تازه خبرونه
د دفاع وزارت چارسمبالي د قطر له امیر سره وکتل
(Last Updated On: کب ۱۷, ۱۴۰۲)
نن ( پنجشنبه د وږي اووهلسمه ) د ملي دفاع وزارت چارسمبالي محمد یعقوب مجاهد او د هېواد ستر درستیز د قطر له امیر شیخ تمیم بن حمد الثاني سره وکتل.
د اسلامي امارت ویاند ذبیحالله مجاهد ويلي، په دې کتنه کې د دواړو هېوادونو ترمنځ د اړیکو پر پراختیا او بېلابېلو پرمختګونو بحث او خبرې شوې دي.
د ذبیحالله مجاهد د څرګندونو له مخې؛ د قطر امیر افغانستان یو دوست او ورور هېواد وباله او ښه نیت یې څرګند کړ.
د دفاع وزارت چارسمبالي د قطر له همکاریو مننه وکړه او د اړیکو د پراختیا ډاډ یې ورکړ.
ویل کیږي، چې محمد یعقوب مجاهد یو ځل بیا د افغانستان د ازادۍ په ترلاسه کولو او د اشغال په پای ته رسولو کې د قطر هېواد له همکارۍ او هوښیارانه منځګړیتوب څخه مننه وکړه.