Connect with us

روغتيا

د روغتیا نړیوالې ټولنې په افغانستان کې د دینګي ناروغۍ له ډېرېدو اندېښنه څرګنده کړه

خپور شوی

د

(Last Updated On: غبرګولى ۱, ۱۴۰۲)

د روغتیا نړیوالې ټولنې خبرداری ورکړی، چې د بارانونو له پیلېدو سره به په افغانستان کې د دینګي ناروغۍ پېښې زیاتې شي.

د دې ټولنې د افغانستان څانګې تویت کړی، چې دوی داسې روغتیایي کارکوونکي روزلي، چې د دینګي پېښې مدیریت کړي.

د روغتیا نړیوالې ټولنې په دې وروستیو کې د کونړ، لغمان، نورستان او ننګرهار له ۱۸ روغتونونو او ۲۵۰ روغتیايي مرکزونو څخه ۳۰۰ داکتران، نرسان او لابراتوار تخنیکران روزلي دي.

دغې ټولنې دا هم ویلي، چې د دینګي د پېښو د مدیریت درې ورځنی کورس په ۱۲ برخو کې ترسره شوی، چې په کې ۶۵ ښځینه روغتیایي کارمندانو برخه واخیسته.

دغه راز ویل کیږي: لکه څنګه، چې مونږ روغتیایې اړتیاوې چمتو کوو؛ خلکو ته وایو، چې خپل ځان او کورنۍ د غوماشو له چیچلو خوندي کړي او د دینګي تبې مخه ونیسي.

د دینګي تبې پر مهال لاندې نښې د پاملرنې وړ دي: د عضلاتو درد، خواګرځول او د پوستکي خارښت دي؛ خو دا ډېر شدید او کله ناکله د عفونت له زیاتېدو سره وژونکې وي، چې د اوږدې مودې اندېښنه رامنځته کوي.

دا ناروغي له یوه کس څخه بل ته د همدغو میاسو پر چیچلو لېږدول کیږي، چې په کورني چاپېریال کې وده کوي؛ د کورونو دننه او شاوخوا د اوبو په حوضونو کې هګۍ اچوي، له روانو اوبو بې برخې سیمې ډېرې زیانمنوي.

د روغتیا پوهانو د څرګندونو له مخې د دينګي ناروغۍ ۸۰ سلنه درملنه په کور کې ترسره کیدلی شي او روغتون ته د تلو اړتیا نه پېښیږي. دا هغه مهال، چې لومړنۍ نښې نښانې یې ژر وپېژندل شي.

د دینګي ناروغۍ د درملنې لپاره ځانګړي درمل نه‌شته؛ خو په لومړي سر کې باید د دردونو ګولۍ وخوړل شي، دمه دې وشي او اوبلن توکي دې وکارول شي.

هغه مهال، چې ناروغي ډېره شي او نورې نښې ورسره هم راڅرګندې شي؛ نو بیا باید داکتر ته مراجعه وشي.

دینګي غوماشې سهار وختي له رڼا کېدو مخکې او له لمر پریوتو دوه ساعته مخکې مستیږي او الوت پیلوي. دا د اګست میاشتې له پېل څخه تر اکتوبر وروستۍ ورځو پورې بوره وده کوي او د خپریدو خطر یې هم ډېر وي؛ خو په سړه هوا کې د دینګي نسلي وده بندیږي.

د دې غوماشې نوم ایدیس ایجپتي دی، چې او دا ناروغي له یوه کس څخه بل ته لیږدوي.

د دې ناروغۍ داکترانو څرګنده کړې، چې د دینګي غوماشو له چیچلو وروسته په ناروغ کې له درې ورځو یا دوه اوونیو وروسته اړوند نښې نښانې راڅرګندیږي.

روغتيا

قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې

Published

on

(Last Updated On: کب ۱۰, ۱۴۰۲)

د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.

په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځان‌بسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.

نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.

د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.

همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.

د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.

Continue Reading

روغتيا

د ګوزڼ واکسيناسيون فرعي کمپاين پيل شو

Published

on

(Last Updated On: کب ۷, ۱۴۰۲)

د افغانستان عامې روغتیا وزارت د نړیوالو بنسټونو پر همکارۍ نن (دوشنبه د کب اوومه / د فبرورۍ شپږویشتمه ) د ګوزڼ یا پولیو واکسین د پلي کېدا د فرعي کمپاین دوه‌یم پړاو پیل کړ.

د پولیو واکسین دغه څلور ورځنی کمپاین به د هېواد په بېلابېلو سیمو کې پلی شي.

د دغه کمپاین موخه له پېنځه کلنو څخه کم عمره اووه اعشاریه شپږ میلیون ماشومانو ته د ګوزڼ ویروس پر وړاندې واکسین پلی کیږي.

د عامې روغتیا وزارت چارسمبالي قلندر عباد ویلي: مونږ د خپلو کاري شریکانو پر همکارۍ په افغانستان کې د ګوزڼ ناروغۍ له منځه وړلو ته ژمن یوو. مونږ شپه او ورځ کار کوو او په ټول هېواد کې د پولیو د بشپړ له منځه وړلو هدف ته د رسېدو لپاره د پولیو واکسین کمپاینونو او روغتیايي خدمتونو ته دوام ورکوو.

هغه زیاته کړې: د ګوزڼ د له منځه وړلو په چارو کې د ټولو افغانانو په ځانګړي توګه د سپین‌ږیرو، د سیمې د مشرانو او دیني عالمانو ملاتړ مهم دی. دا د دوی لپاره اړینه ده، چې د ګوزڼ پر وړاندې مبارزه کې برخه واخلي او خپل ماشومان روغ وساتي.

ګوزڼ يوه ويروسي ناروغي ده، چې درملنه يې نه‌کېږي او يوازې د واکسيناسيون په واسطه وقایه او مخه یې نيول کېدی شي.

Continue Reading

روغتيا

په روان ژمي کې څه باندې ۲۸۶ زره کسان پر تنفسي ناروغیو اخته شوي

Published

on

(Last Updated On: کب ۵, ۱۴۰۲)

د روغتیا نړیوالې ټولنې څرګنده کړې؛ د افغانستان په ۳۴ ولایتونو کې د ژمي له پیل راپدیخوا له ۲۸۶ زره ډېر کسان پر تنفسي ناروغیو اخته شوي، چې ۶۶۸ کسان ترې مړه شول.

د دې ټولنې د څرګندوونو له مخې؛ له ۶۳ سلنې ډېر ناروغان له پېنځه کلونو کم عمره ماشومان او نږدې ۵۰ سلنه یې ښځې دي.

د راپور په یوه برخه کې راغلي: د سوړ موسم له پیل راپدیخوا په افغانستان کې د تنفسي ستونزو د ناروغانو شمېر زیات شوی دی. د ۲۰۲۴ ز.کال د جنورۍ له لومړۍ څخه د افغانستان په ۳۴ ولایتونو کې له ۲۸۶۰۰۰ څخه زیات کسان پر تنفسي ناروغیو اخته شوي او په ټولیزه توګه ۶۶۸ کسان ترې مړه شوي دي.

د افغانستان عامې روغتیا وزارت ويلي، چې په دې وروستیو کې د تنفسي ناروغیو د ناروغانو شمېر ډېر شوی او په ۲۰۲۳ ز.کال کې له دغه وزارت سره له دوه اعشاریه ۹ میلیون ډېر تنفسي ناروغان ثبت شوي دي.

د افغانستان د عامې روغتیا وزارت د چارواکو د څرګندونو له مخې، ډېري ناروغان ماشومان او لویان دي.

یو شمېر ډاکټران په هېواد کې د تنفسي ناروغیو د زیاتوالي لامل د هوا ککړتیا ګڼي او وايي، چې په پوره تنفسي ناروغیو اخته ناروغانو ته باید د اړینو درملو د اخیستو ترڅنګ مناسبه تغذیه هم ورکړ شي.

دا په داسې حال کې ده، چې هر کال د سوړ موسم په رانږدې کېدو او د هوا د ککړتیا له زیاتېدو سره په هېواد کې پر تنفسي ناروغیو د اخته کسانو شمېر ډېرېږي او ډېري ماشومان د دې ناروغیو له ګواښ سره مخ کېږي.

Continue Reading

Trending

Copyright © 2022 Ariana News. All rights reserved!