ورځو کې له ۲۴۰ میلیون ډالرو اوړي. د بندو وارداتو، د ګمرکي عوایدو د کمښت او نورو اړخیزو اغېزو په پام کې نیولو سره ټولیز زیان له دې هم ډېر ګڼل کېږي.
د سوداګریزو بنسټونو د څرګندونو له مخې؛ د پاکستان میاشتني صادرات نږدې ۱۷۷ میلیون ډالر راکم شوي او په وروستیو کې دوه اړخیزه سوداګري تر پنځوس سلنه ډېره راټیټه شوې ده.
له تړل کېدا مخکې تورخم هره ورځ شاوخوا ۱۰ زره مسافر او له ۵۰۰ څخه تر ۷۰۰ پورې بار وړونکي او مسافر وړونکي موټر منل؛ خو اوس سرحدي بازارونه او ټرانزیټي برخې عملاً فلج شوې دي.
د پاکستان ګمرکي کارکوونکي سراسري ټولنې رییس ویلي، چې په تورخم کې له ۱۵۰ څخه زیات د مالونو د تصفیې دفترونه تړل شوي او لږ تر لږه زر کارګران بېکاره شوي دي.
دغه راز د تورخم کارګرانو اتحادیې له څلور زره څخه د زیاتو ورځنيو مزدورانو؛ لکه موټر چلوونکو، باروړونکو او خدماتي کارکوونکو، له بېکارۍ خبر ورکړی دی.
راپورونه ښیي، چې دې وضعیت پر بیو هم اغېز کړی دی. د افغانستان صادرات، په ځانګړي ډول سابه، پنبه او وچه مېوه لکه بادام، ممیز، انځر، پسته او جلغوزي درېدلي او د دغو توکو بیې د پاکستان په بازارونو کې لوړې شوې دي. برعکس د پاکستان صادرات لکه کچالو، لیمويي مېوې (کینو او مالټه) کیله، سره مرچ او درمل په پوله کې بند پاتې دي او د بیو راټیټېدا تولیدوونکو ته درانده زیانونه اړولي دي.
کارپوهانو خبرداری ورکړی، چې د دې حالت غخېدا نه یوازې د سرحدي سیمو اقتصاد، بلکې سترې ټرانزیټي پروژې او د مرکزي او جنوبي آسیا د نښلولو نوښتونه هم له شک سره مخ کړي او پر ځمکنیو سوداګریزو لارو باور یې سخت کم کړی دی.
سوداگري
په مرکزي بغلان ولسوالۍ کې د شولو د پروسس کارخونې د جوړولو چارې پیل شوې
سیمهیی چارواکي دغه پروژه د صنعت، پانګونې او کاري فرصتونو د رامنځته کولو په برخه کې مهم پرمختګ بولي او تمه ده، چې د بغلان ولایت پر اقتصادي وضعیت مثبت اغېز وکړي.
د بغلان ولایت سیمهییزو چارواکو ویلي؛ د مرکزي بغلان ولسوالۍ د نوي پرانیستل شوي صنعتي پارک د چمقلعې په اړوند سیمه کې د دوه میلیون ډالرو پر ارزښت د شولو د پروسس د یوې کارخونې د جوړولو چارې پیل شوې دي.
سیمهیی چارواکي دغه پروژه د صنعت، پانګونې او کاري فرصتونو د رامنځته کولو په برخه کې مهم پرمختګ بولي او تمه ده، چې د بغلان ولایت پر اقتصادي وضعیت مثبت اغېز وکړي.
په مرکزي بغلان ولسوالۍ کې د شولو د پروسس د کارخونو د جوړولو د بنسټاېښودنې مراسم د سیمهییزو چارواکو، د صنعت او سوداګرۍ ادارې د مسوولانو، قومي مشرانو او یو شمېر اوسېدونکو په شتون کې ترسره شول.
د بغلان والي عبدالله مختار په دې مراسمو کې ویلي، چې د افغانستان اسلامي امارت د پانګونې د ودې او د ملي سوداګرو د ملاتړ لپاره په بېلابېلو اقتصادي برخو کې مناسب فرصتونه برابر کړي دي.
هغه زیاته کړې؛ د دې کارخونې جوړېدل په اقتصادي وده، کورنیو تولیداتو زیاتوالي او خلکو ته د کاري فرصتونو برابرولو کې مهم رول لوبولی شي.
دغه راز د بغلان ولایت د صنعت او سوداګرۍ رییس محمد نعیم همکار د دې فابریکې پرانیسته د صنعت او کرنیزو محصولاتو د پروسس په برخه کې یو مهم ګام وباله.
د نوموړي د څرګندونو له مخې؛ دا کارخونه د مرکزي بغلان په صنعتي پارک کې د شولو د پروسس لومړنۍ فابریکه ده او کولی شي د ولایت د کرنیز صنعت په وده کې اغېزناک رول ولوبوي.
له بلېخوا د دې پروژې پانګوال غلام نصیر برکتزي ویلي، چې دا کارخونه د دوه میلیون ډالرو پر لګښت جوړېږي او د فعالیت له پیل سره به یې د مرکزي بغلان ولسوالۍ یو شمېر اوسېدونکو ته د مستقیم او غیرمستقیم کار زمینه برابره شي.
هغه ټینګار کړی، چې د دوی موخه د کورنیو تولیداتو ملاتړ، د کرنې سکټور پراختیا او د هېواد ځوانانو ته د کاري فرصتونو برابرول دي.
برکتزي، چې د پرانیستې په مراسمو کې یې ګډون کړی و زیاته کړې، چې هڅه کوي د بغلان ولایت په بېلابېلو اقتصادي او صنعتي برخو کې پانګونه وکړي او د اقتصادي ودې او ځانبسیاینې زمینه برابره کړي.
د بغلان یو شمېر قومي مشرانو او اوسېدونکو د دې فابریکې له جوړېدو هرکلی وکړ او دا یې د بېکارۍ د کمولو او د سیمهییز اقتصاد د پیاوړتیا لپاره مهم ګام وباله.
ویل کیږي، چې دا فابریکه به هره ورځ د پام وړ شولې پروسس کړي او د کرنیزو تولیداتو د ودې او د کورنیو محصولاتو د بازار د پیاوړتیا په برخه کې به مهم رول ولوبوي.
سوداگري
چینايي او ازبکستاني پانګهوالو د افغانستان په کانونو کې پانګونې ته لېوالتیا وښوده
د یاد وزارت د څرګندونو له مخې؛ بهرنیو پانګهوالو د افغانستان اسلامي امارت له لوري د سراسري امنیت د ټینګښت او د پانګونې لپاره د مناسب چاپېریال له برابرېدا ستاینه کړې او د هېواد د فلزي او غیرفلزي کانونو په برخه کې یې د پانګونې لېوالتیا ښودلې ده.
د کانونو او پټرولیم وزارت ویلي، چې د دې وزارت مالي او اداري مرستیال حسامالدین صابري د ازبکستان او چین له یو شمېر پانګهوالو سره لیدلي دي.
د یاد وزارت د څرګندونو له مخې؛ بهرنیو پانګهوالو د افغانستان اسلامي امارت له لوري د سراسري امنیت د ټینګښت او د پانګونې لپاره د مناسب چاپېریال له برابرېدا ستاینه کړې او د هېواد د فلزي او غیرفلزي کانونو په برخه کې یې د پانګونې لېوالتیا ښودلې ده.
حسامالدین صابري د دوی د پانګونې له لېوالتیا هرکلی کړی او ډاډ ورکوي، چې د کانونو او پټرولیم وزارت به د کانونو له قانون او کړنلارې سره سم د پانګونې د بهیر د آسانتیا لپاره لازمې همکارۍ ترسره کړي.
سوداگري
په افغانستان کې د ۴۶ میلیون ډالرو پر ارزښت د معیاري لابراتوارونو جوړولو تړون لاسلیک شو
دغه تړون نن چارشنبه( د غويي درویشتمه) د حکومت د اطلاعاتو او رسنیو په مرکز کې د معیار او کیفیت ادارې د رییس فیضالله تمیم او د هندي TCRC کمپنۍ د استازي ترمنځ لاسلیک شو.
د معیار او کیفیت ادارې او یوې هندي نړیوالې کمپنۍ ترمنځ په افغانستان کې د معیاري لابراتواري کمپلکسونو د جوړولو او تجهیز تړون، چې ارزښت یې له ۴۶ میلیون ډالرو ډېر دی؛ د ریاستالوزراء د اقتصادي مرستیال ملا عبدالغني برادر په حضور کې لاسلیک شو.
دغه تړون نن چارشنبه( د غويي درویشتمه) د حکومت د اطلاعاتو او رسنیو په مرکز کې د معیار او کیفیت ادارې د رییس فیضالله تمیم او د هندي TCRC کمپنۍ د استازي ترمنځ لاسلیک شو.
د تړون له مخې؛ یاد شرکت به په پېنځه کلونو کې د هېواد د مرکز او د افغانستان نهو مهمو بندرونو معیاري لابراتواري کمپلکسونه جوړوي، پرمختللي تجهیزات به نصبوي او شته وسایل به هم ترمیموي.
دغه راز ټاکل شوې، چې د معیار او کیفیت ادارې د کارکوونکو د مسلکي وړتیاوو د لوړولو لپاره بهرني متخصصان ګوماري او کورني او بهرني روزنیز پروګرامونه به ترسره کوي.
د یادې ادارې په خبرپاڼه کې راغلي، چې د معیارونو له نړیوالې ټولنې (ISO) څخه د کیفیت د معتبرو نړیوالو تصدیقلیکونو ترلاسه کول هم د دې پروژې یوه برخه ده.
افغانستان او چین د واخان دهلېز او راتلونکو پراختیایي پروژو پر همکاریو ټینګار وکړ
په مرکزي بغلان ولسوالۍ کې د شولو د پروسس کارخونې د جوړولو چارې پیل شوې
قطر او اسلامي امارت د دوهاړخیزو اړیکو او همکاریو پر پراختیا ټینګار وکړ
د افغانستان ثبات او له نړیوالې ټولنې سره یې تدریجي ادغام به د قرغیزستان له لومړیتوبونو څخه وي
د ټاپي پروژې د اړتیا وړ پایپونو او تجهیزاتو د لېږد بهیر له نږدې وارزول شو
جاپان افغانانو ته د زدهکړې نوي بورسونه اعلان کړل
د افغانستان، ازبکستان او قرغزستان د استازو سوداګریزه ناسته ترسره شوه
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
له ایران سره نوې هوکړه به د پخوانۍ هوکړې پر پرتله «ډېره ښه» وي – ټرمپ
شهباز شریف د اوربند له غځېدو هرکلی وکړ؛ اسلامآباد د سولې هوکړې هیله څرګنده کړه
-
تازه خبرونه4 days agoله اسلامي امارت سره د «بشپړې ملګرتیا» د رامنځته کولو په حال یوو – روسیه
-
تازه خبرونه4 days agoچین او قطر د افغانستان د وروستیو بدلونونو په اړه خبرې کړې دي
-
تازه خبرونه5 days agoد افغانستان او پاکستان روان کړکېچ سترې سیمهییزې پروژې ځنډولې دي- د روسیې سفیر
-
سیمه ییز خبرونه4 days agoسعودي عربستان د ایران د جګړې پر مهال په عراق کې هوايي بریدونه کړي دي
-
تازه خبرونه5 days agoد برښنا شرکت مسوولانو او په کابل کې د ایران سفارت چارسمبالي د همکاریو پر پراختیا خبرې وکړې
-
تازه خبرونه5 days agoپه کازان کې د افغانستان او روسیې د ګډ اقتصادي او سوداګریز کمیسیون لومړنۍ ناسته ترسره شوه
-
نړۍ5 days agoچین ته د ټرمپ سفر؛ شي جینپینګ له امریکا سره د سوداګریزو خبرو د پرمختګ په اړه خبر ورکړ
-
نړۍ2 days agoد اسرائیل بیتشمش ته نږدې ستره چاودنه؛ تومر دفاعي شرکت: پېښه له مخکې پلان شوې آزموینه وه